Morgunblaðið - 31.03.2021, Blaðsíða 12

12 DAGLEGT LÍF
MORGUNBLAÐIÐ MIÐVIKUDAGUR 31. MARS 2021
Sigurður Bogi Sævarsson
sbs@mbl.is
F
uglar eiga greinilega sinn
sess í þjóðarsálinni, svo
margar eru tilnefning-
arnar sem við höfum
fengið síðustu daga,“ segir Guðrún
Lára Pálmadóttir kynningarstjóri
Fuglaverndar. Á morgun – 1. apríl
– verða kynntar til leiks þær 20
tegundir sem keppa um titilinn
Fugl ársins 2021. Tilnefninga var
leitað í marsmánuði en nú er kom-
ið að kynningu á keppendum um
titilinn og kosning hefst 9. apríl.
Hún stendur til 18. apríl og er á
vefslóðinni fuglavernd.is. Allir
geta tekið þátt og jafnframt sótt
um að verða
fulltrúar eða
kosningastjórar
einstakra fugla-
tegunda, til
dæmis með inn-
leggjum á sam-
félagsmiðlum.
„Margar
fuglategundir
eru í hættu
vegna meng-
unar, loftslagsbreytinga og eyði-
leggingar búsvæða. Sumar teg-
undir eru óvinsælar vegna
lífshátta sinna og háttalags, og því
kom okkur svolítið ánægjulega á
óvart að sjá þær tilnefndar. Þarna
get ég nefnt bæði máva og hrafn,
en sumir sendu okkur skilaboð og
sögðu að þessar tegundir yrðu
fyrir fordómum og mættu ekki
gleymast,“ segir Guðrún Lára í
samtali við Morgunblaðið.
Alls voru tilnefndar tegundir
fugla fyrir þessa kosningu 46 tals-
ins. „Ekki kom á óvart að sumir
fuglar fái fleiri tilnefningar en
aðrir. Lóan er ekki að ástæðu-
lausu kölluð vorboðinn ljúfi; fugl-
inn sem syngur dirrindí og sást
fyrst á þessu vori síðastliðinn
sunnudag. Nú eru farfuglarnir
einmitt að flykkjast til landsins í
stríðum straumum. Vorið liggur í
loftinu og það er allt að gerast,“
segir Guðrún Lára enn fremur.
Úrslitin í keppninni um fugl
ársins verða kynnt á sumardaginn
fyrsta, sem að þessu sinni er 22.
apríl. Stefnt er að því að kosning
á Fugli ársins verði árlegur við-
burður á vegum Fuglaverndar.
Fuglavernd naut liðsinnis Kon-
unglegu bresku fuglavernd-
arsamtakanna RSPB og Forest
and Bird á Nýja-Sjálandi við und-
irbúning verkefnisins. Síðarnefndu
samtökin hafa staðið fyrir kosn-
ingu á Fugli ársins á Nýja-
Sjálandi um árabil.
Til gamans má geta að fyrr á
tíð var Fugl dagsins liður í dag-
skrá Ríkisútvarpsins, það er að
fólk átti að þekkja hljóð hans sem
var leikið í hádegisútvarpinu.
Getspakur fékk þá að velja sér
óskalag sem leikið var síðar á deg-
inum. – Af sama toga er enn frem-
ur að 2002 stóð Landvernd að
kosningu á Þjóðarfjalli Íslands og
þar skoraði Herðubreið hæst. Árið
2004 var holtasóley svo valin Þjóð-
arblóm Íslands.
Vorboðinn oft tilnefndur í vali á Fugli ársins
Dirrindí! Hver er þjóð-
arfuglinn! Fuglavernd
efnir til leiks og velja á
eftirlætisfugl Íslendinga í
ár og framvegis. Margir
góðir eru tilnefndir.
Morgunblaðið/Ómar
Heiðlóan Er komin að kveða burt snjóinn.
Guðrún Lára
Pálmadóttir
Morgunblaðið/Ómar
Tjaldur Ungviði kennd undirstöðuatriði í lífsbaráttu.
Ljósmynd/Bogi Þór Arason
Haförn Flýgur hæst allra í forsal vinda.
Eins og orðin er hefð í Seltjarnar-
neskirkju, verða allir 50 Pass-
íusálmar sr. Hallgríms Péturssonar
lesnir upp þar á föstudaginn langa,
nú hinn 2. apríl. Lesturinn hefst kl. 13
og lýkur um kl. 18. Hópur Seltirninga
annast lesturinn. Vegna veirufarald-
ursins verður lestrinum streymt á Fa-
cebook-síðu kirkjunnar. Þannig mun
öllum gefast kostur á að hlusta á
lesturinn heima hjá sér, en einnig
getur takmarkaður fjöldi komið í
kirkjuna og notið sálmanna þar.
