Fréttablaðið - 04.09.2021, Side 6

Ég hefði viljað sjá
manneskjulegri nálg-
un.
Benedikta Birgisdóttir, móðir 16
ára drengs með þroskahömlun.
bth@frettabladid.is
SKÓLAMÁL Benedikta Birgisdóttir,
móðir 16 ára drengs með þroska-
hömlun, er ósátt við að valferli sem
skólakerfið bauð þeim upp á hafi
verið til einskis.
Drengurinn þeirra fékk ekki inni
í þeim tveimur skólum sem for-
eldrarnir völdu, án þess að nokkrar
skýringar fylgdu.
Í febrúar síðastliðnum fékk Bene-
dikta bréf þar sem foreldrunum var
boðið að velja tvo framhaldsskóla.
Hún hakaði við fyrsta val og annað
val.
„Ég er ósátt vegna þess að við
sóttum um starfsbrautir og vorum
hvött til að skoða skóla,“ segir Bene-
dikta. „Við völdum að athugun lok-
inni tvo skóla sem við töldum henta
okkar barni. Svo heyrum við ekkert
frá kerfinu fyrr en í byrjun júní. Þá
er okkur tilkynnt að drengurinn
okkar hafi fengið inni í þriðja skól-
anum, hvorugum þeirra sem við
sóttum um.“
Benedikta bendir á að um við-
kvæman hóp nemenda sé að ræða.
Enginn hafi haft samband við for-
eldrana síðan, enginn hafi nefnt að
hann hafi ekki komist inn í þá tvo
skóla sem foreldrarnir völdu, eða
hvað væri hægt að gera.
„Það sló mig að ekkert samráð
var haft. Ég hefði viljað sjá mann-
eskjulegri nálgun, þar sem við
værum tekin inn í samtal um þessar
ákvarðanir. Ég vil þó taka fram að
ég er alls ekki að segja að einn skóli
sé verri en annar. En af hverju er
verið að láta okkur „velja“ fyrst það
var ekkert gert með val okkar? Af
hverju eru þá börnin ekki bara sett
í tiltekinn skóla án þessa valferlis?
Það væri þá bara best að sleppa því,“
segir Benedikta, sem kveðst þó ekki
vera ósátt við skóla drengsins. n
Val á skóla fyrir þroskahamlaðan dreng hunsað
Hægt er að byggja ódýrara
með því að hafa bílageymslu
fyrir íbúa í Nýja-Skerjafirði, í
stað bílakjallara. Nýja hverfið
í Skerjafirði er hugsað með
nýrri nálgun.
benediktboas@frettabladid.is
SKIPULAG „Þetta er mjög áhuga-
vert hverfi og að mörgu leyti verður
þetta tímamótahverfi,“ segir Páll
Gunnlaugsson, arkitekt hjá Ask
arkitektum, um hið nýja hverfi í
Skerjafirði.
Ask arkitektar urðu hlutskarpast-
ir í lokaðri hugmyndaleit um fram-
tíðaruppbyggingu í Skerjafirði og
þekkir Páll komandi hverfi nánast
jafn vel og handarbakið á sér.
Fyrsti áfanginn er farinn á fullt
og er gert ráð fyrir um 700 íbúðum.
Ekki er gert ráð fyrir að íbúar ferðist
endilega um á einkabíl, heldur er ný
nálgun í hugsun á bak við hverfið.
„Það sem er meðal annars sér-
stakt við hverfið er að það eru engar
bílageymslur undir húsunum. Það
er gert ráð fyrir bílageymsluhúsi
fyrir alla byggðina í fyrsta áfanga.
Það þýðir að enginn er með merkt
bílastæði fyrir sig, sem þýðir að
það er hægt að byggja miklu, miklu
ódýrara þegar þarf ekki að byggja
þessa stóru og miklu bílakjallara,“
segir Páll og bendir á að ef íbúar
vilji, geti þeir leigt sér stæði í bíla-
geymsluhúsinu. Þar sé einnig gert
ráð fyrir verslun.
Hann bendir á að staðsetning
hverfisins sé þannig að allar for-
sendur séu fyrir lítilli notkun á
einkabílum.
Páll segir að hönnun á götum
og gatnarými sé gerð með nýrri
hugsun. Eitthvað sem hefur ekki
áður verið gert í Reykjavík. „Þetta
er kannski ný nálgun, frekar en ný
hugsun. Við þekkjum það öll sem
höfum farið utan og jafnvel búið
erlendis, að þegar við komum heim
þá spyrjum við: Af hverju getum við
ekki byggt eða gert svona eins og
Svíar, Danir og Norðmenn? Okkur
hefur aldrei tekist það.
Við erum með svo miklar kröfur
um einkabílinn, sem eru miklu
meiri kröfur en annars staðar. Ef
einhvers staðar er hægt að byrja að
þreifa á þessu er það á svona svæði
sem er svona miðsvæðis.
Þarna erum við að búa til
umhverfi, en ekki bara blokk með
bílastæðum. Umhverfið er í fyrsta
sæti og þannig séð er þetta mjög
spennandi,“ segir Páll.
Þá bendir hann á að f lugvallar-
vinir geti andað rólega og ekki er
verið að fara í fyrsta fasa hverfisins
í neina uppfyllingu við Skerjafjörð
eins og til stóð, en töluvert var deilt
um það ferli.
