Fréttablaðið - 11.05.2021, Side 20

Edvard Börkur Edvardsson, for-
maður knattspyrnudeildar Vals,
hefur verið í stjórn deildarinnar
frá árinu 2003 að einu ári undan-
skildu. Hann segir Val vera rekið
sem afreksfélag og til að það gangi
þurfi allt skipulag að vera í lagi.
Börkur segir að til að meistara-
flokkar félagsins nái að blómstra
þurfi þeir að geta æft við bestu
aðstæður sem völ er á.
„Þeir þurfa að hafa vel menntaða
og hæfa þjálfara og allt utanum-
hald þarf að vera fyrsta flokks.
Það er forsenda þess að ná árangri.
Valur er afreksfélag, við viljum ná
ákveðnum árangri árlega, vera í
toppbaráttu og vinna titla. Það
sem við í stjórninni erum að vinna
að á hverjum degi, til að það gangi
upp, er að vinna í ferlum utanvallar
og styrkja undirstöður frá degi til
dags,“ segir hann.
„Við teljum okkur komin á
ákveðin stall hér heima og vera
leiðandi knattspyrnufélag hvað
þetta varðar. Önnur félög horfa til
okkar, sem er mjög jákvætt. En við
vöknum ekki fullmett á morgnana.
Við erum sífellt að leita leiða til að
bæta okkar árangur, utanumhald
og umgjörð og viljum vera betri í
dag en í gær. Það knýr okkur áfram
að geta lokað augunum að kvöldi
dags, litið yfir daginn og sagt: Flott,
við tókum framfaraskref.“
Börkur segir titlana tala sínu
máli en Valur hefur verið eitt sigur-
sælasta félag Íslands fyrr og síðar.
„Knattspyrnudeildin hefur verið
að vinna Íslandsmeistaratitla,
bæði í kvenna- og karlaboltanum,
og bikarmeistaratitla, og Reykja-
víkur- og lengjubikars titla reglu-
lega undanfarin ár. Við höfum
reglulega selt leikmenn til útlanda
frá árinu 2003. Við erum býsna
stolt af okkar árangri.“
Ígildi atvinnumannaliða
„Við erum óhrædd að segja frá
því opinberlega að þessi leiðandi
félög á Íslandi eru orðin ígildi
atvinnumannaliða. Það er að segja
í karlafótbolta. Leikmenn eru að
fá ágætlega greitt fyrir að stunda
sína íþrótt og sína vinnu. Þetta er
vinnan þeirra og þeirra lifibrauð.
Samhliða þessu höfum við aukið
kröfur á okkar leikmenn jafnt og
þétt. Við lítum á að þetta skref, að
verða atvinnumannalið eða ígildi
þess, muni hjálpa okkur að ná
betri árangri í Evrópukeppnum,“
segir Börkur.
Hann vonar að kvennaboltinn
fylgi karlaboltanum næstu árin
og að stærstu liðin geti orðið að
atvinnumannaliðum.
„Það er stórsókn í kvennabolt-
anum um allan heim. Nú þegar eru
leikmenn í þessum stærstu liðum
kvennamegin að fá greidda ein-
hvers konar bónusa eða laun. Ég sé
fram á að það muni bara aukast á
komandi árum þegar meiri pen-
ingur verður til í kringum kvenna-
boltann. Hann verður vonandi
sjálfbær. En þangað til reiða þær
sig svolítið á þær tekjur sem koma
inn karlamegin. Við setjum okkar
tekjur í einn pott og greiðum jafnt
til kvenna- og karlaliðanna, þá á ég
við allan kostnað, gjöld og slíkt,“
segir hann.
„Ég held að í framtíðinni sé
okkar stærsta áskorun að ná betur
utan um yngri flokka félagsins og
vera með þau gæði á þjálfun og
fræðslu þannig að krakkarnir skili
sér sem betra knattspyrnufólk
upp í meistaraflokka okkar en
það hefur verið gríðarleg fjölgun
iðkenda samhliða uppbyggingu á
Hlíðarendasvæðinu og við erum
að sjá áður óþekktar iðkendatölur.
