Fréttablaðið - 03.06.2021, Blaðsíða 8

helgivifill@frettabladid.is
Tekjur 66°Norður drógust saman
um tólf prósent á milli ára og námu
fjórum milljörðum króna árið 2020.
Samdrátturinn skýrist einkum af
færri ferðamönnum vegna Covid-19
farsóttarinnar. Tap fyrir skatta nam
241 milljón í fyrra, samanborið við
219 milljóna króna tap árið áður.
„Árið 2020 var ár óvissunnar,“
segir Helgi Rúnar Óskarsson, for-
stjóri fyrirtækisins, í samtali við
Fréttablaðið. „Við urðum fyrir
miklu höggi – sérstaklega í upp-
hafi en svo náðum við að snúa vörn
í sókn. Það fór að birta til í rekstr-
inum eftir maí,“ segir hann og nefnir
að fyrst Íslendingar hafi ekki getað
mætt í ræktina hafi þeir stundað
útivist af kappi.
Helgi Rúnar segir að fyrirtækið
hafi notið góðs af því í heimsfar-
aldrinum að hafa fjárfest árið áður
og í fyrra í tæknilausnum til að efla
vefsölu. „Ný vefsíða fór í loftið í sept-
ember í fyrra og það hjálpaði mikið
á seinni hluta ársins. Netsalan er að
sækja í sig veðrið og fer að verða í
kringum 15 prósent af veltu.“
66°Norður varð að loka tveimur
verslunum í Kaupmannahöfn í
fyrra, vegna þess að einungis mat-
vöruverslanir og apótek máttu hafa
opið um skeið í faraldrinum. Önnur
verslunin opnaði um síðustu ára-
mót og verslunin á Strikinu verður
opnuð að nýju innan skamms.
Helgi Rúnar segir að búist hafi verið
við að netsalan í Danmörku myndi
„dala“ þegar verslanir opnuðu að
nýju, en það hafi ekki verið raunin.
Fram hefur komið að banda-
rískur f járfestingasjóður sem á
tískuhúsið Chanel, fjárfesti í tæp-
lega helmingshlut í 66°Norður árið
2018. Hlutafjáraukningin gerði það
að verkum að íslenska fyrirtækið
var fjárhagslega sterkt við lok árs
2020. Eiginfjárhlutfallið var 43 pró-
sent og eigið fé 2,7 milljarðar. „Það
var ákveðin lukka að hafa stigið
það skref,“ segir Helgi Rúnar. n
Tekjur 66°Norður minnka um 12%
Helgi Rúnar Garðarsson og Bjarney
Harðardóttur eru á meðal eigenda.
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
hordur@frettabladid.is
Almenningi verður gert kleift að
kaupa hlutabréf í Íslandsbanka fyrir
50 þúsund krónur í hlutafjárútboði
bankans sem hefst í næstu viku.
Lágmarksfjárhæðin sem almennir
fjárfestar munu geta skráð sig fyrir
er nokkuð lægri en hefur jafnan
tíðkast í almennum útboðum félaga
sem hafa verið skráð í Kauphöllina.
Samkvæmt heimildum Markað-
arins er áformað að í svonefndri til-
boðsbók A, sem er ætluð almennum
fjárfestum, verði tekið við tilboðum
frá 50 þúsund krónum upp í allt að
75 milljónir. Hámarksfjárhæðin er
sömuleiðis talsvert hærri en hefur
verið reyndin í slíkum útboðum
og ætti fyrirkomulagið að þýða að
almennum fjárfestum verði úthlutað
stærri hlut en ella í samanburði við
það sem fellur í skaut fagfjárfesta.
Í hlutafjárútboði Síldarvinnsl-
unnar, sem lauk um miðjan síðasta
mánuð, gátu almennir fjárfestar
skráð sig fyrir hlutum að fjárhæð á
bilinu 100 þúsund upp í 20 milljónir.
