Morgunblaðið - 31.03.2021, Blaðsíða 18

Morgunblaðið/Sigurður Bogi
Reykjavík Horft yfir Norðurmýri
og Hlíðar úr Hallgrímskirkjuturni.
Reykjavíkurborg býður nú íbúaráð-
um, sem eru samráðsvettvangur og
tenging milli íbúa úti í hverfunum og
borgaryfirvalda, styrki til eflingar
mannlífi, menningu, félagsauði og
lífsgæðum. Skilyrði er að verkefnin
höfði til allra aldurshópa og skírskoti
til breiðs hóps fólks sem vill sækja
sér afþreyingu og upplifun í eigin
hverfi. Í pottinum eru alls um 30
milljónir króna. Miðað er við að íbúa-
ráð, sem eru níu talsins, fái milljón
hvert en afgangurinn deilist til íbúa-
ráða eftir íbúafjölda hverfanna.
Hæsta upphæðin er eyrnamerkt
Breiðholti, 4,5 millj. kr., sem er svip-
að og ætlað er miðborg og Hlíðum.
Grafarvogur og Vesturbær fá um 3,8
millj. kr. hvort svæði og Grafarholt
2,3 millj. kr.
Að öllu jöfnu er miðað við að
styrkupphæðir fyrir hvert verkefni
séu á bilinu 50 til 500 þús kr. Styrkir
geta til dæmis fallið til m.a. tónleika,
markaðshalds, hreinsunar og
gróðursetningar. sbs@mbl.is
Styrkir til
hverfanna
- Félagsauðurinn
eflist - 30 millj. kr.
18 FRÉTTIRInnlent
MORGUNBLAÐIÐ MIÐVIKUDAGUR 31. MARS 2021
Dægradvöl! Sumir segja páskana besta tíma ársins; nokkrir rauðir dagar í röð og flestir eiga frí. Nú er tíminn til að lifa og njóta, þótt störf
og skyldur blandist saman við. Veitingakona, skákmeistari, björgunarsveitarmaður og sóknarprestur segja hér frá því hvað fram undan er.
„Boðskapur páskanna um upprisu Krists er
stórkostlegur og alltaf jafn mikilvægur. Á
erfiðum tímum eins og nú er ágætt að staldra
við og muna eftir lykilatriðum í lífinu, eins og
gleði, bjartsýni og voninni. Páskarnir standa
fyrir þetta allt,“ segir séra Sigríður Gunn-
arsdóttir, sóknarprestur á Sauðárkróki.
Næstkomandi laugardag verða átta börn
fermd við tvær athafnir í Sauðárkrókskirkju.
Ýtrustu reglum um sóttvarnir verður fylgt
þar og þá, og aldrei fleiri en 30 í kirkjunni.
Engin messa verður í kirkjunni á páskadags-
morgun, en helgistund send út á Facebook-
síðu prestakallsins.
„Veiran veldur því að páskarnir hjá mér
verða nú, annað árið í röð, talsvert öðruvísi
en venjulega. Slíkt eru viðbrigði, því undir
öllum venjulegum kringumstæðum eru annir
hjá prestum á þessum tíma; fermingar, skírn-
ir og annað helgihald, athafnir og þjónusta.
Ég sé fram á meiri tíma en vanalega með fjöl-
skyldunni, páskalambið verður auðvitað á
borðum, fengið frá bróður mínum og mág-
konu í Flatatungu í Skagafirði þaðan sem ég
er. Hér í Skagafirðinum er nóg af snjó svo ég
skrepp á gönguskíði ef vel viðrar. Verði svo
einhverjar lausar stundir um páskana lít ég í
bækur, Leiðin heim – vegur kristinnar íhug-
unar, er hér á borðinu og góður vinur fékk
mig svo til að líta yfir handrit að barnabók.
Mér ætti því ekki að leiðast og hlakka til
páskanna.“
Páskar standa fyrir
gleði og bjartsýni
Ljósmynd/Aðsend
Prestur Hlakka til páska, segir séra Sigríður.
