Skessuhorn - 03.02.2021, Blaðsíða 25

MIÐVIKUDAGUR 3. FEbRúAR 2021 25
og haldið námskeið á vegum Rauða
krossins til leiðbeiningar um fyrstu
hjálp í heimahúsum. úr þessum
sjóði var árlega veitt til fátækra
sængurkvenna og jafnframt greitt
fyrir þeim sem þurftu á sjúkrahús-
vist að halda. Héraðslæknirinn var
einnig fenginn til þess að koma út á
Hellissand tvisvar í mánuði og taka
á móti sjúklingum. Kvenfélagið
lánaði stofu með ljósi, hita og nauð-
synlegustu tækjum endurgjalds-
laust. Konur skiptust á um að hafa
þarna hreint og hlýtt. Oft þurfti að
brjóta klakann af vatnstunnunni í
eldhúsinu en furðu notalegt varð
þegar rauðkyntur kolaofninn hafði
sent frá sér hlýjuna. Tveir kola-
kynntir ofnar voru í samkomuhús-
inu og ein eldavél.
Árið 1933 er ráðin garðyrkju-
kona og komið upp vermireitum
við mörg hús hér í þorpinu. Tek-
in á leigu ræktunarlóð og ræktaðir
garðávextir til sölu. Ræktunaráhug-
inn var lengi til staðar en þar urðu
mörg ljón í veginum sem of langt
mál yrði að rekja hér.
Árið 1934 er keypt 25 þráða
spunavél smíðuð af Jóni Sigurðar-
syni frá Hofgörðum í Staðarsveit.
Hann kenndi jafnframt á vélina sem
var til húsa að Fögruvöllum og var
mikið notuð um 10 ára skeið en er
nú bundin upp í rjáfur í bjarmahús-
inu. Þarna var oft spunnið fram á
nætur og nutum við gestrisni okkar
ágætu félagskonu Petrúnar Jóhann-
esdóttur. Við breyttar aðstæður og
vaxandi vinnu kvenna utan heimilis
þá lagðist þetta niður.
Á 20 ára afmæli kvenfélagsins tók
það á stefnuskrá sína að hlynna að
kirkjunni og hefur haft á sínum veg-
um starfandi nefnd varðandi þetta
mál. Nefndin sá einnig um fjáröfl-
un. byrjað var á því að gefa ferm-
ingarkyrtla og æ síðan hefur félagið
tekið töluverðan þátt í endurbótum
á kirkjunni eftir efnum og ástæð-
um. Kirkjusjóður kvenfélagsins er
ennþá til.
Árið 1948 á hundraðasta afmæl-
isdegi Matthildar Þorkelsdóttur
stofnaði félagið Matthildarsjóð með
því sem þá var til í sjúkrasjóði. Við
breyttar aðstæður er sjúkrasjóður
lagður niður. Þá voru lítil sjúkraskýli
mjög algeng og mun okkur hafa
dreymt um eitthvað slíkt. Kvenfé-
lagið á 3 fulltrúa í stjórn sjóðsins
en hreppurinn 2. Málin þróuðust
þannig að byggð var læknaaðstaða
sú er nú stendur. Það kostaði tölu-
verða baráttu og bréfaskriftir að
fá þetta hús í viðunandi stærð, því
auðvitað var þessi bygging reist af
hálfu hins opinbera en þá var gott
að geta bent á Matthildarsjóð, sem
strax lagði fram ákveðna upphæð og
hefur ávallt reynt að hlaupa und-
ir bagga með ýmis tækjakaup eftir
því sem efni leyfa hvert sinn. Sjóð-
ur sem stofnaður var til minningar
um hjónin frá Sjólist, Sigríðir boga-
dóttur og Guðmund Þorvaldsson
hefur einnig gefið áhöld í lækna-
stofu (Sigríðarsjóður).
Árið 1966 byrjar kvenfélagið
að vinna að leikskólamálinu. Það
kaupir skúr til afnota á gæsluvelli.
Hreppurinn sá um rekstur. Þetta er
enn á stefnuskrá, t.d. gefin leikföng
o.fl. og til er leikskólasjóður.
Þó þetta sé orðið langt má hefur
verið farið fljótt yfir sögu. Haldin
hafa verið námskeið í matreiðslu
og handavinnu. Farnar ferðir um
landið til skemmtunar og fróðleiks.
