Bændablaðið - 24.06.2021, Qupperneq 2

Bændablaðið | Fimmtudagur 24. júní 20212
FRÉTTIR
www.kofaroghus.is - Sími 553 1545
TIL Á LAGER
Ítarlegar upplýsingar og teikningar ásamt ýmsum öðrum fróðleik
má finna á vef okkar
STAPI - 14,98 fm
Tilboðsverð
697.500 kr.
25%
afsláttur
BREKKA 34 - 9 fm
Tilboðsverð
369.750 kr.
25%
afsláttur
NAUST - 14,44 fm
Tilboðsverð
449.400 kr.
30%
afsláttur
VANTAR
ÞIG PLÁSS?
Afar einfalt er að reisa
húsin okkar. Uppsetning
tekur aðeins einn dag
TILBOÐ Á GARÐHÚSUM!
Nám í garðyrkju sem fram hefur farið á Reykjum í Ölfusi:
Núverandi nemendur munu klára námið
við Landbúnaðarháskólann á Hvanneyri
Samningar vegna yfirfærslu náms
í garðyrkju frá Landbúnaðar-
háskóla Íslands til Fjölbrautaskóla
Suðurlands standa yfir en miðar
hægt.
Nemendur sem stunda nám við
Garðyrkjuskólann í dag munu klára
sitt nám við Landbúnaðarháskólann.
Fyrr á þessu ári ákvað Lilja
Alfreðsdóttir, mennta- og menn-
ingarmálaráðherra að hefja
skuli undirbúning að tilfærslu
starfsmenntanáms í garðyrkju og
skyldum greinum við Landbúnaðar-
háskóla á Reykjum í Ölfusi undir
yfirstjórn og ábyrgð Fjölbrautaskóla
Suðurlands. Nemendur sem
stunda nám við Garðyrkjuskólann
í dag munu klára sitt nám við
Landbúnaðarháskólann.
Í bréfi sem ráðherra sendi
rektor Landbúnaðarháskóla
Íslands þann 23. desember
síðastliðinn segir að til að vinna
að þessum áformum sé stefnt að
því að gera sérstakan þríhliða
samning um yfirfærslu námsins
á milli LbhÍ, FSU og mennta- og
menningarmálaráðuneytis.
Málið í ferli en hefur
dregist of lengi
Olga Lísa Garðarsdóttir, skóla-
meistari Fjölbrautaskóla Suður-
lands, sagði í samtali við Bænda-
blaðið að sem stæði væri verið að
vinna að samningi um yfirfærsluna
og að málið sé í ferli en hafi dregist
óþarflega lengi að ganga frá þeim
samningi.
„Ég geri fastlega ráð fyrir að
FSU taki við skólanum á þarnæsta
ári eða þegar nemendur verða teknir
inn í skóla næst. Nemendur sem
stunda nám við Garðyrkjuskólann
í dag munu því klára sitt nám við
Landbúnaðarháskólann eins og þeir
hafa rétt á.
Við göngum því út frá því að
kennsla verði ekki á okkar ábyrgð
fyrr en eftir ár.“
Nemendur í 4 ára fjarnámi
„Hvað nemendur varða sem eru í
fjarnámi og taka skólann á fjórum
árum get ég því miður ekki svarað
því öðruvísi en að það verða
allir hvattir til að reyna að ljúka
sem mestu af fjarnáminu á næsta
skólaári.
Við eigum alveg eftir að stilla
náminu upp og við munum finna
lausn á því eins og öðru sem við
tökum að okkur.“
Garðyrkjunámið
áfram að Reykjum
Olga segir að FSU hafi sett það
sem skilyrði vegna yfirtökunnar að
Ríkiseignir ábyrgist húsnæði sem
verður notað í tengslum við námið.
„Við höfum líka sagt skýrt að við
viljum ekki taka ábyrgð á lélegu eða
ónýtu húsnæði á Reykjum.
Garðyrkjunámið kemur til með
að vera áfram að Reykjum en
hins vegar er vel hugsanlegt að
einhverjir áfangar í bóknámi verði
samkeyrðir með öðrum braut við
FSU.“
Byggt á fyrri námskrá
„Nám í garðyrkju er sértækt fagnám
og ég tel líklegt að það verði
byggt áfram á núverandi námskrá.
Hugsanlega getur uppsetningin
breyst og það þarf líklega aðlaga
námið að fyrirkomulaginu á
framhaldsskólastigi en ég á ekki
von á neinni kúvendingu. Gangi
samningarnir eftir munum við svo
vinna að yfirfærslunni og aðlögun-
inni næsta vetur,“ segir Olga
Lísa Garðarsdóttir, skólameistari
Fjölbrautaskólans á Suðurlandi.
/VH
Olga Lísa Garðarsdóttir, skólameist-
ari Fjölbrautaskólans á Suðurlandi.
Háskólinn á Bifröst:
Nemendur hafa nú aðgang að
„gervigreindum” einkakennara
Háskólinn á Bifröst hefur samið
við íslenska sprotafyrirtækið
Atlas Primer ehf. um að bjóða
nemendum aðgang að „gervi-
greindum“ einkakennara sem
skilur talað mál og getur rætt við
nemendur um námsefnið.
Þó það kunni að hljóma
ótrúlega þá getur Atlas Primer
flutt fyrirlestra, svarað spurningum
frá nemendum og prófað þá í
kennsluefninu. Hann skilur líka
talað mál og fylgir nemendum hvert
sem þeir fara og getur breytt hvaða
texta sem er í tal og aukið aðgengi
að námsefni fyrir nemendur með
lesblindu. Þá geta nemendur rætt
við Atlas Primer um námsefnið,
bæði á íslensku og ensku.
