Morgunblaðið - 26.01.2021, Qupperneq 27

ÍÞRÓTTIR 27
MORGUNBLAÐIÐ ÞRIÐJUDAGUR 26. JANÚAR 2021
Í kringum kjörið á íþrótta-
manni ársins hjá Samtökum
íþróttafréttamanna skapast
iðulega líflegar umræður. Eru
það ekki ný tíðindi og þrátt fyr-
ir að samfélagsmiðlar séu
áberandi fyrirbæri er þessi um-
ræða ekki endilega meiri nú en
á árum áður. Jafnvel þótt nú sé
hægt að rífast um fleiri atriði
eins og lið og þjálfara.
Sjálfur geri ég ekki at-
hugasemdir við að fólk kunni
að vera ósammála um hverjir
eigi að verða fyrir valinu. Það
er ósköp eðlilegt enda er ekki
um vísindi að ræða. En ég geri
athugasemd við hugmyndir um
að „taka“ kjörið af Samtökum
íþróttafréttamanna.
Hef ég rekist á þetta áður en
nú síðast hjá tveimur hand-
boltaþjálfurum. Samtök
íþróttafréttamanna komu kjör-
inu á árið 1956 og hafa staðið
fyrir því síðan. Var það önnur
ástæða þess að brautryðjend-
urnir Atli Steinarsson, Frímann
Helgason, Hallur Símonarson
og Sigurður Sigurðsson stofn-
uðu samtökin.
Öðrum er að sjálfsögðu
frjálst að standa fyrir sambæri-
legu kjöri og handboltaþjálf-
ararnir tveir telja til dæmis að
aðrir séu betur til þess fallnir.
En hver á að „taka kjörið af
SÍ“? Ríkisstjórnin? Mennta-
málaráðuneytið? Lögreglan?
Kjörið er einkaframtak en
stundum virðist fólk halda að
þetta sé einhvers konar op-
inber framkvæmd sem aðrir en
félagar í samtökunum geti
hlutast til um.
Best finnst mér þegar menn
telja að sérsamböndum ÍSÍ
gæti tekist vel upp við þetta.
Ég hef kynnst mörgum sem
starfað hafa hjá sérsambönd-
unum. Ekki hef ég hitt marga
þar sem hafa áhuga á fleiri
íþróttum en þeirri sem þeir
sjálfir sinna.
BAKVÖRÐUR
Kristján Jónsson
kris@mbl.is
HANDKNATTLEIKUR
Úrvalsdeild kvenna, Olísdeildin:
Origo-höll: Valur – KA/Þór.................. 18.30
1. deild karla, Grill 66-deildin:
Ísafjörður: Hörður – HK ..................... 19.30
Dalhús: Vængir J. – Fjölnir...................... 20
Hertz-höll: Kría – Selfoss U ................ 20.30
Framhús: Fram U – Víkingur.................. 21
1. deild kvenna, Grill 66-deildin:
Kórinn: HK U – Grótta ........................ 19.30
Austurberg: ÍR – Afturelding ............. 20.15
Origo-höll: Valur U – Fram U.................. 21
KNATTSPYRNA
Reykjavíkurmót karla:
Víkingsvöllur: Víkingur R. – Leiknir R... 19
Würth-völlur: Fylkir – KR ....................... 19
Hertz-völlur: ÍR – Valur ........................... 20
Egilshöll: Fram – Fjölnir ......................... 20
Í KVÖLD!
England
Bikarkeppnin, 32ja liða úrslit:
Wycombe – Tottenham............................ 1:4
Í 16-liða úrslitum mætast:
Burnley – Bournemouth/Crawley
Manchester United – West Ham
Sheffield United – Bristol City
Wolves – Southampton
Barnsley – Chelsea
Everton – Tottenham
Swansea – Manchester City
Leicester – Brighton
Ítalía
B-deild:
Brescia – Monza....................................... 0:1
 Hólmbert Aron Friðjónsson kom inn á
hjá Brescia á 88. mínútu en Birkir Bjarna-
son var ekki í hópnum.
 Elísabet Gunnarsdóttir verður ekki
þjálfari íslenska kvennalandsliðsins
í knattspyrnu. Þetta staðfesti hún í
samtali við fótbolta.net í gær. Það
virtist allt stefna í að Elísabet yrði
næsti þjálfari liðsins en hún er sam-
ingsbundin Kristianstad í sænsku
úrvalsdeildinni út tímabilið 2021.
Forráðamenn KSÍ gerðu þá kröfu
að Elíasbet myndi láta af störfum í
Svíþjóð til að taka við landsliðinu.
„Ég ber virðingu fyrir því að þau
vilji ekki vera með þjálfara í tvö-
földu starfi,“ sagði Elísabet meðal
annars í samtali við fótbolta.net.
Tekur ekki við
landsliðinu
Ljósmynd/KDFF
Svíþjóð Elísabet var ekki tilbúin að
láta af störfum hjá Kristianstad.
