Skessuhorn - 27.01.2021, Blaðsíða 23
MIÐVIKUDAGUR 27. jANúAR 2021 23
Vísnahorn
Brynjólfur skipasmiður
í Vestmannaeyjum gekk
eitt sinn sem vafalaust
oftar niður á bryggju
að kvöldlagi og mætir
þá manni efst á bryggjunni og spyr: „Hvaða
skip liggur þarna?“ Og maðurinn svarar að
bragði án þess honum væri nokkur kveðskap-
ur í hug:
Þetta er Foldin að ferma ýsu.
Hún fer víst héðan í dag.
Brynjólfur heyrði strax taktinn og spyr aft-
ur:
En er þetta upphaf að vísu
eða þá niðurlag?
Hvað sem því líður er virkilega gaman að
horfa á falleg skip með fallegum línum líkt og
Ingi Steinar sagði:
Á kvöldin er konurnar anga
fer karlana stundum að langa
að horfa í svip
á hugguleg skip
í höfninni á Grundartanga.
Á mínum æskuárum var Sveinn Ásgeirs-
son með afar vinsæla spurninga- og skemmti-
þætti í útvarpi og hafði meðal annars lands-
kunna hagyrðinga sér til styrktar og lét þá
botna fyrriparta sem hann ýmist fékk aðsenda
eða upphugsaði sjálfur. Meðal þessara snill-
inga voru Steinn Steinarr, Karl Ísfeld, Helgi
Sæmundsson og Guðmundur Sigurðsson. Er
mér til efs að aðrir hafi gert meira fyrir framtíð
ferskeytlunnar því engum skólakrakka leiðst
að vera ekki viðræðuhæfur um nýjustu afrek
þeirra félaga en það sem síast inn í barnssálina
loðir lengi við. Eins og við var að búast voru
afurðirnar misjafnar enda tíminn ekki langur
og skemmtanagildið yfirleitt í fyrirrúmi. Eitt
sinn kom þessi fyrripartur frá Sveini:
Sólin hlý um borg og bý
brosir skýin gegnum.
Og Guðmundur Sigurðsson botnar:
Við sína píu Singman Rhee
söng á kvíaveggnum.
Singman Rhee minnir mig væri forseti Suð-
ur Kóreu og væri nú trúlega flestum gleymd-
ur, allavega mér ef ekki væri fyrir þessa vísu.
En annar fyrripartur kemur hér:
Hrokkinskinna hæru grá
húss að vinnur störfum.
Og Helgi Sæmundsson botnar:
Rokkinn spinnur ýmist á
eða brynnir törfum.
Einn fyrripartinn enn kom Sveinn með:
Sólin fægir fold og sæ,
fer í maí að hlýna.
Og Guðmundur Sigurðsson botnar:
Sáir fræi í sunnanblæ
Sjú en læ í Kína.
Einn þáttur þeirra félaga var í Borgarnesi
og þeir heldur óánægðir með afrek sín þar.
Sendu Borgnesingum þessa kveðju sína:
Drýgðum vér ei dáðir slyngar,
drógu flestir ýsurnar,
betur hefðu Borgnesingar
botnað sjálfir vísurnar.
Séra Sigurður Norland í Hindisvík var af-
bragðsvel hagmæltur maður eins og reyndar
margir starfsbræður hans. Afburða tungu-
málamaður líka og orti hringhendur á ensku
sér og Englendingum (og okkur líka) til
skemmtunar. Eitt sinn lagði Eðvald Halldórs-
son á Stöpum þennan fyrripart fyrir sérann:
Hvar má finna eina eind
sem alla lesti bugar?
Klerkur svaraði:
Helst ég nefni góða greind
en Guð veit hvort hún dugar.
Svo við snúum okkur nú að öðru en vísu-
botnum þá bar Halldóra Sigurðardóttir á
Hallkelsstöðum eitt sinn fram kaffi fyrir gesti
sína með þessum orðum:
Kaffið veiti ykkur yl,
ei sem kann að dvína,
það hefur lagað baugabil
og blessun lagt í sína.
Og Bergþór jónsson í Fljótstungu svaraði:
Þökk fyrir kaffið, þökk fyrir yl,
þótt hann kunni að dvína,
aftur sendi ég baugabil
blessun Guðs og mína.
Nú fara hestamenn væntanlega á fulla ferð
á næstunni með sína starfsemi. Verður án efa
fullskipað í hverri reiðhöll eða „Fucking pa-
lace“ fram undir vor. Á fyrstu árum reiðhalla
hérlendis sýndist sitt hverjum um þessa hátt-
semi og þá orti jói í Stapa:
Reisur víða um fjöllin fríð
fjörga lýða sinni.
En geri hríð og garra tíð
gott er að ríða inni.
jón í Skollagróf var ekki alveg eins jákvæð-
ur:
Fer ég létt um fjallaleið
fjötrum sprett af sinni.
En heims í þéttri hallarreið
hef ég pretta kynni.
