Bændablaðið - 29.04.2021, Blaðsíða 8

Bændablaðið | Fimmtudagur 29. apríl 20218
„Það er ýmislegt sem gefur okkur
vonir um að umferð í ár verði
meiri en hún var í fyrra, en þó
búumst við ekki við sömu umferð
og var á árinu 2019,“ segir Valgeir
Bergmann, framkvæmdastjóri
Vaðlaheiðarganga hf.
Umferð um nýliðna páskahátíð
var tvöföld á við það sem var um
páskana í fyrra, tæplega 7 þúsund
bílar fóru um göngin yfir páskana,
frá miðvikudegi og fram til
mánudags, annars í páskum. Árið
2020 var umferð sömu daga rétt yfir
3 þúsund bílar. Mun meiri umferð
var um páska árið 2019 þegar 10.243
bílar fóru um göngin, en það ár voru
göngin til þess að gera ný og áhrifa
kórónuveirufaraldurs gætti ekki.
Umferð í mars var 30% meiri
en hún var í sama mánuði árið á
undan. Alls voru farnar 30.127 ferðir
í gegnum göngin í marsmánuði í ár
sem er að meðaltali 972 ferðir á dag.
Umferð í mars 2019 var mun meiri,
rétt yfir 33 þúsund ferðir. Umferð
fyrstu 16 vikur ársins eru 31% meiri
en sama tímabil í fyrra og er það
um 95% af umferðinni 2019 þegar
ekkert COVID-19 var í gangi.
20% meiri umferð það sem af er árs
„Það sem af er ári hefur umferð
gengið þokkalega og betur en í fyrra
þegar við tökum fyrstu 16 vikur
ársins, en yfir það tímabil er umferðin
um 27% meiri í ár en var í fyrra,“
segir Valgeir. Hann segir það gefa vís-
bendingu um að umferð sé að aukast
en menn séu hófstilltir í væntingum
og geri langt í frá ráð fyrir að umferð
verði í líkingu við árið 2019 enda
megi gera ráð fyrir að lítið verði
um erlenda ferðamenn í bráð vegna
ferðatakmarkana milli landa.
414 þúsund ferðir í fyrra
Aðalfundur fyrir árið 2020 verður
haldinn í næsta mánuði, en fyrir liggur
að heildarumferð um göngin það ár
var 414 þúsund ferðir, um 100 þúsund
færri en var 2019, sem er samdráttur
upp á 19,5%. Að meðaltali voru
farnar 1.135 ferðir á sólarhring um
göngin. Yfir sumarmánuði voru ferðir
að meðaltali 1.850 á sólarhring en
726 yfir veturinn. Um 94% ökutækja
sem fóru um göngin í fyrra voru
fólksbílar, 2% millistórir bílar og 4%
stórir bílar, stærri en 7,5 tonn.
Vegagerðin taldi 107 þúsund ferð-
ir ökutækja um Víkurskarð árið 2020
og dróst umferð þar saman frá fyrra
ári um tæp 39%. Samdráttur í umferð
um hringveginn nam 14% samkvæmt
talningu Vegagerðar en á þeim hluta
hringvegar sem fer um Norðurland
var samdrátturinn rúmlega 25%.
5.000 hringir kringum Ísland
Af heildarumferð milli Eyjafjarðar
og Fnjóskadals fóru 80% vegfarenda
um Vaðlaheiðargöng árið 2020, en
75% þeirra fóru þá leið árið á undan.
Valgeir segir að með akstri um
Vaðlaheiðargöng í stað vegarins
um Víkurskarð styttist leiðin milli
Eyjafjarðar og Fnjóskadals um 16
kílómetra. „Sparnaður í akstri við
það að fara göngin í stað skarðsins
árið 2020 er ríflega 6,6 milljónir
kílómetra, sem er meira en 5.000
hringir í kringum Ísland,“ segir
Valgeir. Gera má ráð fyrir að um
hálf milljón lítra af eldsneyti hafi
sparast með þessari styttingu sé
miðað við um 7,5 lítra á hundrað
kílómetra.