Sama fyrirkomulag var við útboð
Icelandair síðasta haust, þar sem
hluthöfum fjölgaði úr 4 þúsund í
rúmlega 11 þúsund, en þar var ákveð-
ið á lokametrunum að lækka þá fjár-
hæð sem almenningur gæti keypt
fyrir úr 250 þúsund í 100 þúsund.
Ekki liggur enn fyrir á hvaða
verðbili hlutir í Íslandsbanka verða
seldir í útboðinu en ríkið, eigandi alls
hlutafjár í bankanum, áformar að
selja á bilinu 23 til 35 prósenta hlut.
Áætlað er að skráningarlýsing og
fjárfestakynning verði birt næsta
mánudag. Í kjölfarið hefjist öf lun
áskrifta frá fjárfestum og að útboðið
standi yfir til 16. júní. Þá er ráðgert,
samkvæmt heimildum Markaðarins,
að fyrsti viðskiptadagur með hluta-
bréf Íslandsbanka í Kauphöllinni
verði þriðjudaginn 22. júní.
Í þessari viku standa yfir fundir
söluráðgjafa með fjárfestum, en við-
brögð þeirra á fundunum verða á
meðal þess sem litið verður til þegar
Bankasýsla ríkisins ákvarðar verðbil
og stærð útboðsins. Afar sennilegt
er talið að gengið verði á bilinu um
0,8 til tæplega 0,9 miðað við eigið fé
bankans, sem þýðir að markaðsvirði
hans sé um 148 til 167 milljarðar. n
Fólk geti keypt
fyrir 50 þúsund 
75
Hámarksfjárhæðin í
tilboðsbók almennra
fjárfesta er 75 milljónir.
Útgerðarfélag Reykjavíkur,
stærsti hluthafi Brims, hefur
skuldbundið sig til að vera
stór kjölfestufjárfestir í
sjóðnum. Lögð verður áhersla
á vaxtatækifæri í bland við
þroskaðri fjárfestingar, ásamt
því að líta meðal annars
til þess hvernig bæta megi
nýtingu orku og hráefnis.
hordur@frettabladid.is
Sjóðastýringafyrirtækið Íslands-
sjóðir, dótturfélag Íslandsbanka,
og Útgerðarfélag Reykjavíkur (ÚR),
sem er ráðandi hluthafi í Brimi, hafa
skrifað undir viljayfirlýsingu um
stofnun 10 milljarða króna sjóðs
sem mun sérhæfa sig í fjárfestingum
í sjávarútvegi og haftengdri starf-
semi.
Útgerðarfélag Reykjavíkur, sem er
í meirihlutaeigu Guðmundar Krist-
jánssonar, forstjóra Brims, hefur
skuldbundið sig til að vera stór kjöl-
festufjárfestir í sjóðnum en Íslands-
sjóðir munu sjá um stýringu hans.
Samkvæmt upplýsingum frá
Íslandssjóðum verður lögð áhersla á
vaxtatækifæri í bland við þroskaðri
fjárfestingar, ásamt því að líta til
sjálfbærrar þróunar í sjávarútvegi,
meðal annars með bættri nýtingu
orku og hráefnis.
Kjartan Smári Höskuldsson,
framkvæmdastjóri Íslandssjóða,
segir að það séu að verða ákveðin
vatnaskil hjá mörgum sjávarút-
vegsfyrirtækjum sem hafi hingað
til verið lokuð fjárfestum.
„Við höfum nú gengið til sam-
starfs við eitt fremsta sjávarútvegs-
fyrirtæki landsins til að nýta þau
tækifæri sem við sjáum í fjárfest-
ingum í sjávarútvegi, til að mynda
í tækni- og þekkingarfyrirtækjum
tengdum greininni, fiskeldi og full-
vinnslu afurða. Það er von okkar að
sjóðurinn muni þannig stuðla að
frekari vexti í þessari undirstöðu-
atvinnugrein.“
Runólfur Viðar Guðmundsson,
framkvæmdastjóri ÚR, segir að
samstarf við Íslandssjóði, sem eru
með eignir í stýringu að fjárhæð
samtals um 350 milljarða króna,
um uppbyggingu og rekstur fjár-
festingasjóðs nýti vel sérþekk-
ingu starfsfólks útgerðarfélagsins í
sjávarútvegi við frekari verðmæta-
sköpun.
