Bændablaðið - 29.04.2021, Blaðsíða 56

Bændablaðið | Fimmtudagur 29. apríl 202156
MATARKRÓKURINN
LÍF&LYST – BÆRINN OKKAR
Ábúendur á Þórarinsstöðum,
Styrmir Þorsteinsson og Kristín
Erla tóku við búskapnum
haustið 2013 af þeim hjónum
Hreini Gunnarssyni og Steinunni
Þorsteinsdóttur. Hreinn lést
eftir erfið veikindi 2. janúar
2021 en Steinunn býr enn á
Þórarinsstöðum og á sínar
skepnur.
Áður bjuggu Styrmir og Kristín í
Unnarholtskoti í sömu sveit.
Býli: Þórarinsstaðir í Hruna manna­
hreppi.
Staðsett í sveit: Uppsveitum
Árnessýslu.
Ábúendur: Styrmir Þorsteinsson,
Kristín Erla Ingimarsdóttir og
Steinunn Þorsteinsdóttir.
Fjölskyldustærð (og gæludýra):
Styrmir og Kristín eiga 3 börn,
Anna Dagbjört, 24 ára, stundar
nám í Kaupmannahöfn, Kristinn
Þór, 20 ára, er að flytja suður og
fara í háskólanám. Þorsteinn Ingi,
13 ára, nemandi í Flúðaskóla og
vinnumaður á Þórarinsstöðum.
Kötturinn Skotti og smala­
hundarnir Rex og Smali sem gegna
því hlutverki að vera vinnuhundar.
Stærð jarðar? Kringum 300
hektarar.
Gerð bús? Blandað bú,
sauðfjárbúskapur, nautaeldi og
hross
Fjöldi búfjár og tegundir? Erum
með um 230 kindur, 25 naut og 18
hross.
Hvernig gengur hefðbundinn
vinnudagur fyrir sig á bænum?
Kristín starfar sem kennari í
Flúðaskóla en hún stundar einnig
nám við HÍ og ríður út ef færi gefst.
Styrmir byrjar daginn á gegn­
ingum og fer svo til vinnu sem
getur verið ansi fjölbreytileg.
Hann vinnur annars hjá Storm
Rider sem er að selja hnakka og
önnur reiðtygi.
Einnig starfar hann við trésmíðar
og vélsmíði.
Dagurinn endar svo á gegningum.

Skemmtilegustu/leiðinlegustu
bústörfin? Það er nánast allt
skemmtilegt tengt búskap.
En eins og á öðrum bæjum getur
það verið ansi leiðigjarnt að halda
gólfinu í fjárhúsunum hreinum.
Hvernig sjáið þið búskapinn fyrir
ykkur á jörðinni eftir fimm ár?
Mjög svipað og er í dag.
Hvar teljið þið að helstu tækifærin
séu í útflutningi íslenskra búvara?
Við teljum að upprunavottorð á
kjötframleiðslu gæti hjálpað mikið.
Einnig mætti fara að huga meira
að lífrænum búskap en við teljum að
það sé góður markaður fyrir slíkar
vörur.
Hvað er alltaf til í ísskápnum?
Mjólk, ostur, smjörvi, egg.
Hver er vinsælasti maturinn á
heimilinu? Allt sem er reykt og salt­
að hvort sem það er kjöt eða fiskur.
Eftirminnilegasta atvikið við
bústörfin? Hér er hver dagur eftir­
minnilegur.
Heilgrilluð nautalund
Ein besta nautasteikin er
nautalund og oft hægt að gera
góð kaup á heilli lund fyrir stórt
samkvæmi eða það sem sóttvarnir
leyfa – og lyftir því upp í nýjar
hæðir með blöndu af grillbragði
og ítalskri gremolata-sósu.
Heilgrilluð nautalund með
gremolata
Hráefni
› 1 stk. heil nautalund, snyrt og hvít sin
tekin af efsta laginu á kjötinu
› 3 msk. ólífuolía
› 2 tsk. salt
› 1 tsk. nýmalaður svartur pipar
Gremolata
› 2 msk. sítrónusafi
› 2 tsk. hunang
› 1/4 bolli fínt saxaður skalotlaukur
› salt
› 1 bolli fínt söxuð ferskur steinselja,
mynta eða sambland af þessu tvennu.
› 1/2 bolli fínt skornar ristaðar saltaðar
möndlur, valfrjálst
› 1/2 bolli auka jómfrúarolía
› nýmalaður svartur pipar
Aðferð
Takið nautalund úr kæli að minnsta
kosti klukkustund áður en hún er
elduð. Skolið undir köldu vatni og
þurrkið með pappírsþurrkum.
Nautalund, er snyrt og sett á stóra
bökunarplötu og makið vel af olíu
á allar hliðar.
Kryddið með salti og pipar.
