Hinsegin dagar í Reykjavík - Aug 2018, Page 58

Ný lög um jafna meðferð
á vinnumarkaði
Anna Pála Sverrisdóttir tók saman

Hefur þú eða einhver sem
þú þekkir orðið fyrir
mismunun í vinnu?

En það þýðir ekki að vinnuveitendur eigi að komast upp með
að láta fólk njóta verri meðferðar bara fyrir að vera eins og
það er. Í þessu samhengi skiptir miklu máli að sönnunarbyrði í
kærumálum er öfug (einmitt – skemmtilegt!). Það er að segja,
vinnuveitandinn þarf að geta sýnt fram á að hafa ekki beitt
mismunun, svo lengi sem hægt er að leiða líkum að henni. Auk
þess er bannað að segja starfsmönnum upp eða láta þá gjalda
að öðru leyti fyrir að hafa kvartað undan eða kært mismunun.

Jafnréttisstofa sér um framkvæmd nýju laganna og því verður
hægt að hringja þangað og leita sér leiðbeininga. Kærumálum
skal beina til kærunefndar jafnréttismála og það eru ekki bara
einstaklingar sem geta leitað til hennar heldur líka til dæmis
félagasamtök. Það þýðir að þú, kæra hinsegin manneskja, getur
leitað til Samtakanna ´78 til að fá aðstoð og stuðning.
Frá 1. september 2018 verður loksins orðið ólöglegt á Íslandi
að mismuna fólki á vinnumarkaði á grundvelli meðal annars
kynhneigðar, kynvitundar, kyneinkenna eða kyntjáningar. Þá
taka gildi ný lög um jafna meðferð á vinnumarkaði.

Hvað þýðir þetta fyrir þig sem ert hinsegin? Það þýðir til dæmis
að við ráðningu í störf eða stöðuhækkanir, sem og við ákvarðanir
um laun og starfskjör, er bannað að láta fólk njóta verri
meðferðar vegna þess að það er hinsegin.

Nýju lögin ná bæði utan um svokallaða beina mismunun og
óbeina mismunun. Við beina mismunun er á hreinu hvers vegna
er verið að mismuna en við óbeina mismunun kemur ekki skýrt
fram að mismunun sé ástæða ákvarðanatöku. Óbein mismunun
er líklega bæði algengari í nútímanum og erfiðari viðureignar.