Við verðum áfram toppklúbbur
sem heldur áfram að vinna titla,
bæði kvenna- og karlamegin.“
Toppklúbbur sem vinnur titla
E. Börkur
Edvardsson,
formaður knatt-
spyrnudeildar
Vals. FRÉTTABLAÐ-
IÐ/SIGTRYGGUR ARI
Hörður Gunnarsson hefur verið
bæði varaformaður Vals og for-
maður. Hann er eini Valsmaður-
inn sem verið hefur í stjórnum
handknattleiksdeildar, knatt-
spyrnudeildar og körfuknatt-
leiksdeildar félagsins, auk setu
í aðalstjórn. Hann hefur unnið
fyrir félagið í 38 ár og þekkir því
vel til starfsins á Hlíðarenda.
Hörður hóf stjórnarsetu fyrir Val í
stjórn körfuknattleiksdeildarinnar
árið 1982 og hefur nær allar götur
síðan setið í aðalstjórn, ýmist sem
fulltrúi deilda, almennur stjórnar-
maður, sem varaformaður í tíu ár
og svo formaður í fimm ár. Hörður
þekkir því óhjákvæmilega vel til
í Val.
„Það sem mér finnst skipta einna
mestu máli í starfi íþróttafélags
er að halda vel utan um yngstu
iðkendurna. Mér finnst mikilvægt
að huga að fjölbreytni í æfingum
og koma þannig til móts við ólíkar
þarfir og áhuga. Það gefur krökk-
unum innsýn í ólíkar greinar og
gæti dregið úr brottfalli á unglings-
árum,“ segir Hörður.
„Hafa ekki rannsóknir sýnt að
börn og unglingar eigi að velja
sér íþrótt eins seint og hægt er?
Því meiri fjölbreytni því líklegra
er að börn og unglingar endist í
íþróttum og meiri líkur á að þeir
einstaklingar sem fá fjölbreyttar
æfingar nái lengra sem afreks-
menn.“
Hörður segir að hjá Val eigi iðk-
endur og foreldrar að finna fyrir
ákveðinni sérstöðu. Á Hlíðarenda
er lögð áhersla á að þjálfarar séu
vel menntaðir, allt frá yngstu
aldurshópunum en það tryggir
betur faglegt starf. Einnig leggjum
við áherslu á að vel sé tekið á móti
öllum sem mæta á Hlíðarenda og
taka sín fyrstu skref í skipulögðum
íþróttum.
„Okkur finnst mikilvægt að
foreldrar finni fyrir fagmennsku
í þjálfun og að við bjóðum upp
á góða aðstöðu fyrir krakkana.
Foreldrar verða að geta treyst því
og vita að börnin eru í góðum
höndum þegar þau stunda íþróttir
í Val,“ segir hann.
Jafnrétti kynjanna
Hörður segir Val leggja mikla
áherslu á jafnrétti kynjanna og
hann lagði mikla áherslu á það sem
formaður.
„Við tókum stórt skref í þá átt á
sínum tíma og það átti sinn þátt í
því að við fengum viðurkenningu
frá ÍSÍ. Við vorum eitt fyrsta félag
landsins sem fékk vottun fyrir allar
deildir karla og kvenna sem Fyrir-
myndarfélag ÍSÍ. Það er mikilvægt
að það sé eins tekið á móti öllum
krökkum óháð félagslegri stöðu
eða hvaða kyni þau tilheyra. Að
þau fái jafna æfingatíma, jafn hæfa
þjálfara, jafn mikinn stuðning og
hvatningu,“ segir hann.
„Í yngstu flokkunum ættu
krakkarnir að æfa saman óháð
kyni enda er meiri einstaklings-
munur á milli ungra barna en á
milli stráka og stelpna.“
Hörður leggur áherslu á að þó
að Valur sé afreksfélag sé mark-
miðið með þjálfun krakka ekki
bara að búa til afreksfólk heldur
betri og öflugri einstaklinga og
félagsmenn. Hann vill sjá að ungir
Valsmenn temji sér þrautseigju og
úthald og leggi sig fram um að ná
markmiðum sínum. Markmiðið
er að Valur skili frá sér hæfari ein-
staklingum út í lífið.
„Það er svo lítill hluti þeirra
barna sem stunda íþróttir sem
verða að afreksfólki enda er það
ekki aðalatriðið. En rekstur yngri
flokka og afreksflokka er samt
samtvinnaður. Þegar það gengur
vel í meistaraflokkum þá koma
fleiri krakkar að æfa og ef það á að
halda úti meistaraflokkum þá þarf
að standa vel að yngri flokkum.
Það skiptir líka miklu máli að
yngri iðkendur sjái jákvæðar fyrir-
myndir í meistaraflokkum.“
Framlag sjálfboðaliða mikilvægt
Á þeim 38 árum sem Hörður
hefur starfað fyrir Val hefur orðið
mikil breyting á starfseminni og
aðstöðunni á Hlíðarenda.
