Fréttablaðið - 07.07.2021, Blaðsíða 10

Til að birta andláts-, útfarar- eða
þakkartilkynningar í Fréttablaðinu þarf að
senda tölvupóst á timamot@frettabladid.is
eða hringja í síma 550 5055 .
Ástkær eiginmaður minn, faðir,
afi, langafi og tengdafaðir,
Steindór Ingimar
Steindórsson
lést í faðmi fjölskyldunnar á
Landspítalanum þann 2. júlí. Útförin fer
fram í Grafarvogskirkju þann 12. júlí kl.
15.
Sólveig Sigrún Sigurjónsdóttir
og fjölskylda.
Elskulegur eiginmaður minn,
faðir, tengdafaðir, afi og langafi,
Jóhann Guðmundsson
fv. flugvélstjóri,
lést á líknardeild Landspítala
sunnudaginn 4. júlí
Laufey Hrefna Einarsdóttir
Ingvar Ágúst Jóhannsson Catherine Beyer Jóhannsson
Einar Marinó Jóhannsson Sigríður Jakobsdóttir
Þorkell Jóhannsson Anna Sólveig Árnadóttir
barnabörn og barnabarnabarn.
Ástkær eiginmaður minn, faðir,
tengdafaðir, afi og langafi,
Baldur Sigurðsson
Sólvangsvegi 1, Hafnarfirði,
lést á krabbameinsdeild Landspítalans
við Hringbraut 2 júlí sl.
Sigríður Ingvarsdóttir og fjölskylda
Elsku mamma okkar, tengdamamma,
amma, systir, mágkona og frænka,
Sigríður H. Stefánsdóttir
hjúkrunarfræðingur,
Orkanvinden 7a,
Kristinehamn, Svíþjóð.
lést á sjúkrahúsi í Karlstad, Svíþjóð
aðfaranótt 2. júlí sl.
Útför fer fram í Kristinehamn.
Gerður Olofsson Daði Valdimarsson
Lotta Fagrell Johan Fagrell
Susanna Petterson Mattias Petterson
og barnabörn.
Bára Stefánsdóttir
Ingibjörg Stefánsdóttir Smári Sigurðsson
Hrafnhildur Stefánsdóttir Kári Í. Guðmann
Halldóra Stefánsdóttir Grímur Laxdal
Sigríður Jónsdóttir
og systkinabörn hinnar látnu.
Ásdís Jóelsdóttir gaf nýlega út
bókina Sjálfbærni í textíl. Bókin
er miðuð að þeim sem vilja
endurskoða neysluhegðun sína
og efla sjálfbæran lífsstíl.
anrartomas@frettabladid.is
„Ég er að reyna að opna augu fólks fyrir
því að það sé ekki nóg að tala um hlut­
ina, maður þarf líka að hugsa af hverju
þeir urðu eins og þeir eru,“ segir Ásdís
Jóelsdóttir, rithöfundur og lektor í textíl
við Háskóla Íslands. Ásdís gaf nýlega út
bókina Sjálf bærni í textíl, sem hugsuð
er fyrir alla þá sem vilja endurskoða
neysluhegðun sína og ef la sjálf bæran
lífsstíl með aðferðum textílgreinar­
innar.
Bókin er yfirgripsmikil og fer meðal
annars inn á sagnfræði, siðfræði og
fagurfræði textílheimsins. Bókinni er
skipt í þrjá hluta, neyslu, nýtingu og
nýsköpun, sem tala sterkt inn í tíðar­
anda fatamenningar í heiminum í dag.
Fyrsti hlutinn, neysla, segir Ásdís að snúi
að endurhugsun.
„Það er ekki hægt að takast á við
þá textílsóun sem á sér stað í heim­
inum nema maður þekki til sögunnar,
umhverfisþátta og markaðsaf la tísk­
unnar sem liggja þar að baki,“ segir
hún. „ Í dag erum við að upplifa afleið­
ingar þess hvernig okkur var stýrt inn í
offramleiðslu og ofneyslu. Það er mikil­
vægt að skapa ákveðna grunnþekkingu
áður en tekist er á við næstu skref í sjálf­
bærninni.“
Ábyrgð og réttindi
Ásdís segir að þótt við eigum ákveðin
réttindi sem neytendur þá fylgi því
líka viss ábyrgð. „Siðferðisvitund neyt­
andans í dag er orðin mun meiri en hún
var og fólk er farið að gera mun meiri
kröfur,“ segir hún. „Þessi bók er hugsuð
til þess að vekja athygli á þessum málum
og hvað sé hægt að gera.“
Í bókinni fer Ásdís einnig í saumana
á þáttum á borð við hraðtísku og hæg­
tísku, siðræna framleiðslu og vottuð
umhverfismerki. Þá fer hún einnig í per­
sónulegan stíl og fyrirhyggju, hvað þurfi
að hafa í huga þegar föt eru keypt.
