Fréttablaðið - 11.09.2021, Síða 78

Ég upplifi leik-
listarbröltið sem
hina bestu sálfræðimeð-
ferð, það er gott fyrir
sjálfsmyndina og hjálpar
manni að þora að tjá sig.
Sigríður Olsen
Frá barnæsku hefur Olsen-
systrunum Sólveigu, Sigríði
og Bjarklindi dreymt um
að verða leikkonur. Í kvöld
rætist draumurinn í kapellu
gamla St. Jósefsspítala.
thordisg@frettabladid.is
„Ég hef haft brennandi áhuga á
leiklist síðan ég var á táningsaldri
en hafði ekki hugrekki til að gera
neitt í málunum fyrr en nýlega að
ég gerðist félagi í Leikfélagi Hafnar-
fjarðar og fór í kjölfarið á námskeið
þar í leiklist,“ segir Sigríður Olsen,
mið-Olsensystirin sem stígur á
stokk með systrum sínum, Sól-
veigu og Bjarklindi Olsen, í Tæki-
færisleikhúsinu í kapellu gamla St.
Jósefsspítalans í kvöld, klukkan 18.
Hugmyndin að Tækifærisleik-
húsinu varð til í höfundasmiðju
Leikfélags Hafnarfjarðar (LH) en
margra ára hefð er fyrir stuttverka-
kvöldunum Hinu vikulega hjá LH.
Þá fá höfundar viku til að skrifa
verk sem svo eru æfð í viku og
síðan sýnd, en í kvöld verða sýnd
nokkur stuttverk sem verða samin
í dag.
„Höfundar LH hittast reglulega á
laugardagsmorgnum í kapellunni
til að skrifa. Oftast eru forsendur
dregnar úr höttum og svo er
skrifað í ákveðinn tíma, til dæmis
klukkutíma. Úr þessum æfingum
hafa komið hin skemmtilegustu
leikverk og alveg merkilega heilleg
á ekki lengri tíma,“ upplýsir Ing-
veldur Lára Þórðardóttir, stjórnar-
kona hjá Leikfélagi Hafnarfjarðar.
Hugmyndin að Tækifærisleik-
húsinu hafi svo kviknað þegar
rædd var nýstárleg tilraun; að
prófa að semja og æfa fyrir stutt-
verkakvöld á aðeins einum degi, í
stað tveggja vikna.
„Það yrði örugglega mátulega
spontant og fyndið því enginn
hefði tíma til að taka sig of alvar-
lega. Því þótti okkur ráð að bjóða
gestum og gangandi að taka þátt
eða fylgjast með. Það er nefnilega
mjög hollt, gefandi og gaman að
stunda leiklist og ótrúleg tilfinn-
ing að taka þátt í svona skyndi-
sköpun, þar sem allt má og ekkert
er of asnalegt, og það gerir heldur
ekkert til þótt eitthvað klúðrist.
Það gerir bara gott betra því leik-
hús þarf ekki að vera flókið,“ segir
Ingveldur, full tilhlökkunar fyrir
kvöldinu.
Sleppt fram af sér beislinu
Sólveig, elsta Olsen-systirin, er
ekki sannfærð um að hafa sérstaka
hæfileika á leiklistarsviðinu, en
þó hafi blundað í henni leikkonu-
draumur frá unglingsaldri.
„Ég hef þó örugglega sönghæfi-
leika og hef mjög gaman af því að
syngja. Systur mínar hafa hvatt
mig til að koma í áhugaleikfélag
Hafnarfjarðar en ég hef aldrei
sótt leiklistarnámskeið. Ég ákvað
samt að slá til og taka þátt í þessu
leikverki í kvöld, aðallega til að
hafa gaman af og líka upp á félags-
skapinn, en mestmegnis til að
leika með systrum mínum. Þannig
efast ég ekki um að þetta verði
afbragðs skemmtun, bæði fyrir
okkur og áhorfendur, og svo sjáum
við til hvort ég skrái mig ekki í
Leikfélagið í framhaldinu,“ segir
Sólveig glettin.
Í sumar sótti Sigríður, sem
er ávallt kölluð Sigga, árlegan
sumarskóla Bandalags íslenskra
leikfélaga ásamt Bjarklindi, þeirri
yngstu með Olsen-nafnið. Þar var
boðið upp á kennslu í f lestu sem
við kemur leiklist.
„Ég var tólf ára þegar ég heillað-
ist af leiklist og tók virkan þátt
í skólasýningum, bæði dansi og
leikritum. Þá var ég alls ófeimin og
sá mig í hillingum sem leikkonu í
framtíðinni. Með aldrinum varð
ég feimnari við að koma fram, en
ákvað í fyrra að drífa mig með
Siggu í Leikfélag Hafnarfjarðar,
því mér fannst tími til kominn að
stíga skrefið og fann styrk í að við
færum saman,“ greinir Bjarklind
frá.
Hún sér svo sannarlega ekki eftir
því.