„Hverfið truflar ekki umferðina
á flugvellinum. Menn geta rifist um
hann áfram. Nú er að fara í gang
gatnahönnun og losun á meng-
uðum jarðvegi og alls konar undir-
búningsvinna sem þarf að eiga sér
stað, en hún er komin á fullt,“ segir
Páll og ljóst að hann er spenntur
fyrir þessu fyrsta framtíðarhverfi
borgarinnar. n
Ný nálgun í nýju hverfi í Skerjafirði
Nýja hverfið í Skerjafirði er hugsað með nýrri nálgun. MYNDIR/ASK ARKITEKTAR
Þarna erum við að búa
til umhverfi, en ekki
bara blokk með bíla-
stæðum. Umhverfið er
í fyrsta sæti og þannig
séð er þetta mjög
spennandi.
Páll Gunnlaugs-
son, arkitekt hjá
Ask arkitektum.
bth@frettabladid.is
SLYS Þrír einstaklingar hafa hrapað
til bana í fjöllum á Austurlandi síð-
ustu tvo mánuði. Rannsókn slyss
sem varð í hlíðum Strandartinds á
Seyðisfirði stendur yfir, en erlendur
ferðamaður fannst á fimmtudags-
kvöld látinn í hlíðum Strandartinds.
Fyrr í sumar urðu tvö dauðaslys
í fjallamennsku á Austurlandi, við
Súlur í Stöðvarfirði og í Fljótshlíð.
Þá varð banaslys við klifur í Hval-
firði og f leiri alvarleg slys mætti
nefna á fjöllum í sumar. Um ræðir
bæði innlent og erlent fjallafólk.
Kristján Ólafur Guðnason, yfir-
lögregluþjónn á Austurlandi, telur
engin fordæmi fyrir annarri eins
fjallaslysahrinu í fjórðungnum.
Hann segir að lögregla hafi ekki
aðrar skýringar en óhappatilvilj-
anir.
Skúli Júlíusson fjallaleiðsögu-
maður hefur skrifað bækur um það
sem beri að varast í fjallamennsku.
Hann vill leggja áherslu á að áhuga-
fólk um útivist leggi ekki til atlögu
við of erfið verkefni, heldur byggi
upp reynslu sína hægt og sígandi til
að mæta auknum áskorunum.
„Ég hef hugsað mikið um þessi
mál. Þetta er mjög sorglegt. En
það hefur orðið sprenging í fjalla-
mennsku sem og allri útivist og
kannski liggja orsakirnar þar,“ segir
Skúli. n
Tilviljun ráði hrinu dauðaslysa á fjöllum í sumar
Þriðja banaslysið við fjallaklifur í sumar á Austurlandi varð í hlíðum Strandar-
tinds við Seyðisfjörð vikunni. MYND/GOOGLE EARTH
Ég hef hugsað mikið
um þessi mál. Þetta er
mjög sorglegt.
Skúli Júlíusson
fjallaleiðsögumaður.
Rauði krossinn á nú 68,75 prósenta
hlut í Íslandsspilum og Landsbjörg
31,25 prósent. FRÉTTABLAÐIÐ/VALLI
birnadrofn@frettabladid.is
SAMFÉLAG 9,5 prósenta eignar-
hlutur í Íslandsspilum, sem áður
var í eigu SÁÁ, skiptist jafnt á milli
Rauða krossins og Slysavarnafélags-
ins Landsbjargar, þegar SÁÁ hætti
þátttöku í rekstri spilakassa í eigu
Íslandsspila.
Spilakassar hér á landi eru reknir
af annars vegar Happdrætti Háskóla
Íslands og hins vegar Íslandsspilum,
sem áður voru í eigu Rauða krossins,
Landsbjargar og SÁÁ. Hið síðast-
nefnda sagði sig frá rekstrinum í lok
síðasta árs og gekk útgangan í gegn í
apríl á þessu ári.
Eftir að SÁÁ hætti rekstri spila-
kassanna á Landsbjörg 31,25 pró-
senta eignarhlut í Íslandsspilum
og Rauði krossinn 68,75 prósent.
Heildar happdrættistekjur Íslands-
spila árið 2019 voru 1.240 milljónir. n
Skipta hlut SÁÁ
jafnt á milli sín
benediktboas@frettabladid.is
SAMFÉLAG Á miðstjórnarfundi ASÍ
síðastliðinn miðvikudag kynnti
Varða – rannsóknastofnun vinnu-
markaðarins, nýja könnun um
mál sem koma inn á borð stéttar-
félaga og varða kynferðislega og
kynbundna áreitni og of beldi og
einelti.
Í pistli Drífu Snædal forseta ASÍ
segir að kynferðislegt of beldi og
áreitni sé staðreynd og liti stöðu
kynjanna í samfélagi okkar. „Ljóst
er að aðildarfélög ASÍ og trúnaðar-
menn á vinnustöðum þurfa aukinn
stuðning og fræðslu til að aðstoða
þolendur og jafnvel gerendur, þegar
upp koma mál á vinnustöðum eða í
tengslum við þá,“ segir í pistlinum.
Þar segir Drífa einnig að ASÍ muni
á næstunni auka fræðslu og þekk-
ingu og nesta aðildarfélögin enn
frekar en nú sé gert.
„Verkalýðshreyfingin þarf og
ætlar sér að vera hluti af þeirri
menningarbreytingu sem nauð-
synleg er, bæði til að sinna sínu hlut-
verki gagnvart félagsmönnum og
axla ábyrgð á öryggi fólks í víðtæku
félagsstarfi innan hreyfingarinnar,“
segir Drífa í pistli sínum. n
Þolendur ofbeldis
fá aðstoð frá ASÍ
Drífa Snædal,
forseti ASÍ .
Í Seyðisfirði
Strandartindur
Seyðisfjörður
Heildar happdrættis-
tekjur Íslandsspila árið
2019 voru 1.240 millj-
ónir.
6 Fréttir 4. september 2021 LAUGARDAGURFRÉTTABLAÐIÐ