„Með þessu er stigið stórt skref
í nútímavæðingu menntakerfis-
ins sem gefur nemendum meira
frelsi og endurspeglar markmið
Háskólans á Bifröst að vera í
fararbroddi í fjarnámi. Kennarar
og nemendur hafa brugðist vel við
þessari nýju lausn og telja að hér
sé um að ræða spennandi nýjung
í námi sem leyfir nemendum að
læra hvar sem er, án þess að sitja
fyrir framan skjáinn öllum stund-
um. Prófanir á lausninni eru nú
þegar hafnar og verður hún gerð
aðgengileg nemendum í völdum
áföngum í haust,“ segir Halldóra
Lóa Þorvaldsdóttir, kennslustjóri á
Bifröst. /MHH
Frá undirritun samningsins, Halldóra Lóa Þorvaldsdóttir, kennslustjóri á Bifröst, og Hinrik Jósafat Atlason, stofnandi
Atlas Primer. Hjá Atlas Primer starfa níu manns, þar af fjórir á Íslandi. Mynd / Aðsend
Góð aðsókn að Landbúnaðar-
háskóla Íslands í haust
Tölur um aðsókn í nám hjá
Landbúnaðarháskóla Íslands
í haust lofa góðu samkvæmt
upplýsingum frá Rósu Björk
Jónsdóttur, markaðs- og kynn-
ingarstjóra. Skólinn útskrifaði
39 nemendur fyrr í mánuðinum,
eins og sjá má í umfjöllun á bls.
10 í blaðinu í dag.
Alls hafa um 140 sótt um í
háskólanámið og 65 í búfræðina,
en ekki eru teknir inn nemendur í
garðyrkju í ár.
Flestir eru að sækja um í
búfræðina, 44 í staðarnám og 21
í fjarnám að þessu sinni. Í BS í
búvísindum eru 38 umsækjendur
og 6 í BS í hestafræðina. 25 sóttu
um í BS í landslagsarkitektúr.
Þá hafa 3 sótt um í BS í nátt-
úru- og umhverfisfræði og 8 í BS í
skógfræði. Í meistara- og doktorsnám
eru alls 21 auk 18 í alþjóðlega meist-
aranámið í umhverfisbreytingum á
norðurslóðum.
„Í haust munu einnig yfir 10
skiptinemar koma í nám til okkar svo
það verður afar gaman að taka við
nýjum hópi í haust,“ segir Rósa Björk.
/HKr.
Hvanneyri. Mynd / HKr.
Andleg vanlíðan og streita er
algeng meðal dýralækna hér á
landi samkvæmt nýrri könnun
sem Dýralæknafélag Íslands gerði
meðal félagsmanna sinna.
Stóraukið gæludýrahald á
landsvísu, óvægin umræða á sam-
félagsmiðlum, óraunhæfar kröfur
viðskiptavina, einmanaleiki, sam-
úðarþreyta og mannekla eru meðal
helstu orsakavalda. Könnunin var
gerð í samstarfi við fyrirtækið
Outcome dagana 7. til 14. júní og
var svarhlutfall 60%.
Álag hefur aukist til muna
Helmingur svarenda taldi álag í
starfi vera við þolmörk (8–10) en
minnihluti taldi álagið lítið eða
í meðallagi (29%). Álag í starfi
virðist hafa aukist síðustu misseri
en 68% sögðu álagið hafa aukist,
þar af 59% mikið eða mjög mikið.
Einn af hverjum fimm (21%)
sögðust hafa skipt um starf vegna
álags á lífsleiðinni. Allnokkrir hættu
störfum alfarið.
Helstu ástæður aukins álags eru
sagðar vera aukin gæludýraeign
landsmanna og auknar og óraunhæfar
væntingar og kröfur viðskiptavina.
Framfarir í faginu hafa jafnframt
aukið þjónustuframboð dýralækna
til muna og krafan um aukna
tæknivæðingu og endurmenntun
verður sífellt háværari. Nokkur
mannekla virðist vera í faginu og
þá sérstaklega á landsbyggðinni,
en hafa ber í huga að nýlega var
umdæmum héraðsdýralækna
Matvælastofnunar fækkað úr fimm
í fjögur.
Sóttvarnastofnun Bandaríkjanna
hefur rannsakað starfsumhverfi og
heilsutengda þætti meðal dýralækna
um árabil. Benda niðurstöðurnar til
þess að bandarískir dýralæknar séu
mun líklegri til að upplifa andlegan
heilsubrest en aðrar stéttir. Einn af
hverjum sex sögðust hafa íhugað
sjálfsvíg einhvern tímann um ævina.
Niðurstöður breskra og norskra
kannana benda til hins sama en
samkvæmt breskri rannsókn eru
dýralæknar þrisvar til fjórum
sinnum líklegri til að falla fyrir
eigin hendi en meðalmanneskjan
og norskir dýralæknar um tvöfalt
líklegri.
Ekki liggur fyrir hvort staðan
á Íslandi sé jafn slæm og í öðrum
löndum en í könnun Dýralækna-
félagsins sögðust 75% svarenda
finna fyrir streitueinkennum vegna
mikils álags í starfi, þar af 45%
bæði fyrir líkamlegum og andlegum
einkennum. Eftirlitsdýralæknar
hafa orðið fyrir því að vegið sé að
sálrænu og líkamlegu öryggi þeirra
í eftirlitsferðum í sveitum landsins
þegar kannað er hvort settum lögum
og reglum, til dæmis um dýravelferð
og aðra þætti, sé framfylgt. /VH
Líðan dýralækna