Fréttablaðið - 11.05.2021, Qupperneq 14

Guðni Valur Guðnason kastar hér kringlu sinni í Split en hann keppti þar á afar langþráðu alþjóðlegu móti um nýliðna helgi. FRÉTTABLAÐIÐ/GETTY
Kringlukastarinn Guðni
Valur Guðnason vann silfur­
verðlaun á kastmóti sem fram
fór í Split í Króatíu um síðast­
liðna helgi. Guðni Valur þarf
að bæta sig um tvo metra eða
safna nógu mörgum stigum
í sarpinn til þess að komast
í fámennan en góðmennan
Ólympíuhóp Íslands.
hjorvaro@frettabladid.is
FRJÁLSAR ÍÞRÓTTIR Guðni Valur
Guðnason tók þátt í sínu fyrsta
alþjóðlega móti utanhúss í kringlu­
kasti í tæp tvö ár og kastaði kringl­
unni 63,66 metra á móti sem haldið
var í Split um síðustu helgi.
Íslandsmethafinn telur sig eiga
töluvert inni og er vongóður um
að ná að tryggja sér þátttökurétt á
Ólympíuleikunum sem fram fara í
Tókýó í ágúst.
„Það var mjög gott að komast
aftur á alþjóðlegt mót og sjá hvar
ég stend með nokkrum af sterkustu
kringlukösturum heims. Ég hef
verið við æfingar á Tenerife síðasta
mánuðinn um það bil og það hefur
gert mér mjög gott.
Ég er í mjög góðu líkamlegu formi
og ég myndi halda að ég væri nokkr­
um vikum á undan áætlun miðað
við venjulegt ár hvað form varðar.
Þetta var fín kastsería en ég finn
það alveg að ég á nóg inni og það
var kraftur í líkamanum til þess að
kasta lengra,“ segir Guðni Valur en
hann ákvað að halda til Tenerife til
þess að æfa sökum aðstöðuleysis
hér heima og þar sem verið var að
skella öllu í lás vegna kórónaveiru­
faraldursins.
Hitinn hefur haft góð áhrif
„Það hefur verið mjög þægilegt að
geta kastað við góðar aðstæður í
miklum hita síðustu vikurnar. Nú
er bara að komast í takt aftur hvað
keppnisform varðar. Fram undan er
vinna við að bæta tæknina og það
kemur allt. Þetta hafa verið skrýtnir
tímar vegna veirunnar síðustu ár og
mikið púsluspil að skipuleggja sig
hvað mótahald varðar.
Það er ekkert stórmót í sumar
fyrir Ólympíuleikana og ég er í hálf­
gerðum interrail­fíling að finna góð
mót og staði til að æfa í aðdraganda
þeirra. Næstu tvö verkefni eru sterk
mót í Zagreb og Helsingborg og ég
hlakka mikið til þess að keppa þar.
Ég þarf annað hvort að ná kasti
upp á 66 metra eða safna nógu
mörgum stigum til þess að tryggja
mér farseðil til Tókýó og það er klár­
lega raunhæft. Ég hugsa að ég hafi
aldrei kastað svona langt á þessum
tíma árs á ferlinum og það gefur góð
fyrirheit um það sem koma skal,“
segir þessi öflugi kringlukastari.
Næsta verkefni að finna takt
„Það er auðvitað allt annað að vera
að kasta kringlu einn á Tenerife
en að keppa á mótum og bætingin
verður mun örari og meiri þegar
maður er að keppa reglulega á
mótum. Ég er ekki alveg viss um að
hvað ég geri eftir Zagreb og Helsing­
borg en það kemur bara í ljós.
Síðustu mánuðir hafa kennt
manni það að taka bara einn dag og
eina viku í einu og vera snöggur að
aðlagast breyttum aðstæðum. Það
væri auðvitað þægilegra að vera
með fleiri fasta punkta í planinu en
svona er þetta bara og maður verður
bara að gera það besta úr aðstæð­
unum sem eru til staðar.
Svo fer þessi blessaða veira von­
andi að kveðja okkur eða við
afreksíþróttamenn að komast í
bólusetningu þannig að maður geti
verði áhyggjulausari við æfingar og
keppni.
Jákvæðu tíðindin eru allavega þau
að mér líður vel, ég er í góðu formi
og er bjartsýnn á gott gengi í næstu
mótum,“ segir Guðni um fram­
haldið. n
Nokkrum vikum á undan áætlun
Ég þarf annað hvort að
ná kasti upp á 66 metra
eða safna nógu mörg-
um stigum til þess að
tryggja mér farseðil til
Tókýó og það er klár-
lega raunhæft.
Guðni Valur Guðnason
hjorvaro@frettabladid.is
FORMÚLA 1 Breski ökuþórinn Lewis
Hamilton hefur í hyggju að fram­
lengja samning við Mercedes­liðið
og stefnt er að því að gengið verði frá
samningum áður en sumarfrí hefst
í Formúlu 1.
Þessi 36 ára gamli ökuþór tjáði
sig um stöðu samningsmála eftir að
hafa komið fyrstur í mark í spænska
kappakstrinum á sunnudaginn.
„Það er engin ástæða til að flýta
sér of hratt í þessum efnum en það
væri hins vegar skynsamlegt að fara
að ljúka þessum viðræðum sem
fyrst,“ segir þessi sjöfaldi heims­
meistari.
„Fram undan eru flóknar viðræð­
ur og það er sniðugt að nýta tímann
í aðdraganda sumarfrísins til þess
að vaða í þetta,“ segir Hamilton en
hann og Toto Wolff, eigandi liðsins,
hafi viljað fresta viðræðunum á
meðan Bretinn væri upptekinn við
að jafna met Michaels Schumacher
með sjöunda heimsmeistaratitli
sínum undir lok síðasta árs. n
Hamilton hyggst
framlengja við
Mercedes-liðið
hjorvaro@frettabladid.is
ÍSHOKKÍ Íshokkísamband Íslands,
ÍHÍ, hefur framlengt samning sinn
við Vla dimir Kolek.
Fram kemur á heimasíðu ÍHÍ
að Kolek, sem verið hefur þjálfari
íslenska karlalandsliðsins í íshokkí
undanfarin ár, muni f lytja til
Íslands og fara í viðameira starf hjá
sambandinu.
Tékkinn verður einnig af reks­
stjóri ÍHÍ en hann tekur til starfa
í ág úst og er með samn ing út apríl
2023.
Kolek mun leiða allt starf yngri
landsliða Íslands og vera til staðar
fyrir félögin í landinu varðandi upp­
byggingu þeirra. n
Kolek tekur að sér
viðameira starf
Tékkinn á góðum degi. MYND/ÍHÍ
+ + + = 19.990 kr.
A L LT ÓTA K M A R K A Ð
Fjölskyldupakkinn:
ÍÞRÓTTIR 11. maí 2021 ÞRIÐJUDAGUR