Heilbrigðisskýrslur - 01.12.1992, Side 76

Það er erfiðleikum bundið að bera saman aðsókn og mannafla á
höfuðborgarsvæðinu og á landsbyggðinni. Á landsbyggðinni er heilsugæsla, eða
heilbrigðisþjónusta utan sjúkrahúsa, að stórum hluta sinnt af heilsugæslustöðvum
en á höfuðborgarsvæðinu eru mun fleirri aðilar sem sinna þessari þjónustu, s.s.
heimilislæknar, sjálfstætt starfandi sérfræðingar, Heilsuverndarstöð Reykjavíkur og
ýmsar deildir sjúkrahúsa utan legudeilda og stofiianir t.d. Krabbameinsfélagið,
Hjartavernd o.fl. Þessi þjónusta er án efa nýtt af öllum landsmönnum en líklegt er
að heilsugæslustöðvar á landsbyggðinni sinni einhverjum hluta af því starfi sem t.d.
sjálfstætt starfandi sérfræðingar og Slysavarðstofa Borgarspítalans sinna á
höfuðborgarsvæðinu.
6.4.5 Vinnuframlag
Nauðsynlegt er að fá gleggri mynd af "raunverulegu" vinnuframlagi starfsmanna
í heilbrigðisþjónustunni. Til þess að svo megi verða var aflað upplýsinga um fjölda
yfirvinnustunda eftir starfsstéttum. Eingöngu var leitað eftir þessum upplýsingum
hjá stærstu sjúkrahúsum landsins, þ.e. Landspítala, Borgarspítala og Landakoti.
Flokkar heilbrigðisstarfsmanna voru settir saman með það að leiðarljósi að
aldrei væru mjög fáir einstaklingar í hverjum flokki. Þannig var komist hjá því að
Qalla um fjölda yfirvinnustunda fyrir starfsstéttir sem telja einungis fáa
starfsmenn.
Fjöldi yfirvinnustunda var umreiknaður yfir í fjölda stöðugilda. Miðað var við að
eitt ársverk jafngilti 173,3 vinnustundum á mánuði eða 2080 vinnustundum á ári. Á
þessum þremur sjúkrahúsum voru árið 1992 3.982 setnar stöður (3.993 árið 1990)
og 562 ársverk í yfirvinnu (692 árið 1990).
Mynd 6.4
Ársverk í yfirvinnu miðað við setnar stöður á þremur
sérgreinasjúkrahúsum 1992 eftir starfsflokkum
□ Setnar stöður ■ Ársverk í yfirvinnu
72