Morgunblaðið - 18.02.2021, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 18. FEBRÚAR 2021
„Fjölgun íbúa hér er jöfn og stöðug,“ segir Sævar
Freyr Þráinsson, bæjarstjóri á Akranesi. „Um áramót-
in voru Akurnesingar 7.696, en miðað við líkan okkar
um allt að 5-6% fjölgun verðum við væntanlega orðin
um 8.000 áður en þetta ár er úti. Íbúðahúsnæði er víða
í byggingu á Skaganum og því fylgir auðvitað líka að
halda þarf vel á spöðunum með uppbyggingu innviða.
Hér er verið að byggja nýjan leikskóla, fimleikahús var
opnað í haust, í grunnskólum hefur stofum við Brekku-
bæjarskóla verið fjölgað og fyrstu skref hafa verið tek-
in í skoðun á stækkun Grundaskóla. Fjölgunin helgast
af mörgu, svo sem því að framboð á byggingalóðum á
höfuðborgarsvæðinu er takmarkað og því leitar fólk í
nágrannabyggðirnar. Hér tengjast margir áhrifaþættir
og skapa framvindu.“
Atvinna er undirstaðan í sérhverri byggð. Margt hef-
ur breyst á Akranesi á undanförnum árum, sjávar-
útvegur sem forðum var undirstaðan í atvinnulífi bæj-
arins hefur gefið eftir og fylla hefur þurft í tómarúmið
sem myndaðist af þeim sökum. „Í gömlu fiskvinnslu-
húsunum á Breiðinni, hér fremst og syðst í bænum,
hefur verið komið upp aðstöðu fyrir frumkvöðla á ýms-
um sviðum. Sjálfbærni er inntak margra þeirra verk-
efni sem þetta hæfileikafólk vinnur að – rétt eins og er
leiðarljósið í ýmsum þróunarverkefnum á Grund-
artanga. Þetta eru áhugaverð mál og í mörgu tilliti er-
um við að skapa nýtt umhverfi í atvinnumálum hér á
Skaganum. Sú vegferð er áhugaverð,“ segir Sævar sem
telur að sóknarfæri séu svo sannarlega til Skaganum.
Síðasta ár hafi verið nýtt til stefnumörkunar til sóknar
í atvinnumálum og nú styttist vonandi í uppskeru þess.
„Við höfum trú á góðum fyrirtækjum á Akranesi til
vaxtar nú þegar hillir undir endalok Covid-19 á árinu
2021,“ segir Sævar
Morgunblaðið/Sigurður Bogi
Akranes Við verðum væntanlega orðin um 8.000 áður
en þetta ár er úti, segir Sævar Freyr bæjarstjóri.
Skapa nýtt
á Skaganum
Nægur snjór er nú í skíðabrekkum á
Norðurlandi. Ferðaskrifstofan Nonni
Travel býður upp á spennandi skíða-
og vetrarpakka á Norðurlandi. Hægt
er að velja um alls kyns pakka,
þriggja til fimm daga, sem henta
hverjum og einum. Í pakka geta til
dæmis verið gisting, skíði og sund
eða flug, bílaleigubíll, gisting og
fleira.
„Við höfum fundið mikla eftirspurn
eftir ferðapökkum á Norðurlandið.
Nonni Travel kynnir núna þessa vetr-
ar- og skíðapakka og svo munum við
mjög fljótlega kynna sumarpakka á
Norðurlandi eins og gönguferðir og
fjölskyldupakka,“ segir Ana Korbar
hjá ferðaskrifstofunni Nonna Travel.
„Það hefur verið mikið um gesti
hér eftir að snjóaði og við eigum von
á mörgum í vetrarfríinu,“ segir María
Tryggvadóttir, verkefnastjóri ferða-
mála hjá Akureyrarbæ. Hinn 19.-21.
febrúar verður vetrarfrí í öllum
grunnskólum á höfuðborgarsvæðinu
og búast má við að margir verði á far-
aldsfæti. Í Kópavogi er frí í dag,
fimmtudag, og á morgun, en í Reykja-
vík, Hafnarfirði, Mosfellsbæ og Sel-
tjarnarnesi er frí á mánudag og
þriðjudag í næstu viku.
„Við bjóðum gesti velkomna en við
hvetjum fólk til að skipuleggja sig
vel. Það er takmarkað framboð á
sætum á veitingastöðum og eins í
fjallið. Það þurfa því allir að bóka fyr-
ir fram og fara varlega,“ segir María.
Bætir við að aðstæður í Hlíðarfjalli
hafi verið hinar bestu að undanförnu
og býst við að svo verði áfram.