Stundum var á orði haft um hestamenn að
þeir væru hneigðir til að hafa með sér ein-
hver sóttvarnarefni á vasaílátum. Trúlega hef-
ur verið minna um slíkt innan reiðhalla sem
mun þó tæplega hafa haft áhrif á jón sem var
algjör bindindismaður. Hreinn Guðvarðarson
orti hinsvegar til þeirra sem slíku voru mót-
fallnir:
Þegar kvelur þraut og pín
þá er rétt að allir heyri
að Kristur breytti vatni í vín
(og vissulega margir fleiri).
Einnig hafa sumir talið áfengi hafa örvandi
áhrif á ástalíf fólks hvað sem er nú til í því.
Sumir halda því fram að áfengi hafi eyðilagt
líf margra en ætli nokkrir eigi ekki líka áfeng-
inu tilurð sína að þakka. Það er nú samt þann-
ig að stundum koma upp vandamál þegar síg-
ur á ævina og vinur minn Guðmundur Krist-
jánsson orti:
Ástarbál í elli kynt
enga veitir gleði
þegar saman þurrt og lint
þarf að deila geði.
Sigmundur Benediktsson benti mér á að
ég hefði farið rangt með vísu Hákonar Að-
alsteinssonar í síðasta þætti og rétt væri hún
svona:
Eitraðar lummur, óholl mjólk
afgreidd daga og nætur.
Þessu er hellt í heiðarlegt fólk
og heilbrigðisfulltrúinn grætur.
Færi ég honum hér með bestu þakkir fyr-
ir glöggskyggnina en ætli við endum svo ekki
þáttinn á þessari. Hef ekki hugmynd um höf-
und en gaman ef einhver vissi:
Stemma tímans rennur rótt
raular þjóðin undir.
Góðir hálsar, góða nótt.
Gefist endurfundir.
Með bestu þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Þessu er hellt í heiðarlegt fólk - og heilbrigðisfulltrúinn grætur
Nú þegar frost herðir og jarð-
bönn eru víða er gott og nærandi
að muna eftir smáfuglunum. Þeirra
möguleikar til fæðuöflunar eru tak-
markaðir og þiggja þeir með þökk-
um matargjafir hvort sem er heima
við hús eða úti í trjálundum. Með-
fylgjandi mynd var tekin nýlega í
skógræktinni á Akranesi. Netbúr
með matarkúlum hengt upp í tré.
Reglulega er svo fyllt á með nýjum
kúlum. Að launum fær sú sem fóðr-
ar fuglana þakklæti þeirra fiðruðu
og spakari fuglar leyfa henni að
launum að mynda sig við snæðing-
inn. mm/ Ljósm. gó.
Sigrún Sjöfn Ámundadóttir hef-
ur verið ráðin sem verktaki tíma-
bundið til sjö mánaða hjá félags-
málaráðuneytinu í stöðu verkefna-
stjóra. Mun hún hafa umsjón með
sérstökum íþrótta- og tómstunda-
styrkjum, sem börn af efnaminni
heimilum eiga rétt á, en verk-
efnið er hluti af aðgerðarpakka
stjórnvalda til þess að bregðast
við áhrifum Covid-19 faraldurs-
ins á fjölskyldur og heimili lands-
ins. „Hluti af verkefninu er að taka
saman reynsluna og árangurinn
af íþrótta- og tómstundastyrkjun-
um, en þetta er í fyrsta skipti sem
ráðuneytið ræðst í slíkar aðgerð-
ir á erfiðum tímum, og er lagt upp
með að reynslan og þekkingin sem
safnast saman geti orðið grunnur
að raunverulegum kerfisbreyting-
um í þessum málum. jafnframt er
gert ráð fyrir að verkefnastjóri hitti
sveitarfélög, forsvarsmenn íþrótta-
félaga og aðra sem hafa beina að-
komu að verkefninu og mun Sig-
rún Sjöfn taka saman þau gögn sem
verða notuð í frekari vinnu,“ seg-
ir í tilkynningu frá félagsmálaráðu-
neytinu.
Sigrún Sjöfn er með fjölbreytta
reynslu og menntun á sviði íþrótta
og fræðslumála ungmenna. „Hún
hefur starfað hjá lögreglunni á
höfuðborgarsvæðinu síðustu ár en
hún útskrifaðist sem lögreglumað-
ur frá Háskólanum á Akureyri árið
2020. Sigrún er með MLM gráðu
í forystu og stjórnun frá Háskól-
anum á Bifröst og B.Ed. í grunn-
skólakennslu frá Háskóla Íslands.
Sigrún Sjöfn situr einnig í sveitar-
stjórn Borgarbyggðar. Hún hefur
lengi verið ein fremsta körfuknatt-
leikskona landsins og hefur mikla
reynslu af þjálfun yngri flokka hjá
nokkrum félagsliðum. Hún er fyr-
irliði körfuboltaliðs Skallagríms í
Borgarnesi ásamt því að spila fyr-
ir A-landslið Íslands. Þá lék Sigrún
Sjöfn sem atvinnumaður í Frakk-
landi og í Svíþjóð.“
mm
Munum eftir
smáfuglunum Sigrún Sjöfn Ámundadóttir í leik.
Ráðin verkefnastjóri
íþrótta- og tómstundastyrkja
í félagsmálaráðuneytinu