Hámarksfjöldi miðað við sótt-
varnareglur er 60 manns, sem skipt-
ist í tvö aðgreind hólf í kirkjuskipi og
á svölum. Tónlist í hléum annast þau
Friðrik Vignir Stefánsson organisti og
Hlín Erlendsdóttir fiðluleikari.
„Hinn dýrmæti kveðskapur séra
Hallgríms og sú fagra tónlist sem
flutt er við þetta tækifæri skapa ljúft
andrúmsloft í kirkjunni á þessum
helga degi – krossfestingardegi
Krists – sem í hugum margra er sá
allra helgasti á öllu kirkjuárinu. Auk
þess að rifja upp sögu krossfesting-
arinnar eru í Passíusálmunum dýr-
mæt heilræði sem öllum er hollt að
hugleiða til eftirbreytni og farsældar
í daglegu lífi. Ekkert sem samið hefur
verið á íslensku hefur verið gefið út
jafnoft og þessi óviðjafnanlegi kveð-
skapur sálmaskáldsins. Prentanir
Passíusálmanna eru nú orðnar fleiri
en hundrað, auk þýðinga á mörg
tungumál,“ segir í fréttatilkynningu.
Passíusálmarnir í Seltjarnarneskirkju
Sálmarnir fimmtíu lesnir af
sóknarbörnum og tónlist leikin
Morgunblaðið/Sigurður Bogi
Seltjarnarnes Kirkjan á Val-
húsahæðinni setur svip á bæinn.
framvindu vinnunnar. „Ég tel boð-
skapinn í þáttunum mikilvægan enda
eru kristin gildi eitthvert besta vega-
nesti sem hver og einn getur tekið
með sér út á ævibrautina – út í hinn
víða heim og aftur heim. Gildi sem við
viljum tileinka okkur þar sem náunga-
kærleikur, umhverfisvernd, manngildi,
og samkennd er sterki þráðurinn sem
allt hverfist um. Svo er það líka svo að
það er afar mikilvægt fyrir lands-
byggðarstofnun, eins og þjóðkirkjan
er, að vinna metnaðarfullt tímamóta-
verkefni alfarið norðan heiða,“ segir í
fréttatilkynningu, haft eftir Pétri G.
Markan.
Upptökur á glænýrri íslenskri sjón-
varpsþáttaröð fyrir börn hófust í síð-
ustu viku hjá N4 á Akureyri og er
þetta í fyrsta sinn sem vitað er að
slíkt sjónvarpsefni sé að fullu unnið
utan höfuðborgarsvæðisins. Þættirnir
nefnast Himinlifandi og eru gerðir í
samstarfi við fræðslusvið þjóðkirkj-
unnar sem séra Hildur Björk Hörpu-
dóttir stýrir.
Þættirnir verða sýndir á N4 í haust
á sunnudagsmorgnum og verða auk
þess aðgengilegir á samfélagsmiðlum
kirkjunnar og N4. Handritshöfundar
og aðalleikarar eru hjónin Margrét
Sverrisdóttir og séra Oddur Bjarni
Þorkelsson á Möðruvöllum í Hörgárdal
sem jafnframt semur tónlist ásamt
Rósu Ásgeirsdóttur. Allir þeir sem
koma að gerð þáttanna starfa hjá N4.
María Björk Ingvadóttir fram-
kvæmdastjóri N4 segist í tilkynningu
þakklát því trausti sem kirkjan sýni
með því að leita til N4 um gerð þátt-
anna. Með þessu sé stigið nýtt og
stórt skref í að vinna slíka þætti með
fagfólki á landsbyggðunum.
Pétur G. Markan samskiptastjóri
þjóðkirkjunnar tekur undir þessi orð
og segist hlakka til að fylgjast með
Sjónvarpsþáttaröð tekin upp á Akureyri
Himinlifandi fyrir börnin
í samvinnu við þjóðkirkjuna
Ljósmynd/Rakel Hinriksdóttir
Leikari Sr. Oddur Bjarni Þorkelsson
sóknarprestur í hlutverki sínu.
Ferðafélag Íslands • Mörkinni 6 • www.fi.is • 568-2533
SUMARLEYFISFERÐIR FÍ • skráðu þig inn og drífðu þig út!
Sjáumst á fjöllum