Skessuhorn - 03.02.2021, Blaðsíða 19

MIÐVIKUDAGUR 3. FEbRúAR 2021 19
Lágmúli 7, 108 Reykjavík
bumenn@bumenn.is
552 5644
Til sölu búseturéttur á Akranesi

Vallarbraut 12
Til sölu er búseturéttur að Vallarbraut 12, 300 Akranesi.
Eignin er í raðhúsi, 4ra herbergja 109,7 fm að stærð
ásamt 30,1 fm bílskúr, samtals 139,8 fm. Um er að ræða
fallega eign með skjólgóðum palli.
Ásett verð búseturéttarins er kr. 15.000.000,- og
mánaðarlegt búsetugjald miðað við 1. febrúar er
kr. 197.601.
Innifalið í mánaðarlegu búsetugjaldi er afborgun
skuldabréfa, fasteigna- og holræsagjöld, tryggingar, viðhaldssjóður og þjónustugjald.
Þjóðbraut 1
Til sölu er búseturéttur að Þjóðbraut 1, íbúð 602, 300
Akranesi. Íbúðin er á sjöttu hæð í átta hæða fjölbýlishúsi
og er alls 95,3 fm. Íbúðin er mjög rúmgóð og björt og
nýtur útsýnis yfir Faxaflóa, hafnarsvæðið, gamla bæinn
á Akranesi og allt til Snæfellsness. Hún skiptist í eldhús,
stórt alrými og stofu, rúmgott og þægilegt baðherbergi,
svefnherbergi og góða geymslu. Úr alrými er gengið út á
svalir sem snúa vel við sólu. Auk hefðbundinna innréttinga
er sérsmíðaður skápur (260 x210 sm) í alrými með
lokanlegu vinnurými fyrir miðju. Tvískiptur AEG kæliskápur
(165 sm) fylgir íbúðinni aukalega. Sameiginlegt þvottahús er við hlið íbúðar. Íbúðinni
fylgir stæði í lokaðri bílageymslu og geymsla í kjallara. Aðgengi að húsinu er mjög greitt
og þar eru tvær lyftur sem tengja allar hæðir hússins við anddyri og bílakjallara. Þjóðbraut
1 er miðsvæðis á Akranesi og stutt er í alla þjónustu og verslun.
Íbúðin er laus til afhendingar.
Ásett verð búseturéttarins er kr. 6.500.000,- og mánaðarlegt búsetugjald miðað við
1. febrúar er kr. 194.000.Innifalið í mánaðarlegu búsetugjaldi er afborgun skuldabréfa,
fasteigna- og holræsagjöld, rekstur húsfélags, tryggingar, viðhaldssjóður og
þjónustugjald.
Þeir sem hafa áhuga á að skoða eignirnar og/eða gera
tilboð í búseturéttinn, vinsamlegast hafið samband
við skrifstofu Búmanna í síma 552-5644 eða í gegnum
netfangið bumenn@bumenn.is
Tilboðsfrestur er til og með
17. febrúar nk. kl. 12.00
SK
ES
SU
H
O
R
N
2
02
1
Fyrirtækið Heilsusköpun ehf. hef-
ur fengið hluta húsakosts á Laugum
í Sælingsdal í Dölum á leigu fyrir
starfsemi sína. Stefnan er að færa
nýtt líf í húsin sem að mestu hafa
staðið ónotuð síðustu misserin. Það
eru þær Erla Ólafsdóttir og Harpa
Einarsdóttir sem standa að Heilsu-
sköpun ehf. og hafa þær að eigin
sögn marga skemmtilega drauma
um þá starfsemi sem þær vilja vera
með á Laugum. „Við erum í við-
ræðum við fagfólk um að koma að
starfseminni með okkur og er það
allt í ferli ennþá. Til að byrja með
ætlum við að leigja aðstöðuna út
fyrir ýmsa hópa, til dæmis sjálfs-
vinnuhópa, jógahópa eða í raun
hvaða hópa sem er,“ útskýrir Erla
í samtali við Skessuhorn. Hún bæt-
ir við að fyrsti hópurinn sé vænt-
anlegur nú síðustu helgina í febrú-
ar. Sjálfar munu þær verða innan
handar fyrir hópana á svæðinu og
jafnvel í einhverjum tilfellum taka
þátt í því sem hóparnir ætla að gera
sé þess óskað, t.d. að bjóða upp á
fræðslu eða einhverjar meðferðir.
Mikið náttúrubarn
Erla er fædd og uppalin á Suður-
nesjum. „Ég flutti þaðan um leið
og ég gat og bý nú í Mosfellsbæ.