„Mér finnst aukið kynjajafnrétt-
ið og hvernig tekið er á móti yngstu
iðkendunum sérstaklega ánægju-
leg þróun. En meistaraflokk-
arnir hafa líka breyst, með bættri
aðstöðu er allt starf í kringum
íþróttir orðið mun faglegra og fólk
fær nú greitt fyrir að spila. Þó það
séu ef til vill ekki háar upphæðir þá
er það breyting,“ segir Hörður.
Hann segir að fyrir félag eins
og Val sé mikilvægt að eiga
öfluga sjálfboðaliða, en öll vinna í
stjórnum og starfshópum á vegum
félagsins er unnin í sjálfboðastarfi.
Það á að vera gaman að koma á
Hlíðarenda og taka þátt í fjöl-
breyttu starfi. Foreldrar krakk-
anna vinna mikið meðal annars
í sérstökum foreldrahópum,
söngelskir Valsmenn koma saman
og syngja í Valskórnum, það er
hlaupahópur sem nýtir sér frábært
útivistarsvæði í nágrenninu og
bætt félagsaðstaða býður í eðlilegu
ástandi upp á fjölbreyttar sam-
komur og samverustundir.
„Mér finnst að sú breyting hafi
orðið að þegar svona margt er
orðið í boði af alls konar afþrey-
ingu verður alltaf erfiðara og
erfiðara að fá fólk til að gerast sjálf-
boðaliðar og eyða frítíma sínum
í félagsstörf. En í félagi eins og Val
eru sjálfboðaliðar að leggja að baki
mörg þúsund tíma árlega. Framlag
þeirra er mælt í mörgum árs-
verkum. Þeirra starf er gríðarlega
mikilvægt. Það er síðan gefandi
að taka þátt í félagsstarfi og góður
Valsandi svífur yfir Hlíðarenda.“
Jafnræðisregla í heiðri höfð
Herði finnst mikilvægt að jafn-
ræðisregla sé í heiðri höfð þegar
kemur að uppbyggingu og viðhaldi
íþróttamannvirkja.
„Ef við förum nokkra áratugi
aftur í tímann þá áttu félögin meiri-
hluta íþróttamannvirkja sinna en
fengu á móti stuðning eða framlag
frá borginni. Núna er þróunin aftur
á móti sú að borgin kostar alfarið
uppbyggingu íþróttamannvirkja
næstum allra félaga í Reykjavík.
Í gegnum tíðina hefur Valur átt
og rekið sín íþróttamannvirki en
fengið framlag frá borginni til við-
halds.
En á síðustu árum hefur veru-
lega dregið úr þeim styrk. Aftur
á móti hefur framlag til reksturs
aukist, en þó alls ekki til jafns á við
lækkun á viðhaldsstyrknum. Þar
með hallar á félög eins og Val sem
á sína aðstöðu. Auk þess fer mikill
tími hjá okkur í að að reka og við-
halda fasteignum, tími sem betur
væri varið í að reka félagið og sinna
uppbyggjandi æskulýðsstarfi “ segir
Hörður.
Framtíðarsýn
Hörður segir að í framtíðinni sé
honum mikilvægt að Hlíðarendi
verði áfram lifandi staður eins
og hann er nú þar sem á þriðja
hundrað þúsund gestir sækja
félagið heim á ári hverju. Staður
þar sem allir aldurshópar finna
eitthvað við sitt hæfi frá morgni til
kvölds. Hann sér fyrir sér að Valur
verði hryggjarstykkið í þeim hverf-
um sem félagssvæðið spannar og
að áfram verið unnið metnaðar-
fullt, faglegt og uppbyggilegt starf
í yngri flokkum félagsins sem og í
meistaraflokkum.
„ Ég vil sjá að Valur og Hlíðarendi
blómstri, þar verði boðið upp á
fyrsta flokks aðstöðu og faglega
vinnu sem tryggi félagið áfram í
fremstu röð.
Mikilvægt er að við Valsmenn
þekkjum söguna og við munum
orð séra Friðriks um að láta ekki
kappið bera fegurðina ofurliði.“
Uppbyggilegt starf á Hlíðarenda
Hörður Gunnarsson hefur unnið fyrir Val í 38 ár og þekkir starfið vel. FRÉTTABLAÐIÐ/VALLI
4 11. maí 2021 ÞRIÐJUDAGURVALUR 110 ÁR A