Fréttablaðið - 04.09.2021, Blaðsíða 73

Bílaheimurinn er að komast í
gang aftur eftir hremmingar
síðustu 18 mánaða og Kia
blés til viðburðar í Frankfurt
fyrir nokkrum dögum, þar
sem ný kynslóð Kia Sportage
var frumsýnd og boðið var til
reynsluaksturs á Kia EV6.
njall@frettabladid.is
Kia Sportage kemur til landsins
í desember og þá fyrst í dísil- og
tvinnútgáfum. Að sögn Felix
Hjálmarssonar hjá Öskju er tengil-
tvinnútgáfan væntanleg til lands-
ins strax í mars á næsta ári. Óhætt
er að segja að Kia Sportage sé stærri
bíll en áður eins og háttur er með
nýjar kynslóðir. Gott dæmi um það
er stórt farangursrými sem rúmar
581 lítra, sem er bæting um meira
en 80 lítra frá fyrri kynslóð. Bíllinn
er byggður á sama undirvagni og
nýr Sorento og nýtur því góðs af því
þegar kemur að vali á vélbúnaði.
Verður nýr Sportage fáanlegur
með bæði dísil- og bensínvélum í
tveimur aflútfærslum hvor, ásamt
tvinnútgáfum, bæði mildri 48V-
útgáfu og alvöru tvinnútgáfu sem
skilar 230 hestöflum. Tengiltvinn-
bíllinn verður svo 265 hestöfl svo
honum verður ekki afls vant.
Auk þess að fá vélbúnað úr
Sorento fær hann allan sama tækni-
búnað líka, og gildir þá einu hvort
um sé að ræða aksturs- eða öryggis-
búnað eða upplýsingakerfi. Í dýrari
útfærslum kemur hann með tveim-
ur 12,3 tommu upplýsingaskjáum
sem er dregnir í boga fyrir framan
ökumanninn. Auk þess er kominn
lítill stjórnskjár í miðjustokki sem
auðveldar stýringu á miðstöð eða
öðru slíku. Einnig fá dýrari GT-
útfærslur Matrix-aðalljós ásamt
díóðuljósum að framan og aftan. ■
Fimmta kynslóð Sportage
frumsýnd í Frankfurt
Kia Sportage kemur nú í fyrsta skipti í tveimur útgáfum, með styttra eða lengra hjólhafi, en Evrópugerðin er af
styttri gerðinni. MYNDIR/BERNHARD KRISTINN
Nýr Sportage er stærri á alla kanta og sem dæmi stækkar skottið um 81 lítra.
Tengiltvinnútgáfan
verður 265 hestöfl en
hún er væntanleg í
mars á næsta ári.
Genf-sýningin er ein sú mikilvægasta að mati framleiðenda til kynningar á
nýjum módelum og þar er tilkynnt um val á Bíl ársins í Evrópu ár hvert.
njall@frettabladid.is
Genf-bílasýningin mun snúa aftur
í lok febrúar á næsta ári í Sviss, en
um haustið 2022 eða árið þar á eftir
munu skipuleggjendur sýningar-
innar einnig halda sýninguna í
höfuðborg Katar, Doha. Mun sú
síðar nefnda verða kynnt betur á
sýningunni í Genf á næsta ári og
má búast við stórum viðburði á
heimsmælikvarða. Með tilkomu
sýningarinnar í Katar eru bílasýn-
ingar komnar aftur á dagskrá víða
eftir heimsfaraldurinn, en stutt er
síðan sýning var haldin í Sjanghaí
og Bílasýningin í München verður
opnuð í byrjun september. ■
Genf-bílasýningin snýr aftur í Katar
Lotus hefur kynnt hvað er
á döfinni á næstu árum frá
merkinu. Þó að það eigi rætur
sínar í sportbílum er fjöl-
skylduvænni bíla að vænta
sem framleiddir verða í Kína.
Sportbílahlutinn verður þó
áfram í Bretlandi.
njall@frettabladid.is
Meðal þeirra upplýsinga sem Lotus
lét frá sér er mynd af næstu bílum
merkisins. Þar sést framan á tvo bíla
sem væntanlegir eru á næstu tveimur
árum. Sá sem er fremst er stór jepp-
lingur sem kallast eins og er Type
132 og kemur strax á næsta ári. Mun
hann keppa við bíla eins og Tesla
Model X, á meðan sá næsti í röðinni
og einfaldlega er kallaður Type 133,
mun keppa við Tesla Model S. Sá
bíll er áætlaður á markað árið 2023.
Þriðji í röðinni verður svo jepplingur
í D-stærðarflokki og kannski kemur
ekki á óvart að hann kallast Type
134. Beinn keppinautur við þann bíl
er til dæmis BMW iX3.
Árið 2026 er svo komið að nýjum
rafdrifnum sportbíl frá Lotus-merk-
inu, en hann mun þó ekki leysa
bensínbílinn af hólmi, allavega
ekki alveg strax. Raf bílar Lotus í
f lokki fólksbíla og jepplinga verða
allir byggðir á nýjum undirvagni frá
Geely sem kallast Premium Archi-
tecture og verður með hjólhaf frá
2.998-3.100 mm og raf hlöður frá
90-120 kWst. Rafkerfið verður 800
volt svo að hægt verður að hlaða
með allt að 350 kW hleðslustöð
fyrir mjög f ljótvirka hleðslu. Að
sögn Lotus verða öflugustu bílarnir
með mótorum sem koma bílunum
í hundraðið á undir þremur sek-
úndum. ■
Rafvætt Lotus-merki gírar sig upp
Fyrstu tveir fólksbílar Lotus verða stór jepplingur á næsta ári og fjögurra
dyra fólksbíll árið 2023 sem ætlað er að keppa við Tesla Model S.
stod2.is
Tryggðu þér áskrift
Í KVÖLD
LAUGARDAGUR 4. september 2021 Bílar 33FRÉTTABLAÐIÐ