Fréttablaðið - 04.09.2021, Blaðsíða 2

Draumarnir tilbáðu þau
Aðalleikararnir Ebba Katrín og Sigurbjartur Sturla gera sig klár fyrir rennsli á leikritinu Rómeó og Júlía sem frumsýnt verður í ÞJóðleikhúsinu í dag.
FRÉTTABLAÐIÐ/ERNIR
Mikið álag er á símaveri
Covid-göngudeildarinnar. Þar
hringir starfsfólk í alla sem
eru í einangrun með Covid.
Reynir Tómas Geirsson
læknir er á eftirlaunum en
hringir tugi símtala á dag.
birnadrofn@frettabladid.is
COVID-19 Rétt rúmlega tíu þúsund
manns hafa lokið einangrun vegna
Covid-19 hér á landi frá því að fyrsta
smit greindist á Íslandi þann 28.
febrúar 2020. Allir þeir sem greinast
með sjúkdóminn eru undir eftirliti
Covid-göngudeildar Landspítala
meðan á einangrun stendur.
Starfsfólk símavers deildarinnar
hringir í sjúklinga og fylgist með
líðan þeirra. Við lok einangrunar
fá sjúklingar útskriftarsímtal og
eru þar með lausir úr einangrun.
Nú er miðað við að einstaklingar
með Covid-19 losni úr einangrun
tíu dögum eftir að sjúkdómurinn
greinist séu þeir einkennalausir sjö
dögum eftir greiningu.
Mikið álag hefur verið á síma-
veri Covid-göngudeildarinnar en
þar starfa meðal annars læknar og
hjúkrunarfræðingar sem komnir
eru á eftirlaun.
Reynir Tómas Geirsson, prófessor
við Háskóla Íslands og fyrrverandi
yfirmaður Kvennadeildar Landspít-
alans, er einn þeirra. Hann skráði
sig í bakvarðasveit heilbrigðisþjón-
ustunnar í upphafi faraldursins og
hefur frá síðastliðnu hausti hringt
allt upp í tugi símtala daglega í fólk
sem smitað er af Covid .
Samkvæmt heimildum Frétta-
blaðsins er Reynir afar vel liðinn
í símaverinu og gefur sig einstak-
lega vel að sjúklingum sem hann
ræðir við. „Samkennd er mikilvæg í
læknisfræði og það að geta sett sig í
spor annarra. Það eru komin um 50
ár frá því ég byrjaði að læra læknis-
fræði og starfa við hana svo maður
hefur ákveðna reynslu,“ segir Reynir
sem fagnaði 75 ára afmæli sínu í vor.
Reynir segir álagið í símaverinu
alltaf mikið en að það fylgi þó bylgj-
um faraldursins og hafi verið sérlega
mikið í sumar. Símtölin sem hringja
þurfi á hverjum degi geti hlaupið á
hundruðum og það þarf marga til að
sinna þannig verki.
„Fólk hefur hinar ýmsu spurn-
ingar um sjúkdóminn og líka
spurningar sem eru ekki endilega
tengdar honum beint. Stundum
þarf maður að tala svolítinn kjark í
fólk og spjalla um eitthvað annað,“
segir hann.
„Svo geta komið upp sögur sem
létta lundina,“ segir Reynir og tekur
dæmi um ung hjón sem greindust
með sjúkdóminn og misstu bæði
lyktarskyn, en það getur verið ein-
kenni Covid-19. „Þau voru með
um það bil eins árs gamalt barn og
fundu enga lykt af kúkableyjunum
svo þau þurftu alltaf að vera að
kíkja,“ segir hann.
Þá segir Reynir einnig koma
sér vel að tala f leiri en eitt tungu-
mál, hér séu til dæmis ferðamenn
sem festist á landinu í einangrun
greinist þeir með Covid. Hann taki
til mynda símtöl á ensku, þýsku,
sænsku og dönsku.
„Það getur til dæmis komið upp
að ferðamenn þurfi lyf sem ekki
eru til á Íslandi og þá þurfum við að
hjálpa þeim með það hvaða lyf eru
sambærileg og hvernig megi nálgast
þau,“ segir Reynir.
Samkvæmt upplýsingum frá
Landspítala hefur gengið misvel að
fá fólk til starfa í símaverinu, verr í
þessari bylgju , meðal annars vegna
sumarfría og þar sem álag af ann-
arri starfsemi er meira en áður. n
Hringir í Covid-smitaða þótt
hann sé kominn á eftirlaun
Mikið álag hefur verið í símaveri Covid-göngudeildarinnar þar sem fylgst er
með ástandi þeirra sem smitaðir eru. MYND/AÐSEND
Reynir Tómas
Geirsson pró-
fessor.
birnadrofn@frettabladid.is
COVID-19 Einstaklingum sem fengu
bóluefni Janssen og hafa smitast af
Covid-19 er ráðlagt að bíða í þrjá
mánuði frá sýkingu með að fara í
örvunarskammt. Þetta segir Ragn-
heiður Erlendsdóttir, framkvæmda-
stjóri hjúkrunar hjá Heilsugæslu
höfuðborgarsvæðisins.
„Það hefur eiginlega ekkert upp
á sig að vera að bæta á mótefnið
svona stuttu eftir sýkingu,“ segir
Ragnheiður. „Frekar munum við
gefa þessum einstaklingum örv-
unarskammt þegar mótefnið fer að
dala,“ bætir hún við.
Alls eru 53.745 einstaklingar full-
bólusettir með bóluefni frá Janssen
hér á landi, samkvæmt upplýs-
ingum á covid.is. Öllum þeim sem
fengu Janssen hefur verið eða verð-
ur boðinn örvunarskammtur með
bóluefni frá Pfizer eða Moderna. n
Mæla ekki með
örvunarskammti
strax eftir sýkingu
53.745 eru fullbólusett með Janssen.
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
• Austurströnd 14
• Hringbraut 35
PREN
TU
N
.IS
NÝBAKAÐ
BRAUÐ
ALLA DAGA
.......................................
www.bjornsbakari.is
Við Frakkastíg 1. FRÉTTABLAÐIÐ/GAR
gar@frettabladid.is
SKIPULAGSMÁL Ákvörðun um að
breyta deiliskipulagi svo byggja
megi sjö hæða hús á horni Skúla-
götu og Frakkastígs verður ekki felld
úr gildi, eins og Húsfélagið Skúla-
götu 20 krafðist.
Í úrskurði úrskurðarnefndar
umhverfis- og auðlindamála segir
að kærandinn telji breytinguna
„ganga freklega á hagsmuni hans
og hafa stórfelld áhrif á búsetuskil-
yrði á svæðinu með skuggavarpi
og skerðingu útsýnis“. Lífsskilyrði
íbúa að Skúlagötu 20 muni skerðast
vegna „yfirþyrmandi ásýndar fyrir-
hugaðrar byggingar“.
Úrskurðarnefndin segir að með
breytingunni muni útsýni að Esj-
unni minnka lítillega, ekki hverfa.
Gildi um útsýni eins og skuggavarp
að skipulagsyfirvöld hafi svigrúm
við mat á því hvað sé ásættanlegt
hverju sinni. Málsmeðferð Reykja-
víkurborgar hafi verið í samræmi
við lög. n
Húsfélag losnar ekki
við hús á Frakkastíg
2 Fréttir 4. september 2021 LAUGARDAGURFRÉTTABLAÐIÐ