Alls eru 28.700 virkir notendur
í grunni Veggjalds.is þar sem veg-
gjald er innheimt og skráð ökutæki
eru 97.250 talsins. /MÞÞ
FRÉTTIR

W25-W46, L30-L36
88% Nylon, 12% spandex

Nethyl 2a • 110 Reykjavík • Sími: 577 1000 • info@khvinnufot.is • www.khvinnufot.is
Frábærar teygjubuxur
frá Texstar. Einstök
þægindi og ótrúlega
liprar.

Texstar FP33
Verð: 15.996 kr.
Sveitarstjórn Dalabyggðar hefur
skorað á RARIK að endurskoða
staðsetningu starfa í Reykjavík og
auglýsa þess í stað störf án stað-
setningar. Þannig stuðli félagið
að áframhaldandi uppbyggingu
á landsbyggðinni þar sem dreifi-
kerfi félagsins er staðsett.
RARIK auglýsti nýverið laust
til umsóknar starf verkefnastjóra
stærri framkvæmda hjá félaginu og
var tiltekið í auglýsingu að starfs-
stöð viðkomandi verkefnastjóra
yrði í Reykjavík. Töluverð viðbrögð
hafa verið við þessari auglýsingu og
nokkur sveitarfélög mótmælt.
Fulltrúar í sveitarstjórn Dala-
byggðar segja það vekja furðu að föst
starfsstöð sé tiltekin í Reykjavík en
starfið ekki auglýst án staðsetningar.
Félagið hafi fjölmargar starfsstöðvar
um land allt, m.a. í Búðardal. Bendir
sveitarstjórn á að á þeirri stöð hafi
nýlega verið fækkað um einn
starfsmann.
Skora á RARIK að birta yfirlit
Minnir sveitarstjórn Dalabyggðar
RARIK á lið í þingsályktun um
stefnumótandi byggðaáætlun
til ársins 2024 þar sem fjallað
er um störf án staðsetningar.
Telur Dalabyggð mjög villandi
upplýsingar koma fram í þingskjali
1092 frá 150. löggjafarþingi varðandi
fyrirspurn um starfsmannafjölda
RARIK. Þar kemur fram að 28,8%
viðskiptavina þess í janúar 2020 búi
á höfuðborgarsvæðinu.
„Í ljósi þess að dreifikerfi er allt
utan höfuðborgarinnar skorar sveit-
arstjórn Dalabyggðar á RARIK að
birta yfirlit yfir viðskipti eftir sveitar-
félögum og hvar notkun rafmagns
fer fram. Slíkt varpar betra ljósi á
hvar starfsemi fyrirtækisins er,“ segir
í bókun Dalabyggðar. /MÞÞ
Sveitarstjórn Dalabyggðar skorar á RARIK vegna starfs í Reykjavík:
Stuðlað verði að uppbyggingu þar sem
dreifikerfið er á landsbyggðinni
Umferð um Vaðlaheiðargöng
hefur aukist um 20% í ár
Árið 2020 voru farnar 414 þúsund ferðir um göngin, um 100 þúsund ferðum
færri en árið á undan. Margt bendir til að umferð aukist á ný í ár. Myndir / MÞÞ
Umferð um göngin hefur aukist það sem af er ári og er meiri nú það sem
af er árs en var á sama tíma í fyrra. Ekki er þess þó að vænta að svipaðar
tölur og sáust árið 2019 verði alveg strax, enda munu erlendir ferðalangar
líkast til ekki sjást í miklum mæli í bráð.
Hallveig Fróðadóttir lést
þriðjudaginn 13. apríl síðastliðinn
eftir erfið veikindi. Hún var
jarðsungin frá Kópavogskirkju
laugardaginn 17. apríl.
Hallveig kom til starfa hjá
Bændasamtökum Íslands árið
1995 og fluttist síðan yfir til
Ráðgjafarmiðstöðvar landbúnaðarins
þegar tölvudeildin rann inn í RML
í upphafi árs 2020. Hennar starf var
á sviði hrossaræktarinnar og var
hún hestamönnum að góðu kunn.
Hallveig kom að þróun og rekstri
WorldFengs, upprunaættbókar
íslenska hestsins, þar sem hún sá
m.a. um almennar skráningar og
samskipti við erlenda skrásetjara.
