Hinsegin dagar í Reykjavík - aug 2018, Qupperneq 10

„Upp í hugann kemur maður sem hét Jóhann Gestsson. Sá
kunni illa að leynast fyrir heiminum. Hann var það sem sumir
kölluðu flamboyant því það var sterk sveifla í honum enda
stundum kallaður Malla milljón í hópi félaganna. Hann féll
engan veginn að þeim einsleita anda sem ríkti í henni Reykjavík
á sjötta áratug aldarinnar og varð iðulega fyrir barsmíðum og
misþyrmingum, oftast í skjóli nætur. Af þeim sökum kvaddi
hann Ísland, hélt til New York og starfaði lengstum sem rakari á
Manhattan, naut ásta annars manns og lifði í þokkalegri sátt við
sjálfan sig. Þó segir það sína sögu að hann innréttaði íbúð sína
í Hell’s Kitchen upp á íslenskan máta, lét flytja íslensk húsgögn
yfir hafið, eldaði íslenska kjötsúpu í hverri viku, í sófanum voru
útsaumaðir púðar að íslenskum hætti og á veggjunum íslensk
málverk. Hann þráði Ísland á sinn hátt en að lifa þar var honum
óbærilegt og í hans augum óhugsandi að búa hér á landi. Til marks
um heimþrána má nefna að aldraður maður og farinn að heilsu
kom hann heim til að deyja.“
Úr sagnasafni Þorvaldar.
„Eitt sinn var mér sögð saga manns sem kvaddi Ísland ungur
á þriðja áratug aldarinnar og hélt til náms í Kaupmannahöfn.
Hann menntaðist vel og hlaut góðan starfa, hafði svo sem
aldrei hátt um kynhneigð sína að þeirra tíðar hætti en leyndi
henni þó ekki fyrir vinum og kunningjum. Einhverja reynslu
átti hann svo sára frá Íslandi að hann afbar ekki að vitja
sinna gömlu heimkynna og stíga þar á land. Sigldi þó einu
sinni með Gullfossi til Reykjavíkur, munstraði sig yfir á næsta
strandferðaskip í Reykjavík og sigldi kringum landið til þess
svo að stíga aftur um borð í Gullfoss og halda til baka til
Kaupmannahafnar. Að sögn þeirra sem til þekktu steig hann
aldrei fæti á Ísland nema til að munstra sig milli skipa, svo sárar
voru minningarnar um upprunann. Hverjar þær voru veit víst
enginn lengur. En eitthvað kallaði, eitthvað togaði.“
Úr sagnasafni Þorvaldar.
„Hann var strákur úr sveit á Suðurlandi og stakk af á skipi til
Kaupmannahafnar sautján ára haustið 1937 án þess að láta
nokkurn vita af þeim áformum nema mágkonu sína kvöldið
sem hann hvarf. Fjölskyldan vissi ekkert um afdrif hans fyrr
en eftir heimsstyrjöldina að hann skrifaði heim eftir ótrúlega
lífsreynslu. Lengst af þessum árum hafði hann starfað með
sirkusfólki og ferðast um álfuna. Um tíma hafði hann lent í
einangrunarbúðum nasista, sennilega í Hollandi, eins og títt
var um þá sem ekki gátu sannað fasta búsetu á þeim árum.
Birtist svo í Kaupmannahöfn eftir stríð, eignaðist heimili á
Vesturbrú, stundaði þá skemmtistaði sem hommar sóttu og
var langan hluta úr ári háseti á fraktskipum um víða veröld.
Hann tók smám saman upp bréfasamband við ættingja sína og
reyndist þeim góður gestgjafi í Kaupmannahöfn en kom aldrei
til Íslands og dó í Kaupmannahöfn. Eitt sinn tyllti hann niður
tánum í flugstöðinni í Keflavík á leið milli heimsálfa eftir að hafa
munstrað sig af fraktskipi í Bandaríkjunum en gerði ekki vart
við sig hér á landi, gat ekki hugsað sér það. Varðveist hafa bréf
frá honum sem lýsa sársauka og biturð, bréf manns sem þekkti
tilfinningar sínar en fann þeim ekki stað á Íslandi og sá þann
kost einan – að hverfa.“
Úr sagnasafni Þorvaldar
ommar
flóttaáH
OFF-VENUE DAGSKRÁ
OFF-VENUE PROGRAMME
hinsegindagar.is/offvenue
reykjavikpride.is/off-venue
Off-venue dagskrá hvers árs er í vinnslu allt fram að
hátíð og hægt er fylgjast með henni breytast og þróast
á vefsíðu Hinsegin daga.
Vilt þú halda off-venue viðburð á meðan hátíðinni
stendur? Fylltu þá út skráningarformið á vefsíðu
Hinsegin daga og segðu okkur frá þinni hugmynd.
Hinsegin dagar áskilja sér rétt til að hafna umsóknum
sem ekki falla að markmiðum hátíðarinnar.
Several off-venue events are happening during Pride
Week – the full schedule can be found on the Reykjavik
Pride website. Do you want to host your own event
during Pride week? Fill out a registration form on the
website and tell us about your idea. Reykjavik Pride
reserves the right to reject applications that do not
conform to our policy.
Lag Hinsegin daga 2018:
„Loksins“
The song of Reykjavik
Pride 2018: “Finally”
Flytjendur / Performers: Andrea Gylfa og/and Hinsegin
kórinn/The Reykjavik Queer Choir
Hljóðfæraleikarar / Instruments: Ásmundur Jóhannsson,
Jóhann Ásmundsson, Steinþór Guðjónsson og/and Halldór
Smárason

Höfundur lags og texta / Music and lyrics: Helga Margrét
Marzellíusardóttir
Lagið verður aðgengilegt á / The song will be available at
hinsegindagar.is/lag
10