Fréttablaðið - 11.05.2021, Qupperneq 8

Stjórnvöld í Japan sæta
auknum þrýstingi til að
aflýsa Ólympíuleikunum.
Framkvæmdastjóri Íþrótta-
og Ólympíusambands Íslands
segir að allt verði gert til að
leikarnir fari fram í sumar.
arnartomas@frettabladid.is
JAPAN Um 60 prósent Japana vilja
að hætt verði við Ólympíuleikana
sem eiga að hefjast þar í landi 23.
júlí. Þetta kemur fram í niðurstöð-
um skoðanakönnunar dagblaðsins
Yomiuri Shimbun.
Eins og Fréttablaðið greindi frá
ákváðu japönsk stjórnvöld í síðustu
viku að framlengja neyðarástand
í landinu vegna Covid-19 fram til
maíloka. Fjórða bylgja faraldursins
stendur nú yfir og þúsundir nýrra
tilfella hafa greinst daglega að
undanförnu. Alls hafa 642 þúsund
greinst með smit í landinu.
„Það yrði óásættanlegt ef ófull-
næg ja nd i r áðst a f a n i r veg na
leikanna yrðu þess valdandi að
ný af brigði veirunnar bærust til
landsins,“ sagði Yukio Edano, leið-
togi stjórnarandstöðunnar í Japan,
á þingfundi í síðustu viku.
Þrátt fyrir að hafa ítrekað sagt að
leikarnir yrðu haldnir virðist for-
sætisráðherrann Yoshihide Suga
einnig vera að íhuga stöðu mála.
Aðspurður hvort halda ætti þá ef
faraldurinn héldi áfram að stig-
magnast svaraði hann: „Ég hef aldr-
ei sett leikana í fyrsta sæti.“
„Við erum að sjálfsögðu áhyggju-
full en það hefur verið í umræð-
unni núna að Ólympíuleikarnir
muni fara fram með breyttu sniði,“
segir Líney Rut Halldórsdóttir,
framk væmdastjóri Íþrótta- og
Ólympíusambands Íslands. „Það er
verið að gera allar ráðstafanir til að
draga úr hættu á smiti sem hægt er.“
Líney segir þó að lokaákvörð-
unin um að taka þátt á leikunum sé
undir íþróttafólkinu komin. „Það
mun enginn neyða einn né neinn
til að fara,“ segir hún.
Að sögn Líneyjar hefur Alþjóða-
ólympíunefndin gert samning
við lyfjaframleiðandann Pfizer
og nú sé verið sé að skoða hvort
hægt verði að bólusetja íslensku
Ólympíufarana áður en þeir fara
út. Alþjóðlegir áhorfendur verða
ekki á leikunum í ár og miklar tak-
markanir eru á hverjir mega sækja
leikana.
Aðspurð hvað það myndi þýða
fyrir íþróttafólkið ef leikunum yrði
aflýst segir Líney að einhverjir gætu
misst tækifærið til að taka þátt.
„Ef til þess kæmi væri það auð-
vitað skelfilegt fyrir íþróttafólk
sem hefur verið að undirbúa sig
í alla vega fjögur ár, ef ekki mun
lengur, og missir síðan tækifærið
á að spreyta sig á þessu stærsta
sviði íþróttanna,“ segir hún. „Við
krossum fingur um að þetta geti
allt farið fram með öruggum hætti,
en að sjálfsögðu má ekki taka neina
áhættu með heilsu og líf fólks.“ n
Óvissan um Ólympíuleikana fer vaxandi
„Slökkvið á Ólympíukyndlinum“ segir á borða mótmælanda í Japan um helgina. FRÉTTABLAÐIÐ/GETTY
Við krossum fingur um
að þetta geti allt farið
fram með öruggum
hætti, en að sjálfsögðu
má ekki taka neina
áhættu með heilsu og
líf fólks.
Líney Rut Hall-
dórsdóttir,
framkvæmda-
stjóri Íþrótta- og
Ólympíusam-
bands Íslands
Sóknarfæri í
loftslagsmálum
2021 | Ársfundur Samáls
Ársfundur Samáls verður haldinn í dag, þriðjudag kl. 14:00. Fylgjast má
með viðburðinum á vefsvæði Samáls, www.samal.is. Eftir streymið verður
fundurinn áfram aðgengilegur á vefsvæði Samáls.

Staða og horfur í áliðnaði
• Gunnar Guðlaugsson, stjórnarformaður Samáls og forstjóri Norðuráls
Ávarp
• Þórdís Kolbrún R. Gylfadóttir, ferðamála-, iðnaðar- og nýsköpunarráðherra
Sóknarfæri í loftslagsmálum
• Guðrún Þóra Magnúsdóttir, leiðtogi umhverfismála og rannsóknastofu hjá Isal
• Steinunn Dögg Steinsen, framkvæmdastjóri umhverfis- og öryggissviðs Norðuráls
• Fiona Solomon, framkvæmdastjóri Aluminium Stewardship Initiative
Samkeppnishæfni íslenskrar álframleiðslu
• Sigurður Hannesson, framkvæmdastjóri Samtaka iðnaðarins
• Bjarni Már Gylfason, leiðtogi samfélagsmála og samskipta hjá Isal
• Guðrún Sævarsdóttir, dósent í verkfræði við verkfræðideild HR
• Eoin Dinsmore, yfirmaður greiningarsviðs áliðnaðar hjá CRU
Nýr tónheimur og hringrásarvæn hönnun
• Nýr tónheimur opnast með alúfóni, nýju hljóðfæri Sinfóníunnar
• Innlit í framleiðslu á hringrásarvænum vörum hönnunarfyrirtækisins Fólks Reykjavík
Fundarstjóri er Dagmar Ýr Stefánsdóttir, yfirmaður samskipta-
og samfélagsmála hjá Alcoa Fjarðaáli
8 Fréttir 11. maí 2021 ÞRIÐJUDAGUR