Morgunblaðið - 13.02.2021, Side 14

14 FRÉTTIRInnlent
MORGUNBLAÐIÐ LAUGARDAGUR 13. FEBRÚAR 2021
Forsvarsmenn héraðsfréttablaða
telja að sá stuðningur við einka-
rekna fjölmiðla sem kveðið er á um
í fjölmiðafrumvarpinu muni ekki
duga fyrir rekstur svæðisbundinna
miðla og vilja að gerðar verði breyt-
ingar á því.
Lagt er til í umsögnum að heild-
arframlagið hækki úr 400 millj-
ónum kr. í a.m.k. 500 milljónir.
Sérstaklega er gagnrýnt að með
seinustu breytingum á frumvarp-
inu, sem nú er til umfjöllunar í alls-
herjar- og menntamálanefnd, hafi
skilyrði um lágmarksútgáfutíðni og
um ritstjórnarefni, sem fjölmiðlar
þurfa að uppfylla, verið felld út.
Magnús Magnússon, ritstjóri
Skessuhorns, segir í umsögn að
með því að fella út kröfur um út-
gáfutíðni muni fjölmargir örfjöl-
miðar bætast í pottinn, „fjölmiðlar
sem jafnvel eru gefnir út sem
áhugamál útgefenda eða/og eru fag-
rit íþróttagreina og ættu því frekar
að falla undir stuðning við íþrótta-
félög en flokkast sem fjölmiðill. Sú
viðbót mun rýra hlut þeirra fjöl-
miðla sem gegna breiðara hlutverki
í samfélögum þeim sem þeir starfa
í,“ segir í umsögn hans.
Útgáfufélag Austurlands fagnar
því að reynt sé að koma til móts við
minni miðla í frumvarpinu en gagn-
rýnir harðlega í umsögn til þing-
nefndarinnar að skilyrði á borð við
kröfur um útgáfutíðni og um lág-
mark ritstjórnarefnis séu ekki leng-
ur fyrir hendi í frumvarpinu.
Fjölmiðlar séu ein af stoðum lýð-
ræðis og með rekstrarstuðningi sé
ríkið bæði að viðurkenna mikilvægi
þeirra og treysta stoðina. Miðlar
sem sannarlega sinni því hlutverki
eigi að njóta forgangs. Vandasamt
sé að réttlæta stuðning til miðla
sem hvorki hafi það markmið að
efla lýðræðið né sinna sjálfstæðri
efnisöflun, að því er segir í umsögn
Gunnars Gunnarssonar ritstjóra og
Sverris Mars Albertssonar
stjórnarformanns.
Óttast að hlutur
héraðsmiðla verði rýr
 Gagnrýnt að kröfur um útgáfutíðni voru felldar út
Morgunblaðið/Styrmir Kári
Alþingi Fjölmiðlafrumvarpið er nú í allsherjar- og menntamálanefnd.
Bláa lónið verður opnað á ný í dag
en það hefur verið lokað síðastliðna
fjóra mánuði, eða frá 8. október sl.
Bláa lónið, veitingastaðurinn
Lava, Silica hótel og verslun Bláa
lónsins í Svartsengi verða opin allar
helgar fram á vor. Retreat Spa
verður opið á laugardögum. Re-
treat hótel og veitingastaðurinn
Moss verða einnig opnuð en með
takmörkuðum afgreiðslutíma.
Í tilkynningu frá Bláa lóninu
kemur fram að Lava muni bjóða
upp á dögurð, eða brunch, alla
laugardaga og sunnudaga frá kl.
11-15. Þar geta gestir snætt á
sloppnum á milli þess sem þeir
njóta dvalarinnar í lóninu.
„Núgildandi tilmælum yfirvalda
varðandi sóttvarnaráðstafanir er
fylgt í hvívetna á öllum starfs-
töðvum Bláa lónsins. Vegna tak-
markana eru gestir hvattir til að
bóka heimsókn sína fyrirfram á
vefnum,“ segir í tilkynningu frá
Bláa lóninu.
Bláa lónið opnað
 Opið í lónið um helgar fram á vor
Ljósmynd/Bláa lónið
Heilsulind Eftir lokun síðan í október verður Bláa lónið opnað í dag.
Mennta- og menningarmálaráðu-
neytið, Vestmannaeyjabær, Háskóli
Íslands og Samtök atvinnulífsins hafa
gert samkomulag um samstarf við
undirbúning og framkvæmd þróun-
ar- og rannsóknarverkefnis í Grunn-
skólanum í Vestmannaeyjum. Mark-
miðið er að efla læsi og bæta líðan
nemenda. Nemendum verður fylgt
eftir frá upphafi grunnskólagöngu
þeirra haustið 2021 og til loka hennar
eftir tíu ár.