Kristján Andrésson, fyrrverandi
landsliðsmaður Íslands í handknatt-
leik og síðan þjálfari sænska karla-
landsliðsins og þýska stórliðsins
Rhein-Neckar Löwen, er kominn til
starfa á ný hjá sínu gamla félagi í
Svíþjóð. Eskilstuna Guif tilkynnti í
gær að Kristján hefði verið ráðinn
íþróttastjóri félagsins en hann var í
röðum þess sem leikmaður frá 18
ára aldri og þar til hann hætti að
spila vegna alvarlegra meiðsla árið
2006. Þá tók hann við sem þjálfari
liðsins og stjórnaði því með góðum
árangri í níu ár.
Ráðinn til
Eskilstuna Guif
AFP
Heimaslóðir Kristján verður yfir-
maður íþróttamála í Eskilstuna.
VIÐHORF
Kristján Jónsson
kris@mbl.is
Þátttöku Íslands er lokið á HM karla
í handknattleik í Egyptalandi og sitt
sýnist hverjum. Ekki eru það ný tíð-
indi að árangur liðsins hreyfi við land-
anum. Niðurstaðan í þetta skiptið var
20. sæti á HM sem er sú versta af
þeim skiptum þegar Ísland hefur náð
inn í lokakeppni HM.
Í því ljósi er svolítið undarlegt að
manni finnst sóknarfærin vera fyrir
hendi. Greinarhöfundur upplifir sig
alla vega ekki svartsýnan fyrir hönd
liðsins eftir að hafa horft á leikina.
Tveir sigrar og fjögur töp er ekkert
til að monta sig af en liðið sem hafnaði
í 20. sæti á mótinu tapaði þó aldrei
með meira en tveggja marka mun.
Sökum fámennis náum við Íslend-
ingar okkar besta árangri í hóp-
íþróttum þegar óvenjusterkar kyn-
slóðir koma fram. Þá þurfa margir
leikmenn af sömu kynslóð að skila sér
í háan gæðaflokk. Það á ekki einungis
við um handknattleikinn. Við höfum
einnig séð þetta í knattspyrnunni og
körfuknattleiknum. Þegar knatt-
spyrnulandsliðin komust í fyrsta
skipti í lokakeppni 2009 og 2016 voru
margir leikmenn af sömu kynslóð.
Sama gerðist í körfunni 2015 þar sem
nokkrir lykilmenn voru fæddir sama
ár.
Menn sem ná árangri snemma
Við höfum séð þetta hjá handbolta-
landsliðinu í gegnum tíðina. Afar
sterk kynslóð skipaði landsliðið hjá
Bogdan Kowalczyk en Jóhann Ingi
Gunnarsson hafði gefið mörgum
þeirra tækifæri með A-landsliðinu
þegar þeir voru ungir. Ólafur Stef-
ánsson, Dagur Sigurðsson, Patrekur
Jóhannesson, Aron Kristjánsson,
Sigfús Sigurðsson og Róbert Sig-
hvatsson voru í landsliði sem fékk
brons á HM U21 árs. Nú vill svo til að
sú keppni var einmitt í Egyptalandi.
Þegar Ísland vann til verðlauna á
ÓL 2008 og var hársbreidd frá því að
spila um verðlaun á HM 2007 voru í
liðinu margir leikmenn á svipuðu
reki. Róbert Gunnarsson, Snorri
Steinn Guðjónsson, Ingimundur Ingi-
mundarson, Sturla Ásgeirsson,
Bjarni Fritzson og Hreiðar Levý
Guðmundsson. Bæta má við þeim
Markúsi Mána Michaelssyni sem
hætti eftir HM 2007 og Einari Hólm-
geirssyni sem var seinheppinn með
meiðsli. Þessi kynslóð varð Norð-
urlandameistari í U19 ára ef ég man
rétt en fékk líklega ekki tækifæri til
að taka þátt á HM eða EM. Alexand-
er Petersson er jafnaldri nokkurra
þeirra en var ekki löglegur með Ís-
landi í yngri landsliðum. Arnór Atla-
son, Ásgeir Örn Hallgrímsson, Björg-
vin Páll Gústavsson og Kári Kristján
Kristjánsson urðu Evrópumeistarar
U19 ára.
Aron Pálmarsson og Ólafur Guð-
mundsson voru lykilmenn þegar Ís-
land lék til úrslita á HM U19 ára árið
2009. Fleiri úr því liði hafa leikið á
stórmóti eins og Oddur Gretarsson
og Stefán Rafn Sigurmannsson.
Sterk kynslóð
Fimm úr U19 ára liðinu sem fékk
brons á HM í Rússlandi sumarið 2015
voru í liðinu á HM í Egyptalandi.
Arnar Freyr Arnarsson, Ýmir Örn
Gíslason, Elvar Örn Jónsson, Ómar
Ingi Magnússon og Kristján Örn
Kristjánsson. Þeir hafa nú reyndar
sumir fært sig til á vellinum en það er
önnur saga. Þar er gott dæmi um
sterka kynslóð þar sem margir fram-
bærilegir leikmenn koma fram. Í lið-
inu voru fleiri sem hafa leikið A-
landsleiki eins og Óðinn Þór Rík-
harðsson og Hákon Daði Styrmisson.