Þegar kemur að því að elda lundina,
stillið hitastigið á 250 gráður og for­
hitið í 15 mínútur.
Setjið nautalund beint á grillgrindina
og grillið allar hliðar. Þegar allar
hliðar eru brúnaðar er hitinn skrúf­
aður niður í 150 gráður.
Grillið við 150 gráður þar til það nær
innra hitastigi að 58 gráðum í miðj­
unni fyrir miðlungs steikt eða 54
gráður fyrir miðlungs, í um það bil
60 til 75 mínútur. Snúið einu sinni á
eldunartímanum.
Takið nautlundina af grillinu, látið
hvíla með álfilmu yfir og leyfið
nautakjötinu að bíða þannig í 20 mín­
útur fyrir skurð. Þetta gerir safanum
kleift að dreifast jafnt um nautakjötið.
Fyrir gremolata: Í lítilli skál, þeytið
saman sítrónusafa og hunangið þar
til það leysist upp.
Hrærið í skalotlauknum og saltið og
látið sitja í 5 mínútur. Bætið jurtum,
möndlum og olíu út í.
Hrærið til að blanda þessu saman.
Kryddið með salti og pipar. Berið
fram strax eða geymið í loftþéttum
umbúðum í kæli í allt að 3 daga.
Skerið nautalundirnar í þykkar
sneiðar og berið fram með gremolata.
Njótið.
Granatepla-, epla- og fennelsalat
Þetta granatepla­, epla­ og
fennelsalat er bragðmikið og getur
staðið sem fullkominn forréttur eða
aðalréttur með einhverju viðbættu
próteini.
Granatepla­ávöxturinn er fullkominn
fyrir salöt, út í jógúrt, morgunhafra
eða í þetta salat.
Samsetningin með granateplunum
með eplum, fennel, skornum
möndlum eða salthnetum er mjög
gott. Eplaedik og hunangsdressingin
dregur allt saman.
Hráefni
› 1 poki salat
› granatepli, bara fallegu fræin (hinu
hent)
› 1 epli, þunnt skorið
› 1 fennel, þunnsneiddur
› 1/2 sítróna, safi
› 1/4 bolli möndlur eða salthnetur
› 2 msk. ólífuolía
› 2 msk. eplasafi edik
› 1 msk. hunang
› 3/4 tsk. pipar
› 1/2 tsk. salt
Aðferð
Búið til dressingu með því að þeyta
ólífuolíu, eplaediki, hunangi, salti,
pipar og sítrónusafa.
Blandið öllum innihaldsefnunum
saman og kryddið með salti og pipar
ef þörf er á.
Grillað sætkartöflu- og
grænmetissalat
Hér er auðvelt salat sem geymist
í nokkra daga í ísskápnum til að
passa við steik fyrra kvöldið og
laxinn til dæmis daginn eftir. Skiptið
grænmetinu út fyrir uppáhaldshráefnið
og bætið við aukabragði að vild.
Hráefni
› 500 g litlar kartöflur skornar í tvennt
eða sætar kartöflur eða grasker
› salt og ferskur malaður svartur pipar
› 1 meðalstór kúrbítur skorinn í klumpa
› ½ bolli hvor spergilkál og blómkál
blóm
› Extra virgin ólífuolía
› Rauðvínsedik
› 1 msk. sinnep í Dijon-stíl
› 1stk. rauð paprika
› ½ meðal rauðlaukur þunnt skorinn
› Safi og börkur úr einn sítrónu
› fersk steinselja eftir smekk
› 1 msk. saxað estragon eða dill
Eldið grænmetið í álpappír og brúnið
í 10 mínútur til að fá fallegan lit eða
þar til það er næstum meyrt. Bætið
kúrbít, spergilkáli og blómkáli við og
grillið í fimm mínútur til viðbótar.
Setjið grænmeti í stóra skál og tvær
matskeiðar af auka jómfrúarolíu.
Stráið hálfri teskeið af salti og
ferskum möluðum pipar yfir allt.
Búið til vinaigrette: Í lítilli skál,
þeytið saman tveimur matskeiðum
af rauðvínsediki með matskeið af
sinnepi, salt og pipar. Þeytið fjórum
matskeiðum ólífuolíu saman við.
Dreypið helmingnum af vinaigrette
yfir grillaða grænmetið meðan það
er heitt og hrærið varlega þar til það
er alveg húðað.
Blandið saman lauknum, papriku,
sítrónuberki, steinselju, estragoni
og dilli. Smakkið til, stillið krydd
eftir þörfum. Berið fram heitt eða
við stofuhita. Má geyma í kæli í
allt að þrjá daga, kannski bæta við
smá ólífuolíu og ediki til að fríska
salatið upp.
Bjarni Gunnar Kristinsson
matreiðslumeistari
Þórarinsstaðir