„Venjulega hefur verið fullur bær af fólki hér
á Akureyri um páskana og mikið um að
vera,“ segir Gréta Björnsdóttir sem á og rek-
ur kaffihúsið Bláu könnuna við Hafnarstræti
á Akureyri. „Núna verður þetta svolítið öðru-
vísi; vegna sóttvarna er lokað í Hlíðarfjalli,
sundlauginni og engar samkomur. En hér
verður bara gert það besta úr stöðunni,
Covid-tímabilinu er sennilega rétt að ljúka og
betri tíð fram undan. Sumir segja að vorið
komi með páskunum, en þá fer fólk að sunn-
an aftur að ferðast og er hér í bænum.“
Bláa kannan er vinsæll staður í miðbæ
Akureyrar. Þar hafa margir viðkomu og
meðal gesta er súkkulaðiblandað espresso-
kaffi með ostakökusneið í eftirlæti, þótt mat-
seðillinn sé annars fjölbreyttur. „Hér eru all-
ar veitingar heimagerðar, eins og gestir
kunna vel að meta,“ segir Gréta sem rekið
hefur Bláu könnuna frá árinu 2007. Opið
verður alla daga um páskana.
„Akureyringar koma hingað mikið og svo
ferðamenn. Nýjum andlitum er alltaf að
bregða fyrir; áhugaverðu fólki sem er gaman
að tala við. Slík samskipti gefa starfinu mikið
gildi en ég hef nánast alla tíð unnið á veit-
ingastöðum og í ferðaþjónustu. Lífið hjá mér
er þó ekki bara vinna og fjölskyldan fær sinn
tíma um páskana. Börn og barnabörn sem
búa fyrir sunnan koma í heimsókn – og svo
var ætlunin að skreppa eitthvað á gönguskíði
og með snjóbíl upp á Kaldbak, fjall hér við
utanverðan Eyjafjörð. Því gæti ég best trúað
að þetta yrðu bara ljómandi góðir páskar hjá
mér og mínum.“
Gerum það besta
á Bláu könnunni
Ljósmynd/Aðsend
Kaffi Verði bara ljómandi góðir páskar, segir Gréta.
„Vaktin við eldgosið í Geldingadölum er krefj-
andi verkefni því margir eru vanbúnir miðað
við aðstæður. Háhælaðir skór og gallabuxur
hæfa ekki vetrarferðum, né heldur að fólk sé
þarna að sulla í bjór. Skammir sem björg-
unarsveitarmenn fá fyrir að vara fólk við
hættum af glóandi hrauni og gasmengun eru
óskemmtilegar,“ segir Bjarki Þór Sævarsson
úr Björgunarfélagi Árborgar.
Fólk úr björgunarsveitum víða að af landinu
hefur verið á vakt við eldstöðvarnar í Fagra-
dalsfjalli og verður áfram eins og þörf krefur.
Gera má einmitt ráð fyrir að margir fari á
svæðið um páskana því það að komast í návígi
við eldgos er fágætt tækfæri. „Ég hef verið á
svæðinu flesta daga frá því eldsumbrotin hóf-
ust. Að fylgjast með þróun gossins hefur verið
mjög spennandi; sjá kraftinn í gígunum og
hvernig glóandi hraunið breiðir úr sér og nær
yfir sífellt stærra svæði. Já, vaktirnar þarna
inni á fjöllum hafa stundum verið langar og
strangar, en verstur er samt kuldinn. Í roki
bætist vindkælingin við og þá munar um skjól-
góðan björgunarsveitargallann og að vera í
ullarnærfötum,“ segir Bjarki.
„Ef lausar stundir koma um páskana nota
ég þær væntanlega í bílaviðgerðir. Ég er ann-
ars sjómaður hjá Eimskip en í leyfi sem stend-
ur. Nota þá tímann í bílabras og björg-
unarsveitarstörfin – sem eru gefandi og
eldgosvaktin er þegar allt kemur til alls afar
skemmtileg.“
Stendur vaktina við
glóandi hraunið
Morgunblaðið/Sigurður Bogi
Björgunarsveit Farið varlega, segir Bjarki Þór.
„Gönguskórnir eru tilbúnir og væntanlega
fylgi ég fjöldanum og fer að gosstöðvunum í
Geldingadölum nú um helgina. Útivera er öll-
um nauðsynleg,“ segir Hjörvar Steinn Grét-
arsson, stórmeistari í skák.
Á dögunum var mótið um Íslandsbikarinn í
skák haldið og þar var Hjörvar Steinn sig-
urvegarinn. Áfram skal þá haldið og eitt leið-
ir af öðru. Páskana kveðst viðmælandi okkar
að einhverju leyti nýta til þess að liggja yfir
leikjum og fléttum, skáklistin krefjist aga og
undirbúnings. Glímur í skákinni séu skemmti-
legar. Einnig muni hann sinna nemendum
sínum við Skákskóla Íslands, en sú kennsla
fer nú fram á netinu. Ferðalög fólks séu í lág-
marki nú og ungt fólk sem leggur fyrir sig
skákina noti rólega tímann nú til æfinga.