Ég þurfti bara að komast nær nátt-
úrunni. Ég þarf náttúru og dýr í
kringum mig,“ segir Erla. Hún er
fjölskyldumanneskja og býr með
börnunum sínum og dýrum. Hún
nýtur sín best utandyra og ver allt-
af dágóðum tíma úti með hund-
inum sínum alla morgna. Erla er
sjúkraþjálfari og þroskaþjálfi auk
þess sem hún hefur menntað sig í
austrænni heimspeki, nálastungum
og höfuðbeina- og spjaldhryggjar-
meðferð. Og reyndar einnig Sham-
anisma. Ég hef rekið skóla í höf-
uðbeina- og spjaldhryggsmeðferð
í tuttugu ár auk þess sem ég kenni
sjálf við skólann. Það má því segja
að ég hafi verið að framleiða há-
gæða meðferðaraðila í tvo áratugi,“
segir Erla og hlær. „Ég hef lengi
haft þann draum að auka samvinnu
þessara aðila og afköst þeirra, frek-
ar en að hver og einn sé í sínu horni
að meðhöndla. Og svo að sjálfsögðu
samvinnu við aðra starfsstéttir heil-
brigðis sem og heildrænar,“ bætir
hún við.
Borgarbarn sem
þarf náttúruna
Harpa er að eigin sögn borgarbarn
í húð og hár. „Ég fæddist á steyp-
unni og ólst þar upp en er samt
mikið náttúrubarn í hjartanu. Ég
var alltaf mikið í sveit sem krakki og
alltaf þegar vorið er alveg að koma
byrja ég að finna pirring í fótunum
og langar út úr bænum, helst upp á
fjöll. Ég þarf að komast út í náttúr-
una og svona staður eins og Laug-
ar er einmitt staður sem ég þarf,“
segir Harpa. Hún er viðskiptafræð-
ingur að mennt, heilsumarkþjálfi
og joga nidra leiðbeinandi og hefur
unnið í ferðaþjónustu í þrjátíu ár.
„Ég rek mitt eigið fyrirtæki, ferða-
skrifstofu sem er með nokkurs kon-
ar viðburðaþjónustu. Við aðstoð-
um hópa að halda viðburði um all-
an heim. Ég hef líka unnið við flest
störf á hótelum,“ segir Harpa. „Við
Erla erum alveg hvor á sínum end-
anum og mjög ólíkar en bætum
hvor aðra upp,“ bætir hún við og
Erla tekur undir það.
Staðurinn kallaði
Hugmyndin að verkefninu kviknaði
fyrir tveimur árum en þær hafa verið
að bíða eftir að finna réttu staðsetn-
inguna. Laugar í Sælingsdal segja
þær bjóða upp á allt sem þarf fyrir
hópa að koma saman og eiga góða
stund, hvort sem það er að stunda
jóga, hugleiða, vinna með mataræði
eða hvað sem er. „Nágranni minn
benti mér á þennan stað og ég fór
að skoða. Húsnæðið er mjög hent-
ugt og svo fann ég bara hvað orkan
þarna býður upp á mikla og frábæra
möguleika. Náttúran, vatnið og
sagan á Laugum spila svo vel sam-
an og gera þennan stað svo frábær-
an. Svo er þetta smá spöl frá þjóð-
veginum og í algjöru næði. Ég fann
bara strax að þetta var svæði sem
hefur beðið eftir því að vera nýtt til
góðs, það kallaði á mig,“ segir Erla
og brosir. Erla hafði strax samband
við Hörpu sem varð líka hrifin af
staðsetningunni og þær settu strax
alla sína kraft í að koma þessu verk-
efni í gang. „Við erum núna búnar
að setja alla okkar orku, krafta og
staðfestu í þetta. Við erum með frá-
bært fólk í kringum okkur og mik-
inn meðbyr. Við trúum því að ef
þetta á að gerast þá gerist það en ef
þetta á ekki að gerast þá er það bara
þannig,“ segir Erla og bætir við að
hún sé þó full af bjartsýni og mikil
ástríða sé fyrir verkefninu.
Spenntar að
fara í Dalina
Til að byrja með verða þær með
starfsemina í eldri byggingunni á
Laugum, sem búið er að gera upp.
„Ef allt gengur vel gætum við einn-
ig fengið hina álmuna og fáum
íþróttasalinn til afnota þegar þarf.
Við munum einnig hafa aðgang
að sundlauginni sem mun nýtast
vel,“ segja þær. Aðspurðar segjast
þær enga tengingu hafa í Dalina
en að þær séu þó spenntar að koma
þangað. „Það er okkar draumur að
geta átt góð samskipti og kynni við
Dalamenn og jafnvel að geta starfað
með heimamönnum og veitt þeim
aðgang að þeirri þjónustu sem við
ætlum að bjóða uppá ef allt fer að
óskum,“ segja þær að endingu.
arg
Segja Laugar í Sælingsdal hafa einstaka orku
og ætla nú að hefja þar starfsemi
Aðstaðan á Laugum hentar vel fyrir starfsemi Heilsusköpunar. Ljósm. úr safni.
Harpa og Erla hafa tekið Laugar á leigu undir starfsemi Heilsusköpunar ehf. Ljósm. úr safni/ mm.
Harpa er mikið náttúrubarn í hjartanu þó hún hafi alist upp í borginni.
Ljósm. aðsend
Erla kennir höfuðbeina- og spjald-
hryggjarmeðferð og hér er hún að me
ðhöndla barn. Ljósm. aðsend