Morgunblaðið - 18.02.2021, Qupperneq 64

ILVA Korputorgi, s: 522 4500 - www.ILVA.is
laugardaga og sunnudaga 12-18
mánudaga - föstudaga 11-18:30
20-25%
Sparadu-
af borðstofu-
húsgögnum
11. feb. – 1. mars
20%
Sparadu-
af öllum borðbúnaði
RICHMOND BORÐSTOFUBORÐ
m/fiskibeinamynstri. Olíuborinn eikarspónn. 220x95 cm. Áður 129.900 kr.
Nú 103.920 kr. SPARAÐU 25.980 kr.
Sýningin Dýrslegur kraftur verður opin gestum í Lista-
safni Reykjavíkur – Hafnarhúsi frá og með deginum í
dag. Er hún samsýning Errós og fimmtán annarra lista-
manna, hverfist um Erró og eru verk hans hryggjar-
stykki hennar. Verk fjölbreytts hóps listamanna eru
sett í samhengi við verk Errós og er sýningin sögð end-
urspegla kraft og hugmyndaauðgi en sækja inntak sitt í
hugleiðingar um viðfangsefni og vinnuaðferðir Errós.
Sýningarstjóri er Birgir Snæbjörn Birgisson.
Dýrslegur kraftur í verkum Errós og
15 annarra listamanna í Hafnarhúsi
FIMMTUDAGUR 18. FEBRÚAR 49. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Níu Íslendingar skipa íslenska landsliðshópinn sem
hefur leik á heimsmeistaramótinu í alpagreinum í Cort-
ina D’Ampezzo á Ítalíu í dag. Hólmfríður Dóra, Hjördís
Ingvadóttir, Katla Björg Dagbjartsdóttir og Sigríður
Dröfn Auðunsdóttir taka allar þátt í svigi og stórsvigi.
Bjarki Guðmundsson, Georg Fannar Þórðarson og
Sturla Snær Snorrason taka allir þátt í svigi og stór-
svigi. Þá keppir Gauti Guðmundsson í svigi og Tobias
Hansen í stórsvigi en í dag fer fram undankeppni karla í
stórsvigi og aðalkeppni í stórsvigi kvenna. »52
Íslenska landsliðið í alpagreinum
hefur leik á HM í Cortina í dag
ÍÞRÓTTIR MENNING
Alexander Kristjánsson
alexander@mbl.is
Tónlistarkonan Salóme Katrín
Magnúsdóttir hefur vakið verð-
skuldaða athygli fyrir framlag sitt í
þætti Helga Björns um helgina.
Salóme á ekki langt að sækja
sönghæfileikana en Helgi er frændi
hennar; Kata amma hennar og
Maja mamma Helga eru systur.
Salóme ólst upp á Ísafirði, fór í
Menntaskólann á Ísafirði en flutti
tvítug suður og útskrifaðist úr Tón-
listarskóla FÍH. Hún hefur síðan
unnið að eigin tónlist.
„Draumurinn hefur alltaf verið að
vera tónlistarkona. Ég spila sjálf á
píanó og syng og sem öll mín lög
sjálf frá toppi til táar,“ segir Sal-
óme. Í fyrra gaf Salóme út sína
fyrstu EP-plötu, Water. Þessa
stundina vinnur hún að nýju efni.
„Núna er ég að fara í að taka upp
aðeins fleiri lög eftir sjálfa mig og
gefa þau út. Síðan er ég að gefa út
vínylplötu með efninu af EP-
plötunni sem ég gaf út,“ segir hún.
„Mögulega er ég að lofa upp í erm-
ina á mér, en ég er frekar vongóð
um að það muni gerast rétt eftir
páska,“ segir Salóme þegar blaða-
maður reynir að veiða upp úr henni
hvenær megi eiga von á nýju efni.
Lítur mikið upp til Helga
Á tónleikunum um helgina söng
Salóme þrjú lög, þeirra á meðal
Kata rokkar, sem hún tileinkaði
ömmu sinni.
Hún segir gaman að fá að
spreyta sig á öðrum lögum en sín-
um eigin.
Viðtökurnar hafa verið góðar, en
Salóme segist hafa fengið falleg
skilaboð úr ýmsum áttum og amma
hennar hafi verið mjög ánægð.
Salóme ber Helga frænda sínum
vel söguna, en segir aðspurð að tón-
list þeirra sé nokkuð ólík enda eru
þau af ólíkri kynslóð. „Ég lít mjög
mikið upp til hans enda alveg magn-
að hvað hann hefur áorkað miklu,“
segir Salóme.
Þau hittist ekki mjög oft, enda
Salóme alin upp á Ísafirði en Helgi
á stöðugu flakki. „En það er alltaf
gaman að hitta hann og hann er
mjög ljúfur frændi að eiga.“
Hún segir tímann munu leiða það
í ljós hvort þau muni vinna meira
saman í framtíðinni.
Sér það jákvæða í Covid
Tækifærin fyrir tónlistarmenn til
að koma sér á framfæri hafa verið
af skornum skammti síðustu mán-
uði og því vafalítið kærkomið að fá
loksins að syngja fyrir framan fólk,
jafnvel þótt það sé í gegnum tölvu-
skjáinn. Salóme trúir því þó að áhrif
faraldursins á listina séu ekki ein-
göngu neikvæð. „Fólk hefur
kannski haft meiri og öðruvísi tíma
til að hlusta á tónlist,“ segir hún.
Fólk leiti ekki að sama stanslausa
stuðinu öllum stundum, sem færi
tónlistarmönnum öðruvísi andrými.
Ljósmynd/Mummi Lú
Í hlöðunni Salóme Katrín tekur hér í lagið í þættinum hjá Helga Björns, frænda sínum, um síðustu helgi.
Draumurinn alltaf að
verða tónlistarkona
 Salóme Katrín söng með frænda sínum, Helga Björns