Fréttabréf Ættfræðifélagsins - apr. 2020, Blaðsíða 22

22http://www.ætt.is
Fréttabréf Ættfræðifélagsins í apríl 2020
aett@aett.is
Ársskýrsla Ættfræðifélagsins
fyrir árið 2019
Ættfræðifélagið var stofnað 22. febrúar 1945 og er
því nýorðið 75 ára. Starfsemi félagsins var með hefð-
bundnu sniði á síðastliðnu ári, líkt og undanfarin ár.
Félagið hélt síðast aðalfund fimmtudaginn 28.
febrúar 2019 í Þjóðskjalasafni Íslands, Laugavegi
162. Á dagskrá voru venjuleg aðalfundarstörf.
Samkvæmt lögum félagsins áttu þeir Benedikt
Jónsson, Eiríkur Þór Einarsson og Hörður Einarsson
að ganga úr stjórn, en allir gáfu þeir kost á sér áfram.
Tillaga um endurkjör þeirra var samþykkt. Stjórn
Ættfræðifélagsins ásamt varamönnum á 75. starfsári
var því þannig skipuð: Benedikt Jónsson formaður,
Anna Guðrún Hafsteinsdóttir, Arnbjörn Jóhannesson,
Áslaug Herdís Úlfsdóttir, Eiríkur Þór Einarsson,
Hörður Einarsson og Kristinn Kristjánsson. Olgeir
Möller, sem hefur verið skoðunarmaður reikninga
félagsins um margra ára skeið, óskaði eftir að draga
sig í hlé. Í hans stað var kosinn Ágúst Jónatansson og
kemur hann til liðs við Ólaf Pálsson, sem hefur verið
skoðunarmaður reikninga félagsins um árabil.
Á stjórnarfundi 6. mars 2019 skipti stjórnin með
sér verkum þannig að Eiríkur Þ. Einarsson var kjörinn
varaformaður, Arnbjörn Jóhannesson ritari, Kristinn
Kristjánsson gjaldkeri og Áslaug Herdís Úlfsdóttir
meðstjórnandi. Varamenn í stjórn voru þau Anna
Guðrún Hafsteinsdóttir og Hörður Einarsson.
Í félagsstarfinu hefur megináhersla verið lögð á
félagsfundi og útgáfu fréttabréfs.
Félagsfundir
Félagsfundir hafa verið haldnir í Viðey, fund-
arsal Þjóðskjalasafnsins. Það hafa verið sterk tengsl
milli Ættfræðifélagsins og Þjóðskjalasafnsins, allt
frá því félagið var stofnað fyrir rúmum 75 árum.
Ættfræðifélagið hefur unnið að ýmsum verkefnum
með safninu, einkum útgáfu manntala, og alltaf mætt
þar einstökum velvilja og vonum við að svo verði
áfram.
Fimmtudaginn 31. janúar 2019 flutti Jóhanna Þ.
Guðmundsdóttir, sagnfræðingur og skjalavörður í
Þjóðskjalasafni Íslands, erindi um voveiflegt andlát
sveitarómagans Páls Júlíusar Pálssonar, sem átti sér
stað á bænum Skaftárdal í Vestur-Skaftafellssýslu í
mars 1903. Orðrómur var á kreiki um að húsbændur
drengsins hefðu farið illa með hann og sá sýslumað-
urinn á Kirkjubæjarklaustri sig knúinn til þess að
kanna málið frekar.
Á marsfundi flutti Guðfinna Ragnarsdóttir er-
indi um Ófeig Jónsson á Heiðarbæ í Þingvallasveit,
ættir hans og lífshlaup. Ófeigur lagði gjörva hönd á
margt og var eftirsóttur rokkasmiður og málari. Hann
byggði kirkjur, smíðaði altari og predikunarstóla og
málaði altaristöflur.
Fimmtudaginn 11. apríl 2019 fjallaði Heiðar
Lind Hansson sagnfræðingur og starfsmað-
ur Þjóðskjalasafns Íslands um búskap hjónanna
Guðmundar Guðmundssonar og Rannveigar
Vigfúsdóttur í kotinu Hamarshúsum í Borgarhreppi í
Mýrasýslu í lok 19. aldar og sagði frá ættslóð þeirra.
Heiðar Lind er afkomandi þeirra hjóna.
Haldið var í hina árlegu vorgöngu laugardag-
inn 18. maí 2019. Að þessu sinni var gengið um
Skólavörðuholt og Skólavörðustíg og sagan rak-
in allt frá ísöld til okkar daga. Ýmislegt var í sigt-
inu: beitarhúsin frá Arnarhóli, landmælingastólpinn,
Skólavarðan, Steinkudys, kartöflugarðarnir, bragg-
arnir, háborgin, Guðjón Samúelsson, Hnitbjörg,
Hringur Jóhannesson, Tobbukot, Einar Benediktsson,
Tugthúsið, Ekkjukassinn og Snússa. Leiðsögumaður
var Guðfinna Ragnarsdóttir jarðfræðingur og ritstjóri
Fréttabréfs Ættfræðifélagsins.
Á septemberfundi fjallaði Jón Torfi Arason sagn-
fræðingur um hugmyndaheim 18. aldar fræðimanns-
ins Magnúsar Ketilssonar, sýslumanns í Dalasýslu,
eins og hann birtist, annars vegar í erlendum bókakosti
hans og hins vegar í álitsgerð um viðreisn Íslands, sem
hann samdi og sendi Landsnefndinni fyrir árið 1771.
Í október flutti Sigrún Magnúsdóttir þjóðfræð-
ingur erindi um gjörningaveðrið í Hrísey og afa sinn
Galdra-Villa, Vilhjálm Einarsson bónda á Bakka
í Svarfaðardal. Um tvítugt var hann sjómaður í
Eyjafirði og var talinn hafa valdið gjörningaveðri sem
skall á í Hrísey 11. september 1884. Veðrið laskaði
eða eyðilagði 33 síldarskip Norðmanna.
Hefðbundinn nóvemberfundur færðist til 12.
desember 2019. Þá flutti Þórður Sveinsson lögfræð-
ingur og sviðsstjóri úttekta hjá Persónuvernd er-
indi um vinnslu persónuupplýsinga í þágu ættfræði
og fór m.a. yfir þróun persónuverndarlöggjafar frá
Evrópuráðssamningi árið 1981 og fyrstu íslensku
persónuverndarlöggjöfinni til núgildandi laga um
persónuvernd.
Allir fyrirlesararnir gáfu framlag sitt og kann
Ættfræðifélagið þeim miklar þakkir fyrir.
Útgáfa Fréttabréfsins
Fréttabréf Ættfræðifélagsins var undir styrkri ritstjórn
Guðfinnu Ragnarsdóttur, sem hefur séð um blaðið
með miklum sóma mörg undanfarin ár. Þórgunnur
Sigurjónsdóttir sá um umbrot og fórst það vel úr
hendi. Fréttabréfið er megin tenging margra félags-