„Það er mikilvægt að fólk átti sig á því
hvað það sé sem það þarf í raun og veru,“
segir hún. „Við kaupum fullt af fötum
en endum svo oft á að nota bara brot af
þeim.“
Í síðari hluta bókarinnar fer Ásdís inn
á praktískari mál á borð við fatastærðir,
umhirðu á textílafurðum og f lokkun.
„Þarna er ég að reyna að búa til ákveðinn
þekkingargrunn áður en næsta skref er
tekið, það er að búa eitthvað til.“
Í bókinni kallast ólíkar textílaðgerðir
á við mismunandi heimaunnin verkefni
sem má leysa með einföldum aðgerðum
sem allir eiga að geta tileinkað sér. „Þar
er til dæmis farið í hvernig á að gera við
saumsprettur, skipta um rennilás, gera
efnisbætur og annað.“
Ásdís segir að endurvirkni og nýsköp­
un með endurnýtingu að leiðarljósi sé
nútímaleg hugsun. „Að búa til eitthvað í
höndunum þar sem hugur og hönd hafa
unnið saman hvetur bæði til nýtni og
nægjusemi og eykur andlega ánægju.“ ■
Fer í saumana á sjálfbærni
Ásdís hefur margra áratuga reynslu af vinnu með textíl. FRÉTTABLAÐIÐ/ERNIR
Í bókinni má
finna ýmis
verkefni
sem hægt
er að leysa á
skapandi hátt
Við kaupum fullt af fötum
en endum svo oft á að
nota bara brot af þeim.
1211 Suðurlandsskjálfti, margir bæir hrynja og 18 manns
farast.
1307 Játvarður II. verður konungur Englands.
1456 Dómstóll skipaður af Kalixtusi III. páfa fellir dóminn
yfir Jóhönnu af Örk úr gildi og lýsir hana saklausa.
1637 Hornsteinn er lagður að Sívalaturni í Kaupmanna-
höfn.
1874 Á Akureyri er vígður Gudmannsspítali, sem er til
húsa í Aðalstræti 14, en það er elsta tvílyfta íbúðar-
hús á Íslandi, reist 1836.
1915 Konur fagna nýfengnum kosningarétti sínum með
hátíðarfundi á Austurvelli. Sama dag stofna þær
Landspítalasjóð Íslands.
1922 Lúðrasveit Reykjavíkur er stofnuð upp úr lúðra-
félögunum Hörpu og Gígju og er hún elsta starfandi
lúðrasveit á Íslandi.
1941 Bandaríkjaher kemur til landsins og tekur við
vörnum þess af Bretum. Síðustu hermennirnir fara
héðan í apríl 1947.
1966 U Thant, aðalritari Sameinuðu þjóðanna kemur í
tveggja daga heimsókn til Íslands.
1974 Kútter Sigurfari er settur á byggðasafnið í Görðum
á Akranesi.
1974 Vestur-Þýskaland vinnur heimsmeistarakeppnina
í knattspyrnu þegar lið landsins sigrar Hollendinga
2-1.
1978 Salómonseyjar fá
sjálfstæði frá Bret-
landi.
1983 Ray Charles
skemmtir á Broad-
way ásamt 25
manna hljómsveit.
2005 Fjórar sjálfsmorðs-
sprengjuárásir verða
56 manns að bana í
London.
2007 Heimsmet er slegið
í vatnsbyssuslag á
Landsmóti UMFÍ
í Kópavogi. Fyrir
þessu standa SPK
og Útvarpsstöðin
FM957.
Merkisatburðir
Ray Charles.
TÍMAMÓT FRÉTTABLAÐIÐ 7. júlí 2021 MIÐVIKUDAGUR