„Svo er líka nóg af öðrum úti-
vistarkostum, bæði hér og í ná-
grannasveitarfélögum. Það er til að
mynda mjög vinsælt að fara á göngu-
skíði.“
sbs@mbl.is/ hdm@mbl.is
Morgunblaðið/Skapti Hallgrímsson
Hlíðarfjall Á góðum og sólríkum vetrardegi í skíðabrekkunum góðu.
Á skíðum skemmti ég mér
Vetrar- og skíðapakkar í snjóinn á Norðurlandi
„Því fylgir góð tilfinning að vera kominn aftur á loðnu.
Ég er búinn að vera samtals 45 ár til sjós og aldrei á
þeim tíma hefur komið jafn langt stopp í loðnuveiðum og
nú, þegar tvö ár hafa fallið úr,“ segir Guðmundur Hug-
inn Guðmundsson, skipstjóri á Hugin VR. Skipið var á
Meðallandsbugt þegar Morgunblaðið ræddi við skip-
stjórann. Komin voru 100 tonn af frystingartækri loðnu
um borð og vænst var að ná meira í næsta kasti.
„Já, þetta er falleg loðna og blöndunin er góð. Okkur
telst svo til að í hverju kílói séu 43 stykki og hrognafyll-
ingin er 16%,“ segir skipstjórinn. „Annars er það svo að
núna þurfa menn hreinlega að koma sér aftur í gír eftir
svona langt stopp í loðnunni. Venjulega erum við átján
um borð á þessum veiðum, en af því skipinu hefur verið
breytt og mannskapurinn óvanur erum við tveimur fleiri
um borð nú. En annars gengur þetta vel og við verðum
sjálfsagt ekki lengi að ná kvótanum öllum, en okkur til-
heyra um 900 tonn. Já, og það er gaman að vera hér út af
suðurströndinni þegar er falleg sýn til jökla og fjalla, til
samanburðar því að oftast erum við á Hugin á veiðum úti
á reginhafi. Ætlunin í þessum túr er að frysta 500 til 700
tonn af loðnu og gangi allt vel náum við 100 tonnum í
frystingu á einum sólarhring, sem þá þýðir að yfirstand-
andi túr verður ein vika,“ segir Guðmundur Huginn.
Loðnunni fylgir
góð tilfinning
Morgunblaðið/Sigurður Bogi
Skipstjóri Gaman að vera hér út af suðurströnd með
fallega sýn til jökla og fjalla, segir Guðmundur Huginn.
„Litríkir blómvendir eru fallegir,“
segir Heiða Pálrún Leifsdóttir á
Espiflöt í Biskupstungum. Þar er
starfrækt ein stærsta gróðrarstöð
landsins og undir gleri eru alls um
8.000 fermetrar. Áhersla er á blóma-
rækt og aldrei er meira að gera á
stöðinni en einmitt nú í aðdraganda
konudagsins sem er um helgina.
„Við erum alls sautján að vinna hér
á stöðinni í dag, sumir inni í húsi að
klippa blóm upp úr beðunum. Hér er
líf og fjör og stemningin góð,“ segir
blómakonan á Espiflöt. „Vinsælasta
varan okkar eru vendir þar sem sól-
liljur, gerberur, liljur og krusa eru
saman í vendi, þar sem bleiki og
rauði liturinn eru áberandi. Vendir
með gula og appelsínugula litnum
koma reyndar sterkir inn. Að vilja
halda í hefðirnar er annars svolítið
ríkt í góðum mönnum sem vilja
gleðja konurnar sínar. Rósavendir
einir og sér eru til dæmis alltaf vin-
sælir.“
Heiða Pálrún telur gleðiefni hve
margir blómum prýddir hátíðisdagar
eru nú komnir á almanakið. Dagar
tileinkaðir bændum, heilögum Val-
entínusi, feðrum, mæðrum og fleiri
slíkir gefi fólki tilefni til að gleðjast
og blómin geri jafnan kraftaverk.
„Já, aðdragandi konudagsins er ver-
tíð hér á Espiflöt. Vinnudagurinn er
um sextán klukkustundir fram að
helgi, og lífið er blómum prýtt.“
Allt fram streymir! Sjómenn fiska og afli skapar aura. Fyrir þá reisir fólk yfir hamingju sína, bæir dafna og skapa þarf sterka innviði svo
samfélagið dafni og fólk – ekki síst börnin – geti átt gott líf. Í þessu striti öllu er mikilvægt gæta að gleðinni og leyfa öllu að blómstra.
Ljósmynd/Aðsend
Blómakonan Góðir menn gleðja konurnar sínar, segir Heiða Pálrún.
Blómin gleðja
Hobby hjólhýsi 2021
Allar upplýsingar sendist á: kriben@simnet.is • Sími 863 4449
Powrtouch Movers
Toppgæði
Verð frá 169.000 kr.
Stór
sparnaður
Hobby fyrir vorið
beint frá þýskalandi.
Við sjáum um allt
pöntunarferlið.
Takmarkað magn!