Tímans vegna get ég aðeins minnst
á kvöldvökurnar sem haldnar voru
á útmánuðum um margra ára skeið
og peysufatadagurinn þann 10. júní,
þegar konur fóru í skrúðgöngu um
þorpið. Komið var saman til kaffi-
drykkju, erindi flutt, sungið og
fleira til skemmtunar. Svo fór að
konum fækkaði ört sem notuðu
þjóðbúninginn og þá heyrði þetta
sögunni til.
Félagið hefur ætíð haft fastmót-
aðar fundarreglur og enn helst sá
siður að lesa eða hafa annað efni til
skemmtunar og fróðleiks á hverj-
um fundi. Þegar félagið er stofn-
að var árgjaldið 3 kr. en fljótlega
hækkað í 5 kr. Tímakaup kvenna
var þá 25 aurar á klst. Iðnaðarmenn
höfðu 1 kr. á tímann. Ef þið nennið
að reikna þetta út og miða við nú-
tíma verðlag getið þið séð hve stór
skattur þetta hefur verið. (Nú er
árgjaldið kr. 500. Ætti samkvæmt
fyrrgreindum útreikningi að vera
kr. 5000).
Nafnið Kvenfélag Hellissands er
reyndar táknrænt, því félagið hefur
verið hluttakandi í flestum fram-
faramálum hér á staðnum. Til gam-
ans má geta þess að þegar hafist var
handa með sundlaugarbyggingu, þá
var leitað til kvenfélagsins, sömu-
leiðis um endurreisn bókasafnsins.
Þegar hreppsnefnd hófst handa
við fyrstu vatnsveitu hér á staðnum
gáfu flestar félagskonur dagsverk
sem synir þeirra og bændur inntu
að höndum. Vegna misskilnings vil
ég taka fram að við áttum ekki ann-
an hlut í því verki sen að safna þess-
um dagsverkum, allt unnið með
handafli.
Á þessu 70 ára tímabili hefur fé-
lagið átt níu formenn. Er það fyrst
að nefna: Ingveldi Sigmundsdóttur
þar til hún flutti héðan. Síðan Jó-
hanna Vigfúsdóttir, Unnur bene-
diktsdóttir, Svanfríður Kristjáns-
dóttir, Guðríður Sörladóttir, Svan-
hildur Snæbjörnsdóttir, Guðrún
Haraldsdóttir, Auður Grímsdóttir
og Erla Laxdal Gísladóttir.
Eins og ég sagði í byrjun hafa
breytingar í þjóðlífi okkar orðið
stórkostlegar á þessu tímabili. Nú
eru til staðar félög og klúbbar sem
leggja góðum málum lið. Kvenfé-
lagið hefur samt ennþá hlutverki að
gegna, það er jafnan vakandi fyrir
hjúkrunarmálunum og mun halda
áfram að hlynna að heilsugæslunni.
Sömuleiðis kirkjunni ef á þarf að
halda. Þá er það eignaraðili að nú-
verandi félagsheimili.
Ég hvet konur til þess að styrkja
þetta elsta félag staðarins með því
að gerast félagar. Verkefnin blasa
við, t.d. hvað snertir umhverfis-
vernd, um það ættu öll félög stað-
arins að sameinast og er þegar haf-
inn vísir að slíkur starfi. En margar
hendur vinna létt verk.
Að lokum vil ég þakka öllum
félagssystrum mínum fyrir traust
og hlýtt samstarf í 65 ár. Margar
eru horfnar af sjónarsviðinu lífs eða
liðnar. Við minnumst þeirra með
þakklæti og virðingu. Einnig þakka
ég öllum sem sýnt hafa félaginu
velvild og stuðning.
Núverandi formanni og félags-
konum óska ég allra heilla og vona
að kvenfélagið megi jafnan verða
trútt sinni köllun og félagið eflaus
og aukast ásamt vaxandi byggð og
framförum hér í Neshreppi.
(Jóhanna Vigfúsdóttir skráði)
Stjórn Kvenfélags Hellissands 1991: Katrín Sigurjónsdóttir, Kristjana Halldórsdóttir, Anna Linda Sigurðardóttir, Ingibjörg
Steinsdóttir og Auður Grímsdóttir.
Alhliða bókhalds- og
uppgjörsþjónustu fyrir
fyrirtæki og
einstaklinga í
atvinnurekstri
Lagnaþjònusta
Vesturlands ehf.

Alhliða þjónustufyrirtæki
á sviði pípulagna
Sendu okkur verkbeiðni à
lagnavest@gmail.com eða hafðu samband
við okkur í síma 787-2999