„Í Leikfélaginu get ég sleppt
fram af mér beislinu og verið ég
sjálf, sem og hvaða persóna sem er,
í alls konar hlutverkum. Ég held
að allir hefðu gott af því að finna
hinar ýmsu tilfinningar kvikna, og
sem þeir hafa kannski aldrei áður
upplifað, með því að fara í önnur
hlutverk. Þá mætti að mínu mati
hafa leiklist sem skyldufag í grunn-
skólum, bara fyrir lífið sjálft,“
segir Bjarklind, sæl með nýfengið
leikkonulíf.
Hún heldur áfram:
„Leiklistarskóli Bandalags
íslenskra listamanna var æðisleg
upplifun og ævintýri í sumar. Ég er
ánægð með að vera hluti af þeim
frábæra félagsskap og finnst auð-
vitað afar spennandi að fá að leika
með systrum mínum. Það gerir
allt miklu auðveldara þar sem við
erum nánar fyrir og þekkjumst
svo vel.“
Sigga tekur undir hvert orð hjá
Bjarklindi, litlu systur sinni.
„Ég ákvað bara að hella mér út
í leiklistina núna því ég hef aldrei
losnað við leiklistarbakteríuna.
Ég vona bara að ég hafi hæfileika
og hef ekki heyrt annað en að ég
sé bara asskoti góð,“ segir Sigga og
skellir upp úr.
Draumurinn að leika í bíómynd
Það er óvenjulegt að þrjár systur
eigi sameiginlegan draum um að
vera dáðar á leiksviðinu en þær eru
þær einu í stórfjölskyldunni sem
hafa þennan óslökkvandi áhuga á
leiklist og muna ekki eftir neinum
frægum leikurum aftur í ættum.
„En það eru miklir sönghæfi-
leikar í kringum okkur og ég er
einmitt nýlega byrjuð í söngnámi,“
segir Sigga og allar eru systurnar
söngelskar.
Þær hafa líka alla tíð sett upp
leikrit saman og fíflast við að
herma eftir fólki og þáttum.
„Draumurinn væri að leika í
grínþáttum og bíómyndum,“ segir
Bjarklind og Sigga er systur sinni
sammála, en væri líka til í að leika í
hvers kyns sjónvarpsseríum.
„Aðalmarkmiðið er þó að hafa
gaman af þessu með skemmtileg-
fólki. Ég upplifi leiklistarbröltið
sem hina bestu sálfræðimeðferð,
það er gott fyrir sjálfsmyndina og
hjálpar manni að þora að tjá sig.
Það er reyndar ótrúlega gefandi og
gaman að geta brugðið sér í annað
hlutverk og leikið sér í því, bæði í
gríni og alvöru,“ segir Sigga.
Olsen-systurnar eru spenntar
fyrir kvöldinu í kapellunni.
„Þetta verður óvissuferð þar
sem allt gerist á einum og sama
deginum; leikverk samin, leik-
arar valdir, þeim leikstýrt og
afraksturinn sýndur frammi fyrir
áhorfendum. Ég get ekki beðið
eftir að taka þátt, sjá verkin fæðast
og verða að veruleika á sviði,“ segir
Bjarklind.
Olsen-systurnar vita eðlilega
ekkert hvað stykkið sem þær leika
í heitir, enda enn ósamið í pop up-
leikhúsi dagsins.
„Það er yndislega gaman að við
systur séum í þessu saman og allar
jafn áhugasamar. Vonandi berum
við gæfu til að fá enn fleiri tæki-
færi sem leikkonur í framtíðinni.
Áhorfendur mega svo búast við
mikilli skemmtun og innblæstri
í kvöld. Þetta er í fyrsta sinn sem
Leikfélag Hafnarfjarðar setur upp
leikverk í f leirtölu sem samin eru
örfáum klukkustundum fyrir
frumsýningu. Það verður eitt-
hvað!“ segir Sigga. n
Olsen-systur vinna leiksigra í kapellu
Leikkonurnar
Sigríður, Sólveig
og Bjarklind
eru söngelskar
Olsen-systur.
Þær segja styrk
í því að sækja
leiklistardraum-
inn í sameiningu
og fá tækifæri til
að leika saman í
pop up-leikhúsi
kvöldsins í St.
Jósefsspítala.
Aðgangur er
ókeypis og allir
velkomnir.
FRÉTTABLAÐIÐ/
ERNIR

FYRSTU ÁRIN
Veglegt sérblað Fréttablaðsins um fyrstu ár barnsins
kemur út föstudaginn 17. september.
Tryggðu þér gott auglýsingapláss
í langmest lesna dagblaði landsins.
Nánari upplýsingar um blaðið veitir:
Jón Ívar Vilhelmsson markaðsfulltrúi Fréttablaðsins.
Sími 550 5654 / jonivar@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að daguri n og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
8 kynningarblað A L LT 11. september 2021 LAUGARDAGUR