Yfirskrift viljayfirlýsingarinnar er
„Árangur og áhugahvöt – kveikjum
neistann“. Þar kemur fram að til
grundvallar samstarfinu liggi breytt-
ar áherslur í framkvæmd og skipu-
lagi skólastarfs með hagsmuni nem-
enda að leiðarljósi, þar með talið
mismunandi þarfir kynjanna. Sérstök
áhersla verður lögð á að bæta stöðu
drengja. Áherslur verkefnisins snúa
að læsi, stærðfræði, náttúrufræði,
hreyfingu og hugarfari nemenda.
Þær tengjast þróun á kennsluháttum,
kennsluefni og starfsþróun og ráðgjöf
til kennara og skólastjórnenda.
Árangur og afurðir verkefnisins
verða nýtt í þágu allra grunnskóla-
nemenda á Íslandi. Stofnað verður
menntarannsóknasetur sem mun
annast undirbúning og framkvæmd
verkefnisins. Mennta- og menningar-
málaráðuneytið mun leggja mennta-
vísindasviði Háskóla Íslands til tíu
milljónir króna á þessu ári á grund-
velli viljayfirlýsingarinnar. Framlag
HÍ verður einnig í formi hálfrar pró-
fessorsstöðu. Vestmannaeyjabær
mun leggja verkefninu til tíu milljónir
á þessu ári. Aðilar tengdir Samtökum
atvinnulífsins skuldbinda sig til að
leggja til fjárhæð sem er ígildi
tveggja 20% staða gestaprófessora
við rannsóknasetrið. Stefnt er að því
að ganga frá samningi um nánari
verkaskiptingu, tíma- og fjárhags-
áætlun í maí. Undirbúningur að verk-
efninu er hafinn og mun halda áfram í
vetur. Verkefnið hefst svo í Grunn-
skólanum í Vestmannaeyjum í haust.
Menntamálaráðherra og stjórn-
endur menntavísindasviðs HÍ fund-
uðu einnig með kennurum og stjórn-
endum Grunnskóla Vestmannaeyja.
gudni@mbl.is
Ljósmynd/Vestmannaeyjabær
Undirritun Helgi Rúnar Óskarsson, Lilja Alfreðsdóttir, Íris Róbertsdóttir og
Jón Atli Benediktsson skrifuðu undir yfirlýsinguna í Vestmannaeyjum.
Neistinn kveiktur
í Vestmannaeyjum
Viljayfirlýsing
» Lilja Alfreðsdóttir, mennta-
og menningarmálaráðherra,
Jón Atli Benediktsson, rektor
Háskóla Íslands, Helgi Rúnar
Óskarsson frá Samtökum at-
vinnulífsins og fleiri fóru til
Vestmannaeyja og undirrituðu
viljayfirlýsingu um samstarf í
menntamálum ásamt Írisi Ró-
bertsdóttur bæjarstjóra.
 Vilja efla læsi nemenda í Eyjum
Útgefendur Kópavogsblaðsins og Hafnfirðings, Auðun Georg Ólafsson og
Olga Björt Þórðardóttir, segja óljóst hvort frumvarpið nái tilgangi sínum
yfirleitt fyrir smáa staðbundna miðla og benda m.a. á í umsögn til Al-
þingis að færst hafi í vöxt að opinberir aðilar nýti alþjóðlega netrisa á
borð við Google og Facebook til að ná til almennings. Þeir hafi lögvernd-
að forskot á einkarekna íslenska miðla, því að þeir greiði ekki skatta hér
á landi og lúti ekki sömu reglum og þeir íslensku, sem verði af þessum
sökum undir í samkeppninni.
„Því skal ekki leyna að hlutfall ritstjórnarefnis í héraðsfréttamiðlum
eins og okkar hefur dregist saman vegna aukins kostnaðar við miðlun og
harðrar samkeppni við fyrrgreinda netrisa, auk þrýstings frá auglýs-
endum um afslætti í því hallæri sem ríkt hefur frá því að kórónuveiru-
faraldurinn tók að geisa,“ segir í umsögn þeirra til þingnefndarinnar.
Benda þau á að stærsti kostnaðarliðurinn í útgáfu beggja miðlanna sé
miðlunin sjálf, nánar tiltekið prentun og dreifing í bréfalúgur og póst-
kassa. „Miðlunin er grundvöllur þess að við fáum auglýsingatekjur og
getum náð til lesenda okkar sem eru íbúar sveitarfélaganna. Meðal slíks
efnis eru tilkynningar á vegum ríkis, sveitarfélaga og annarra opinberra
aðila sem erfitt er að dreifa til íbúa með annars konar miðlun.“
Lögverndað forskot netrisa
ÚTGEFENDUR KÓPAVOGSBLAÐSINS OG HAFNFIRÐINGS