Fréttablaðið - 11.09.2021, Síða 40

Starf kjötiðnaðarmeistara er
mun fjölbreyttara en flestir
halda. Rakel Þorgilsdóttir
hefur undanfarin ár starfað
sem slíkur hjá Kjarnafæði á
Akureyri og kann afar vel
við sig í starfinu.
Rakel Þorgilsdóttir hefur starfað
um nokkurra ára skeið sem kjöt­
iðnaðarmeistari hjá Kjarnafæði
á Akureyri og kann afar vel við
sig í starfinu sem hún segir mun
fjölbreyttara og skemmtilegra en
margir ímynda sér. Hún útskrifað­
ist af ferðamálafræðibraut frá
Menntaskólanum á Akureyri
árið 2013 og stefndi á þeim árum
í aðra átt í lífinu. „Ég starfaði á
menntaskólaárunum hjá Kjarna­
fæði og fann mig vel í starfinu. Að
menntaskóla loknum fann ég að
bóknám átti ekki sérlega vel við
mig og þá leitaði hugurinn aftur
til Kjarnafæðis. Ég hóf því nám í
kjötiðn árið 2015 og útskrifaðist
sem kjötiðnaðarmaður árið 2017
frá Menntaskólanum í Kópavogi.
Ári síðar bætti ég meistaranáminu
við og kláraði Meistaraskólann í
fjarnámi við Verkmenntaskólann
á Akureyri.“
Rakel er fædd og uppalin á Sval­
barðseyri í Eyjafjarðarsveit. „Ég og
kærasti minn Adam Örn eignuð­
umst strák fyrir þremur mán­
uðum og því er ég í fæðingarorlofi
um þessar mundir. Fyrir átti hann
sjö ára Alexöndru Yrju sem ég er
svo heppin að eiga smá part í.“
Utan þess að starfa sem kjöt­
iðnaðarmeistari liggur áhugi
Rakelar í mótorhjólum og bílum
en hún hefur keppt í götuspyrnu
síðustu ár.
Hugað að nýtingunni
Til að gerast kjötiðnaðarmaður
þarf að komast á námssamning í
kjötvinnslu eða hjá kjötiðnaðar­
fyrirtæki. „Þar þarf að vera til
staðar meistari með leyfi til töku
nemenda sem leiðbeinir nemum
í gegnum verklega hluta námsins.
Unnið er samhliða náminu og
passað er upp á að verklegu og
bóklegu hlutarnir haldist í hendur
svo nemarnir nái betri skilning á
námsefninu.“
Bóklegi hluti námsins felst í
hefðbundnum grunni sem finna
má í f lestum námsleiðum hér á
landi, til dæmis íslensku, stærð­
fræði og ensku. „Svo eru kennd
fög eins og örverufræði, næringar­
fræði, kjötiðn, öryggismál og
f leira tengt greininni. Í verklega
hlutanum er allt mögulegt lært
en grunnurinn þar er kennsla í að
saga niður og hluta kjötskrokka,
úrbeina lamb, svín, naut, hross og
aðrar kjötafurðir eftir ákveðnum
stöðlum og huga að nýtingu á
hverju og einu stykki.“
Verklegi hlutinn skemmtilegur
Í verklegu kennslunni læra nem­
endur einnig að vinna úr ýmsu
hráefni, svo sem að hræra í pylsur,
paté, kæfu, fars, slátur og álegg.
„Við lærum einnig að salta, súrsa,
krydda, sjóða, grafa og reykja kjöt.
Allt eru þetta mikilvægar leiðir til
að vinna hráefnið.“
Hún segir allt sem kennt er í
verklega hlutanum vera sérstak­
lega skemmtilegt. „Þetta er svo
fjölbreytt, allt frá því að úrbeina
kjöt, hræra í pylsur og paté og
salta og reykja kjöt. Það sem var
kannski síst skemmtilegt var að
lesa yfir reglugerðir og skoða
aukefnalistann, en það eru efni
sem hafa meðal annars áhrif á
geymsluþol, lit, bragð eða aðra
eiginleika matvæla.“
Fjölbreytt verkefni
Enginn dagur er eins í lífi kjöt­
iðnaðarmannsins, segir Rakel,
og verkefnin eru ansi fjölbreytt.
„Dagurinn byrjar á því að mæta
snemma til vinnu og skoða plön
dagsins. Þar kemur meðal annars
fram hvaða pantanir þurfa að fara
úr húsi samdægurs og hvað vantar
inn á lager. Út frá þessum upplýs­
ingum er dagurinn skipulagður.
Þannig er ég ýmist að grófúrbeina
í pantanir eða vinna hráefnið
niður í nánast tilbúnar vörur fyrir
hótel, veitingastaði eða verslanir.
Það þarf meðal annars að skera
steikur, krydda, búa til fyllingar
og f leira.“
Hún segir marga hafa ranghug­
myndir um starf hennar. „Flestir
sem heyra hvað ég starfa við halda
að ég standi og skeri kjöt allan dag­
inn. En þetta er svo mikið meira en
það. Starfið er svo fjölbreytilegt og
ég fæ ýmis verkefni svo maður er
aldrei fastur á sama stað of lengi.“
Og talandi um fjölbreytileikann
í starfinu þá segir hún að árið
skiptist í nokkur tímabil. „Árið
byrjar á súrmat, næst á eftir er það
saltkjötið fyrir sprengidaginn.
Síðan eru það páskasteikurnar
og því næst kemur grillsumarið
sem er mjög stórt og langt tímabil
miðað við hvernig veðrið hefur
leikið við okkur. Sláturtíðin er
svo stórt tímabil hjá okkur og að
lokum er það jólaundirbúning ur­
inn þar sem reykt kjöt er vin­
sælast.“
Hlakkar til að mæta aftur
Hún er ánægð í starfi og eru engar
róttækar breytingar fram undan
í lífi hennar. „Staðan núna er að
klára fæðingarorlofið og fara aftur
til vinnu. Það verður gaman að sjá
hvort breytingar hafi átt sér stað
þegar ég mæti aftur til vinnu þar
sem Kjarnafæði og Norðlenska
eru að sameinast og líklega verða
einhverjar breytingar á vinnustöð­
unum í kjölfarið.“ ■
Miklu fjölbreyttara starf en margur heldur
Enginn dagur er eins í vinnunni hjá Rakel Þorgilsdóttur kjötiðnaðarmeistara. MYNDIR/AÐSENDAR Í frístundum sínum keppir Rakel í götuspyrnu.
Rakel með
nýlega fæddum
syni. Kærasti
hennar á síðan
sjö ára stelpu
sem Rakel segist
vera heppin að
eiga smá í.
Rakel er ánægð í starfi sínu hjá Kjarnafæði á Akureyri.
Starfið er svo
fjölbreytilegt og ég
fæ ýmis verkefni svo
maður er aldrei fastur á
sama stað of lengi.
Rakel Þorgilsdóttir
4 kynningarblað 11. september 2021 LAUGARDAGURSTELPUR OG VERKNÁM