Hún stóð vaktina fyrir hönd
tölvudeildar BÍ á fjölmörgum
landsmótum og kynbótasýningum
hér heima og á heimsmeistaramótum
íslenska hestsins á erlendri grundu.
Þá sá hún um gerð hestavegabréfa
og var í fjölbreyttum samskiptum
við hrossaræktendur. Hún tók þátt
í þróun og þjónustu á forritinu
Snata, sem heldur utan um
skráningu smalahunda, og veitti
ýmsa þjónustu sem tengdist notkun
á skýrsluhaldsforritum bænda.
Auk þess að sinna sínu starfi hjá
BÍ var hún í hlutastarfi fyrir Félag
hrossabænda á síðustu árum.
Hallveig var mikill viskubrunnur um
íslenska hestinn, sem var líf hennar
og yndi.
Útgefandi Bændablaðsins,
Bændasamtök Íslands, stjórn og
starfsfólk þakka samfylgdina og
fyrir trygga þjónustu Hallveigar
Fróðadóttur við bændur landsins.
/TB
Andlát – Hallveig Fróðadóttir
Hallveig Fróðadóttir. Mynd / BBL
Sveitarstjórn Dalabyggðar hefur
skorað á Vegagerðina að hefja
vinnu strax í sumar við hönnun
og framkvæmdir vegna endurbóta
á Klofningsvegi, númer 590.
Um er að ræða Vestfjarðaveg að
Hafnará sem er ríflega 11 kílómetra
langur og Hafnará að Orrahólsvegi
tæplega 11 kílómetrar sem í daglegu
tali kallast að fara fyrir strandir.
Vegur fyrir strandir liggur um
skilgreint landbúnaðarsvæði sem
hefur átt undir högg að sækja og
var nú nýverið skilgreindur sem
partur af hringvegi um Vestfirði.
Ferðamálasamtök hafa kynnt
nýja ferðamöguleika vegna
bættra samgangna á Vestfjörðum
með nýjum tengingum, svo sem
Dýrafjarðargöngum. /MÞÞ
Sveitarstjórn Dalabyggðar:
Vill endurbætur á 11 kílómetra
kafla á Klofningsvegi í sumar
Klofningsskarð á mótum Fellsstrandar og Skarðsstrandar. Mynd / HKr.
Sveitarfélagið Skagafjörður:
Íbúar fá aðgangskort að sorphirðustöðvum
Aðgengi íbúa í Skagafirði að
sorphirðustöðvum var til umræðu
á fundi umhverfis- og samgöngu-
nefndar Sveitarfélagsins Skaga-
fjarðar á dögunum en fulltrúi
V-lista lagði fram tillögu þess
efnis að þeir íbúar sem þess
óska fái afhent aðgangskort
sem veiti þeim aðgengi að helstu
gámum sorphirðustöðvanna utan
opnunartíma þeirra.
Í greinargerð með tillögunni kemur
fram að sorpgámar í sveitarfélaginu
hafi verið fjarlægðir og til þess ætlast
að fólk í sveitum fari sjálft með sitt
heimilissorp á sorphirðustöðvar.
Hafa íbúar gagnrýnt skerta þjónustu,
sérstaklega hvað varðar takmarkaðan
afgreiðslutíma sorphirðustöðvanna.
Með því að bjóða upp á
aðgangskort gefst íbúum kostur
á að losa sig við sorp þegar þeim
hentar, óháð því hvenær opið er.
Aðgangskortið yrði gefið út á
kennitölu og við afhendingu þess
fengi handhafi fræðslu um flokkun
frá starfsmanni sorphirðustöðvanna,
upplýsingar um æskilega umgengni
um svæðið sem og með hvaða hætti
fylgst yrði með notkun kortsins.
Ítrekuð frávik frá reglum gætu þýtt
afturköllun á aðgangi að svæðinu.
Umhverfis- og samgöngunefnd
fól sviðsstjóra að taka tillöguna til
skoðunar í tengslum við fyrirhugað
útboð á sorpmálum. /MÞÞ