Ásgarður : blað starfsmanna ríkis og bæja - 01.12.1964, Blaðsíða 16
Formaður þessara samtaka var Dani fyrstu árin en
fljótlega voru aðalbækistöðvamar fluttar til Svíþjóðar
og hafa verið í Stokkhólmi alltaf síðan við hófum
þátttöku, og hefur formaður sænska bæjarstarfsmanna
sambandsins verið formaður eða aðalritari — ,,general-
sekretar“ — samtakanna síðan.
Eins og áður segir eru fundir haldnir annaðhvort ár,
en á fundinum 1962, sem haldinn var 1 Bergen, var
skipulaginu breytt þannig, að auk þessara funda eða
þinga, skyldi ráð, sem skipað er einum manni frá hvoru
landi koma saman það árið, sem þing eru ekki haldin,
til skrafs og ráðagerða, og gefa skýrslu um það mark-
verðasta, sem gerzt hefur og ákveða tilhögun og verk-
efni næsta þings. Þetta 5 manna ráð kom fyrst saman
í Stokkhólmi í október í fyrra.
Á þessum fundum og þingum er skipzt á upplýsing-
um um launa- og starfskjör og breytingar, sem á þeim
verða og höfum við sótt þangað margvíslegan stuðn-
ing í okkar kjarabaráttu, og eins og að líkum lætur
höfum við verið að mestu þiggjendur í þeim efnum.
En þaðan höfum við fengið mikinn fróðleik um starfs-
kjör og fyrirkomulag hjá frændum vorum á hinum
Norðurlöndunum, auk þess að þeir fulltrúar okkar
sem sótt hafa þessa fundi hafa þar haft persónuleg
kynni við þá menn, sem standa í fylkingarbrjósti hjá
opinberum starfsmönnum á Norðurlöndum.
Síðasti fundur var haldinn í Kaupmannahöfn í vor
um mánaðamótin maí—júní og sóttu hann 4 fulltrúar
héðan, Júlíus Björnsson, varaformaður B.S.R.B., Bene-
dikt Blöndal formaður St. Rv., Kristín Þorláksdóttir,
ritari St. Rv. og Þórður Ág. Þórðarson, f. form. St. Rv.
Á þessum fundi voru lagðar fram skýrslur um eftir-
launamál bæjarstarfsmanna á Norðurlöndum og um-
ræður snerust aðallega um þau mál. Af okkar hálfu
var Júlíus Bjömsson tilnefndur í ráðið fyrir næsta
tímabil.
Fræðslustarf.
Á fundi 12. des. 1962 var samþykkt svofelld tillaga:
,,Stjóm B.S.R.B. telur brýna nauðsyn bera til að
hrinda 1 framkvæmd félagslegu fræðslustarfi innan
bandalagsins, en þó brýnast að efna til slíkrar fræðslu
fyrir trúnaðarmenn félaganna.“
Var kosin nefnd til að gera tillögur um þessi mál
og skipuðu hana þessir: Haraldur Steinþórsson, form.,
Guðjón B. Baldvinsson, Haukur Eyjólfsson, Baldvin
Sigurðsson og Helgi Thorvaldsson.
Skilaði hún tillögum til bandalagsstjórnar 29. jan. 1963
um fræðslunámskeið um réttindi og skyldur opinberra
starfsmanna. Ekki reyndist þó unnt að hrinda þessu
í framkvæmd vegna gífurlegs annríkis við kjara-
samninga.
Sérsamningar bandalagsfélaga.
Skv. 6. gr. laga nr. 55/1962 er heimild til sérsamn-
inga einstakra bandalagsfélaga um starfskjör, sem
kjarasamningur tekur ekki til.
B.S.R.B. er kunnugt um, að eftirtalin félög hafi gert
slíka sérsamninga:
Landssamband framhaldsskólakennara og Félag
menntaskólakennara um greiðslu fyrir heimavinnu við
leiðréttingu verkefna. Samband íslenzkra barnakennara
um greiðslur vegna eftirlitsstarfa í heimavistarbarna-
skólum.
Samningar tókust ekki um kröfur Sambands ísl.
barnakennara varðandi vinnu við undirbúning kennslu-
stunda og úrvinnslu verkefna, og var því vísað til
kjaradóms til úrskurðar.
Þá hefur Starfsmannafélag ríkisstofnana skv. heim-
ild í 4. gr. dóms kjaradóms gert samning um breyt-
ingar og frávik frá vinnutíma afgreiðslumanna hjá
Á.T.V.R.
Viðræður um verðtryggingu launa o fl.
Á fundi 11. júní 1964 ræddi bandalagsstjóm um sam-
komulag það, sem gert var skömmu áður milli ríkis-
stjómarinnar, Alþýðusambands íslands og Vinnuveit-
endasambands íslands.
Var samþykkt að óska eftir viðræðum milli fulltrúa
B.S.R.B. og ríkisstjórnarinnar um verðtryggingu launa
opinberra starfsmanna, orlof o. fl. Til viðræðna þess-
ara voru kjömir af hálfu bandalagsins: Kristján Thor-
lacius, Júlíus Bjömsson, Haraldur Steinþórsson og Guð-
jón B. Baldvinsson. Ríkisstjómin fól samninganefnd
sinni í launamálum að ræða við fulltrúa bandalagsins.
Lét samninganefndin í ljósi, að sú verðtrygging
launa, sem ríkisstjórnin hafði heitið launþegum innan
Alþýðusambandsins, mundi einnig ná til opinberra
starfsmanna. Orlof þeirra, sem nú hafa 18 orlofsdaga
yrði lengt 1 21 dag til samræmis við orlof sömu aðila.
Einnig voru rædd launaatriði og húsnæðislán.
Ákveðið var að fylgjast með þeirri þróun, sem yrði í
þessum efnum á næstunni. Ekki hefur verið haldinn
nema einn fundur þessara aðila ennþá.
Fundir.
Á kjörtímabili stjórnarinnar hafa verið haldnir 28
stjórnarfundir. Kjararáð hefur alls haldið 248 fundi
frá því að það var kjörið. Þar af voru 202 fundir frá
síðasta bandalagsþingi. Launamálanefnd hefur haldið
4 fundi.
Siglfirðingar endurróðnir.
Bæjarstarfsmönnum á Siglufirði var öllum sagt
upp störfum vegna skipulagsbreytingar og olli
það deilum milli félagsins og bæjarstjómar Nú
hafa allir bæjarstarfsmennirnir verið endurráðnir,
og viðræður eiga sér stað um að veita þeim sömu
réttindi og skyldur og ríkisstarfsmönnum.
16 ÁSGARÐUR