Kvöldvaka - 01.02.1934, Blaðsíða 6
4
KVÖLDVAKA
Tvíburarnir voru ekki sam-
feðra.
Nýlega kom alleinkennilegt
mál fyrir dómstólana i Ame
ríku. Maður nokkur að nafni
Peddie hafði sótt um skilnað
við konu sína og bar fram sem
ásta'ðu að hún hefði verið sjer
ótiú. Konan hafði nýlega getið
tvíbura og hjelt Peddie því
fram, að hann væri ekki faðir
nema að öðru barninu, en ná-
grarini sinn ætti hitt barnið.
Læknar komust að þeirri niður-
stöðu, að ekkert væri því til
fyrirstöðu, að tvíburar gætu átt
hvor sinn föðurinn, og á þeim
forsendum bygði rjetturinn dóm
sinn í málinu. Maðurinn fjekk
skilnað við konu sína og dæmd-
an föðurrjett að því barninu,
sem hann kvaðst eiga.
Mál þetta hefir vakið geysi-
lega athygli og orðið orsök að
áköfum umræðum meðal lækna
í Ameríku.
Hljómmyndir
inn á hvert heimili.
Lengi hefir verið að því unn-
ið erlendis af hinum færustu
hugvitsmönnnm að finna upp
fjarsýniaáhald, er geti komið
öllum almenningi að gagni á
mjög ódýran hátt. Eftir því sem
erlend blöð skýra frá hefir ensku
fjelagi tekist þetta, að því er
ætlað er. Fjelag þetta heitir
»Electric Musicai Industries«.
Eftir því sem sagt er hefir fje-
lagi þessu tekist að finna upp
fjarsýnisahaid, sem kvað sýna
mjög skýrar myndir. iiiraun-
irnar hafa aðallega gengið út
á það, hvort takast mætti að
taka á móti og endurvarpa
hijómmyndum á venjulegan
móttakara. Þetta kvað hafa tek-
ist svo vel, að það yfirstígi all-
ar fyrri tilraunir í þessa átt.
Og eftir sögn á hver sá, sem á
útvarpstæki, að geta með hverf-
andi Jitlum aukakostnaði útbú-
ið hljómmyndasýningu í sinni
eigin stofu. Reynist þetta rjett,
má búast við að útvarpið vei ði
hættulegur keppinautur kvik-
myndahúsanna.
GERIR EKKERT.
Kvikmyndastjórinn: »Jæja —
hjerna er hamarinn, sem þjer
eigið að hlaupa framaf-.
Leikarinn: »En — jeg limlest-
ist eða dey ef jeg geri það«.
Kvikm: »Gerir ekkert, það er
hvott sem er í síðasta sinn sem
þjer komið.fram í myndinni«.