Þeir Egill Magnússon, Aron Dagur
Pálsson, Birkir Benediktsson og
Grétar Ari Guðjónsson voru einnig
mjög sterkir leikmenn í þessu lands-
liði.
Þáverandi landsliðsþjálfari Geir
Sveinsson fór með Arnar Frey og
Ómar Inga á HM 2017 og bætti Ými
Erni Gíslasyni við á EM 2018. Guð-
mundur Þ. Guðmundsson fór svo með
Elvar Örn á HM 2019 og nú Kristján
Örn á HM 2021. Haukur Þrastarson
og Viktor Gísli Hallgrímsson léku til
úrslita á EM U19 ára sumarið 2018.
Haukur var kallaður inn á HM 2019
og Viktor Gísli fór á sitt fyrsta stór-
mót á EM í Svíþjóð í fyrra.
Þegar við eignumst marga unga
leikmenn sem skara snemma fram úr
þá er ég hlynntur því að þeir fái
snemma tækifæri í A-landsliðinu. Það
hefur nú gengið eftir og fyrir vikið
gæti landsliðið átt eftir að ná mjög
langt á næstu árum. Hversu langt lið-
ið getur náð er ekki auðvelt að spá
fyrir um en sú uppskrift að treysta
mönnum sem náð hafa árangri í yngri
landsliðum hefur virkað nokkuð vel
eins og sést á upptalningunni hér að
ofan.
Ekki er hlaupið að því að vinna til
verðlauna á stórmótum þótt Íslandi
hafi tekist það tvívegis. Gleymum því
ekki að þá áttum við sérstakt eintak
eins og Ólaf Stefánsson. Eftir að
hann lagði landsliðsskóna á hilluna
hefur Ísland einu sinni náð 5. sæti á
stórmóti en árangurinn hefur að öðru
leyti verið nokkuð lakari.
Við getum samt alveg leyft okkur
að gera okkur væntingar um að Ís-
land geti barist um verðlaun á stór-
mótum eftir nokkur ár. Annars væri
lítið gaman að þessu. En þá gefur
maður sér ákeðnar forsendur til að sú
staða geti komið upp.
Hið augljósa er að þessir leikmenn
lendi ekki illa í meiðslum. Þá getur
margt farið öðrvísi en ætlað er.
Meiðsli munu alltaf taka einhvern toll
eins og leikjaálagið er hjá atvinnu-
mönnum í íþróttinni en við höfum
ekki efni á að þau verði í stórum
skömmtum.
Forsendurnar
Maður bindur vonir við að Haukur
og Viktor Gísli geti orðið heimsklassa
leikmenn. Þangað er löng leið frá því
að vera toppmenn í yngri landsliði.
En mér finnst þeir báðir vera líklegir
til að komast í hæsta gæðaflokk. Al-
mennt séð gefur maður sér þær for-
sendur að þessir fjölmörgu leikmenn
í kringum 23 ára aldurinn muni bæta
sig sem leikmenn. Allir spila þeir er-
lendis og eru í aðstöðu til að leggja
allt undir.
Þeir sem eru í lykilhlutverki í vörn-
inni þurfa að styrkja sig frekar lík-
amlega til að glíma við bestu landslið í
heimi. Það kemur með tímanum ef
menn eru metnaðarfullir. Landsliðið
þarf að geta ógnað meira með skotum
af lengra færi heldur en liðið gat gert
í Egyptalandi. Slíkt gerir einfaldlega
lífið aðeins auðveldara en þá geta
andstæðingarnir ekki leyft sér að
verjast aftarlega og þurfa að koma út
á móti mönnum.
Til að standast liðum eins og Nor-
egi, Danmörku og Svíþjóð snúning
þarf að fækka skiptum á milli sóknar
og varnar eins mikið og mögulegt er.
Þessi lið og fleiri keyra hratt allan
leiktímann og lítið svigrúm gefst til
að nota menn sem eru góðir í 50%
íþróttarinnar.
Guðmundur Þ. Guðmundsson hafði
orð á því í viðtali að íslenska liðið
þyrfti að læra að vinna betur úr því
þegar það nær forskoti í leikjum og
verða ofan á í jöfnum leikjum. Sjálf-
sagt munu leikmennirnir læra af
þessum jöfnu leikjum á HM og klára
dæmið þegar þeir verða ögn eldri.
Patrekur, Dagur og Ólafur virtust
ekki vera tilbúnir til að slá í gegn með
þjóðina á herðunum á HM á Íslandi
árið 1995. En heilagur Isakovic* hvað
þeir voru góðir á HM tveimur árum
síðar þegar þeir höfðu unnið úr bit-
urri reynslu.
*Handboltaséní frá gömlu Júgó-
slavíu.
Uppskrift sem virkað
hefur ágætlega
 Vegna fámennis þarf að nýta mjög vel sterkar kynslóðir í hópíþróttunum
AFP
Vörn Ýmir Örn Gíslason heillaði marga með framgöngu sinni í vörninni á heimsmeistaramótinu í Egyptalandi.