Heilbrigðisskýrslur - 01.12.1992, Page 66

Á árinu 1991 og 1992 var unnið að eftirlitsátaki í verksmiðjuiðnaði og er ætlunin
að Vinnueftirlitið muni áfram taka fyrir slík verkefni á næstu árum. í
átaksverkefnum af þessu tagi er blandað saman fræðslu og eftirliti og reynt að gera
það á þann hátt að bæði stjórnendur og starfsmenn fyrirtækjanna verði virkari á
eftir í fyrirbyggjandi starfi (Vinnueftirlit ríkisins 1991, bls. 1 og 1992, bls. 6).
Atvinnusjúkdómadeild Heilsuverndarstöðvar Reykjavíkur heimsækir einnig
vinnustaði í sambandi við meint atvinnusjúkdómatilfelli í því skyni að meta áhættu
og gefa ráð til að draga úr áhrifum áhættuþátta á vinnustað (Heilsuverndarstöð
Reykjavíkur, Heilbrigðiseftirlit Reykjavíkur og Heilsugæslustöðvar Reykjavíkur,
1990, bls. 63).
5.14 Samantekt
Heilsugæslustöðvar eru samkvæmt lögum þungamiðjan í heilsugæslu á íslandi.
Mæðra- og ungbarnavernd fer fram á heilsugæslustöðvum og einnig eru
skólaheilsugæsla og heimahjúkrun verkefni heilsugæslustöðva. Reykjavík hefur
nokkra sérstöðu miðað við önnur læknishéruð því þar hefur ekki verið lokið við
uppbyggingu heilsugæslustöðva. Heilsuverndarstöð Reykjavíkur hefur þess vegna
sinnt talsverðum hluta ofangreinds heilsuverndarstarfs í borginni. Fjölmargar aðrar
stofnanir og félög standa að forvömum, t.d. tóbaksvörnum, áfengis- og
vímuefnavörnum og slysavörnum.
I könnun á kynhegðun Islendinga 1992 kom í ljós að 16-19 ára unglingar heíja
kynmök við 15 ára aldur. Jafnframt kom í ljós að helmingur þessa unga fólks notaði
ekki smokk við skyndikynni þrátt fyrir að þau vissu að hann væri góð vörn við
kynsj úkdómasmiti.
I mars 1991 mælti landlæknir með því að hafin skyldi almenn bólusetning gegn
lungnabólgubakteríum meðal 60 ára og eldri.
Höfuðáverkar eru alvarlegustu áverkar reiðhjólaslysa. Hjálmanotkun fækkar
dauðsföllum og alvarlegum áverkum mikið.
I könnun Manneldisráðs á mataræði skólabarna veturinn 1992-1993 telst skortur
á næringarefnum ekki vandamál meðal íslenskra skólabarna. Sykurneysla er meiri
en góðu móti gegnir en neysla mjólkur og mjólkurvara rífleg.
62