„Þá um leið,“ útskýrir Runólfur,
„deilum við með öðrum fjárfestum
áhættunni sem því fylgir og upp-
skerunni þegar að henni kemur.
Með fjárfestingum í Brimi hefur
ÚR komið að uppbyggingu eins
öf lugasta sjávarútvegsfyrirtækis
landsins en við teljum að tækifærin
í greininni liggi víðar. Við ætlum að
halda áfram að taka þátt í frekari
þróun og uppbyggingu í sjávarút-
vegi og tengdri starfsemi í gegnum
samstarf okkar við Íslandssjóði.“
Virðið gæti aukist um 85%
Í skýrslu sem sjávarútvegs- og
landbúnaðarráðherra kynnti í
síðasta mánuði um stöðu og horfur
í atvinnugreininni, kom fram að
gert væri ráð fyrir því að útf lutn-
ingsverðmæti í sjávarútvegi ættu
eftir að aukast mikið á næstu árum.
Þannig var samanlagt virði fram-
leiðslu sjávarútvegs, fiskeldis og
tengdra greina um 332 milljarðar
árið 2019, en skýrsluhöfundar telja
að virði framleiðslunnar gæti orðið
615 milljarðar króna árið 2030. Árið
2030 hefði virði framleiðslunnar
þannig aukist um 85 prósent frá
árinu 2019.
Útgerðarfélag Reykjavíkur hefur
fjárfest í aflaheimildum og ýmsum
sjávarútvegsfyrirtækjum hér á
landi og á Grænlandi. Eignir félags-
ins stóðu í 430 milljónum evra,
jafnvirði um 64 milljarða íslenskra
króna í árslok 2020, og er eiginfjár-
hlutfall ÚR um 57 prósent.
Rekstur ÚR er í dag einkum þrí-
þættur. Í fyrsta lagi er útgerðar-
félagið hefðbundið, sérhæft sjávar-
útvegsfyrirtæki, sérhæft í rekstri
frystitogara. Þá er félagið sem fyrr
segir stærsti hluthafinn í Brimi,
annars af tveimur útgerðarfyrir-
tækjum sem eru skráð á hluta-
bréfamarkað á Íslandi, og í þriðja
lagi vinnur ÚR að nýsköpun og
vöruþróun í sjávarútvegi í gegnum
dótturfélagið ÚR Innovation, sem
var stofnað í fyrra.
Í samtali við Markaðinn af því
tilefni sagði Runólfur, sem er jafn-
framt framkvæmdastjóri ÚR Inno-
vation, að horft yrði til fjárfestinga
í bláa hagkerfinu og því græna. Bláa
hagkerfið tengist hafinu og það
græna umhverfismálum.
„Fjárfestingar í bláa hagkerfinu
munu snúa annars vegar að líf-
tækni og skyldum greinum og hins
vegar verður horft til fjárfestinga í
miðsjávarfiskveiðum, eða veiðum
á tegundum á borð við kríli og
smokkfisktegundir,“ sagði hann.n
Íslandssjóðir og ÚR að koma á fót
tíu milljarða sjávarútvegssjóði
Brynjólfur Stefánsson, forstöðumaður sérhæfðra verkefna hjá Íslandssjóðum, Kristrún Auður Viðarsdóttir, fjárfest-
ingastjóri hjá Íslandssjóðum, Kjartan Smári Höskuldsson, framkvæmdastjóri Íslandssjóða, Runólfur Viðar Guð-
mundsson framkvæmdastjóri ÚR, og Jónas Engilbertsson frá ÚR. MYND/AÐSEND
Það eru að verða
ákveðin vatnaskil hjá
mörgum sjávarútvegs-
fyrirtækjum sem hafa
hingað til verið lokuð
fjárfestum.
Kjartan Smári
Höskuldsson,
framkvæmda-
stjóri Íslands-
sjóða.
MARKAÐURINN 3. júní 2021 FIMMTUDAGUR