Íslandsmótið í skák, þar sem helstu stór-
meistarar þjóðarinnar og fleiri góðir voru
skráðir til leiks, átti að vera nú um páskana
en var frestað vegna kórónuveirunnar.
„Nei, það væri að mínu mati alveg útilokað
að halda starfrænt Íslandsmót. Hluti af öllum
stærri mótum í skákinni er andrúmsloftið í
sal, spennan, návígið og að finna viðbrögð
andstæðinganna,“ segir Hjörvar Steinn sem
er lögfræðingur hjá Arion banka. Hann er nú
að skrifa meistararitgerð á sviði skattaréttar
og reikningsskila og ætlar að nota næstu vik-
ur til að ljúka því verki.
„Skák og lögfræði svipar um margt saman.
Inntak hvors tveggja eru leikreglur og rök-
semdir. Samt þarf alltaf að gera ráð fyrir
hinu óvænta, sem aftur skapar spennu og
gleði,“ segir Hjörvar Steinn.
Gengið að gosi og
glímur í skákinni
Morgunblaðið/Kristinn Magnússon
Teflt Hjörvar Steinn Grétarsson við skákborðið.
Hrein raunávöxtun
samtryggingardeildar
Aðalfundur og rafrænt stjórnarkjör
Lífsverks lífeyrissjóðs
Engjateigi 9 – Reykjavík – aðalfundur þriðjudaginn 20. apríl kl. 17.00
Engjateigur 9 105 Reykjavík
www.lífsverk.is
Rafrænt stjórnarkjör 12. til 16. apríl
Rafrænt stjórnarkjör fer fram á vef sjóðfélaga á www.lifsverk.is
dagana 12. – 16. apríl. Samkvæmt samþykktum sjóðsins skal kjósa
um tvö laus stjórnarsæti, karls og konu, til þriggja ára. Eva Hlín
Dereksdóttir, núverandi varaformaður stjórnar, sóttist eftir
endurkjöri og er hún sjálfkjörin í stjórn. Kjósa þarf um stjórnar-
sæti karls. Í framboði eru Agnar Kofoed-Hansen, Gnýr
Guðmundsson, Jóhann Þór Jóhannsson og Thomas Möller.
Kynningar frambjóðenda eru á vefsvæði sjóðsins. Allir sjóðfélagar
njóta kosningaréttar og á það einnig við um elli- og örorku-
lífeyrisþega. Eru sjóðfélagar hvattir til að nýta kosningarétt sinn.
Aðalfundur þriðjudaginn 20. apríl kl. 17.00
Aðalfundur sjóðsins verður þriðjudaginn 20. apríl kl. 17.00.
Fundurinn verður haldinn að Engjateigi 9, kjallara. Sjóðfélagar eru
beðnir um að skrá þátttöku með því að hafa samband við skrifstofu
sjóðsins með tölvupósti á lifsverk@lifsverk.is. Hægt verður að
fylgast með fundinum í beinu streymi. Ef nauðsynlegt reynist að
fresta fundinum vegna samkomutakmarkana verður það auglýst á
vefsvæði sjóðsins.
9,0%
8,0%
7,0%
6,0%
5,0%
4,0%
3,0%
2,0%
1,0%
0,0%
2016 2017 2018 2019 2020
10,0%
Um Lífsverk lífeyrissjóð:
Lífsverk er opinn lífeyrissjóður fyrir háskólamenntaða en allir
geta greitt til séreignardeilda sjóðsins. Sérstaða sjóðsins er m.a.
• Sjóðfélagalýðræði • Rafrænt stjórnarkjör
• Góð réttindaávinnsla • Hagstæð sjóðfélagalán
Hrein eign til greiðslu lífeyris í árslok 2020 var samtals 123,0
milljarðar kr. og hækkaði um 18,5 milljarða kr. á árinu. Hrein
eign í samtryggingardeild var 100,1 milljarðar kr. og hækkaði
um 14,1 milljarða kr. á árinu. Heildartryggingarfræðileg staða
samtryggingardeildar var jákvæð um 1,2%. Meðaltal hreinnar
raunávöxtunar er 5,1% sl. 5 ár og 5,0% sl. 10 ár.
Hrein nafnávöxtun Hrein raunávöxtun
Samtryggingardeild 13,1% 9,3%
Lífsverk 1 16,2% 12,3%
Lífsverk 2 11,3% 7,6%
Lífsverk 3 5,8% 2,3%
Ávöxtun 2020:
5 ára meðaltal 10 ára meðaltal
Hrein raunávöxtun – Samtryggingardeild