Börn og menning - 01.04.2007, Page 33

Nokkrir nýlegir barnadiskar og ein nótnabók
31
fjörug því á diskinum eru tvær vögguvísur.
Textarnir fjalla um reynsluheim ungra barna,
mömmu, pabba, stóra bróður, kisu, hljóðin
í nánasta umhverfi, krumma, hollan mat og
svo framvegis. Efnið er fallega fram sett en
mörkin milli þess skemmtilega barnalega og
þess væmna geta stundum verið hárfín. í
laginu Litla kisa er Kristjana farin að nálgast
mín væmnisþolmörk töluvert þegar litla kísan
kemur inn að súpa og verður svo sybbin.
Hljóðfæraleikurinn á þessum diski er
virkilega góður og greinilegt er að hugsað
hefur verið um þarfir lítilla barna. Takturinn
er ákveðinn en aldrei harður, laglínan og
söngurinn fá að njóta sín og hjálpar það
ungum hlustendum að læra lögin. Heilmikið
hefur verið lagt í útsetningarnar, lögin hafa
hvert sinn svip, marimban og slagverkið setja
mikinn lit á lögin og það gerir krakkakórinn
flotti líka. Kristjana sjálf er mjög fín söngkona.
Hún hefur fallega og þægilega rödd og
sérstaklega góða og eðlilega framsögn og er
það vel, því það læra börnin sem fyrir þeim er
haft. Umslagið er fallegt og litríkt. í heildina
er þetta mjög vandaður og skemmtilegur
diskur fyrir lítil börn.
Ævintýri úr Nykurtjörn - hljóðbók
með söngvum
Ævintýri úr Nykurtjörn kom fyrst út á
hljómplötu árið 1984 en sagan fylgdi með
í bókarformi. Þetta var fyrsta bók Aðalsteins
Ásbergs Sigurðssonar ætluð börnum og
þannig fyrirrennari þekktari verka eins og
Dvergasteins og Brúarinnar yfir Dimmu.
Þetta er stutt saga, af 40 mínútna diski er
innan við helmingurinn upplestur á sögunni.
Hún byggir á þjóðtrúnni um nykrana, þessar
furðuskepnur sem líkjast
hestum en þær má þekkja á
því að það sem snýr fram á
hófum hesta snýr aftur á fótum
nykranna. Sagan segir frá lífi
Nikólínu nykurdísar og Nóna
gamla föður hennar. Þau
búa í Nykurtjörn og lifa þar
á gróðri og skorkvikindum
og einstaka fiski. Feðginin lifa
einföldu lífi og una sér oftast í tjörninni
en stundum langar þau að lokka til sín
manneskjur, bara svona til gamans, rétt
eins og þegar fólk fær sér gæludýr. Sagan
er nokkuð lengi ( gang og líður fyrir það
að vera slitin um of í sundur af tónlistinni.
Aðalsteinn er varla búinn að lesa nokkrar
setningar þegar persónurnar bresta í söng
án þess að bæta verulega við framvinduna.
En þó áð sagan standist ekki samanburð
við bestu verk Aðalsteins er hún að mörgu
leyti skemmtileg og þegar kynningu á
persónunum og aðstæðum þeirra er lokið
og atburðarásin er komin í gang er hún
býsna spennandi. Tónlistin bæði styður við
söguna og dregur úr henni. Mér finnst lögin
standa of þétt og slíta frásögnina í sundur,
sérstaklega í byrjun en í lokin eru nokkur
verulega sterk og næstum óhugnanleg lög
sem auka mjög á spennuna, meira að
segja svo mjög að vissara er að ungir
hlustendur séu ekki alveg einir við fyrstu
hlustun. Hljómurinn í tónlistinni er svolítið
mattur, en hljóðfæraleikurinn er annars
bæði fagmannlegur og fjölbreyttur. Lögin
sjálf eru bræðingur af vísna- og leikhústónlist
og ágætlega heppnuð sem sli'k. Bergþóra
Árnadóttir syngur flest þeirra og stendur
söngurinn hljóðfæraleiknum nokkuð að
baki.
Börnin sem hlustuðu með mér gáfu
Ævintýri úr Nykurtjörn bestu einkunn. Eitt
þeirra hvíslaði því þó að mér að það væri
hrætt við galdralagið.
Krúsilíus og bullutröllin
Komdu að syngja! - Mynddiskur með
barnatónlist
Á þessum diski flytja Anna Pálína Árnadóttir
og Gunnar Gunnarsson lög og Ijóð sem
langflest eru eftir Aðalstein Ásberg
Sigurðsson af geisladiskunum Berrössuð á
tánum (1998) og Bullutröll (2000). Veturinn
2001 - 2002 komu
þau Anna Pálína og
Gunnar reglulega
fram í tónlistarhorninu
í Stundinni okkar í
ríkissjónvarpinu og fluttu
þar tónlist og spjölluðu
hvort við annað og börnin
sem horfðu á. Samspil hinnar
eldfjörugu söngkonu og hins
hægláta píanóleikara var einkar
skemmtilegt og bauð upp á heimspekilegar
vangaveltur og broslegan misskilning. Það
eru þessir þættir sem hefur verið safnað
saman á diskinn Komdu að syngjal, en auk
þeirra eru é honum tvö myndbönd og ein
eldri upptaka.
Lögin sem Anna Pálína og Gunnarflytja þarf
tæpast að kynna. Anna Pálína syngur brot úr
alþekktum söngvum, svo sem Guttavísum og
afmælislaginu, en uppistaðan er eins og áður
segir hin vinsælu lög Aðalsteins Ásbergs sem
lifna við og verða sem ný í hvert sinn sem
hún syngur þau. Flutningurinn er vandaður
og líflegur og túlkunin fyrsta flokks bæði hjá
söngkonunni og píanóleikaranum. Þetta er í
alla staði vandaður og eigulegur diskur.
Krúsilíus og fleiri barnasöngvar
- nótnabók
Mörg lagana af diskinum Komdu að syngja!
eru líka í nótnabókinni Krúsilius og fleiri
barnasöngvar sem kom út um svipað leyti.
Enda er það ekki nema eðlilegt, í bókinni
eru mörg af vinsælustu lögum Aðalsteins
Ásbergs svo sem „Örugglega umskiptingur",
„Óskaðu þér" og auðvitað „Krúsilíus"
sjálfur. Lögin eru alls tuttugu og tvö, hvert
öðru skemmtilegra. Útsetníngar Gunnars eru
stórfínar, hvorki of flóknar né einfaldar þannig
að slarkfærir pfanóleikarar geta vel ráðið við
þær. Eins eru hljómarnir viðráðanlegir þannig
að sæmilegir gítarleikarar geta notað bókina
líka. Nótnaskriftin er skýr og aðgengileg
og textarnir fylgja að sjálfsögðu með. Þessi
nótnabók verður örugglega mikið notuð,
bæði í grunn- og leikskólum, tónlistarskólum
og á heimilum.
Höfundur er kennari og textahöfundur