Ásgarður : blað starfsmanna ríkis og bæja - 01.12.1964, Blaðsíða 9

Stjórn B.S.R.B. 1962—1964. Talið frá vinstri: Þorsteinn Óskarsson, Guðjón B. Baldvinsson, Anna Loftsdóttir, Har-
aldur Steinþórsson, Júlíus Björnsson, Kristián Thorlacius, formaður, Magnús Eggertsson, Gunnar Ámason, Teitur
Þorleifsson, Einar Ólafsson, Ólafur Björnsson og Valdemar Ólafsson. Úr aðalstjórn vantar á myndina Jón Kárason.
(Ljósm.: Oddur Ólafsson).
krafan að fullu í 88 málum. 4 mál voru afgreidd án
dóms og einu var vísað frá.
Ágreiningur um vinnutíma, yfirvinnu o. fl.
Ágreiningur hefur risið milli samningsaðila um nokk-
ur atriði varðandi vinnutíma, yfirvinnu o. fl. Eitt slíkt
ágreiningsmál hefur þegar verið lagt fyrir Félagsdóm,
og var málið þingfest þar 3. júlí s.l. Málið er höfðað
af B.S.R.B. vegna Hauks Jóhannessonar gegn fjármála-
ráðherra fyrir hönd ríkissjóðs
Mál þetta fjallar um tvö ágreiningsatriði.
Hið fyrra er um, hvort greiða skuli vaktavinnu-
mönnum 33% vaktavinnuálag fyrir matartímann kl.
12—13, sbr. 5. gr. í dómi kjaradóms frá 3. júlí 1963.
Ríkisstjómin hefur synjað um greiðslu 33% álagsins,
en bandalagið gerir þá kröfu, að það verði greitt.
Hitt ágreiningsatriðið er um skilning á ákvæðum 7.
greinar dóms Kjaradóms, þar sem segir 1 2. mgr. að
til eftirvinnu teljist fyrstu tvær klukkustundirnar, eftir
að tilskildum dagvinnutíma eða vökutíma lýkur, þó
ekki á tímabilinu frá kl. 19 til kl. 8, og auk þess vinna,
sem innt er af hendi á dagvinnutíma umfram vikulega
vinnutímaskyldu.
Bandalagið heldur því fram, að eftir að hlutaðeig-
andi starfsmaður hefur á dagvinnutímabili unnið eftir-
vinnu í tvær klukkustundir, beri honum að fá greitt
næturvinnukaup fyrir þann tíma sem fer þar á eftir.
Fjármálaráðherra hefur ekki fallizt á framangreindan
skilning og synjað um greiðslu næturvinnukaupsins.
Eins og áður segir var málið þingfest 3/7 1964, en
dómurinn frestaði síðan málinu til 3. september 1964.
Málflutningsmaður bandalagsins í þessu máli er Guð-
mundur Ingvi Sigurðsson, hæstaréttarlögmaður.
Fjármálaráðuneytið hafði fallizt á það árið 1961 að
greitt skyldi næturvinnuálag 1 orlofi og í veikinda-
forföllum. Mál þetta bar ekkert á góma í málflutningi
fyrir kjaradómi.
Eftir gildistöku nýju samninganna gerðist það síðan,
að hætt var að greiða þetta á sama hátt og áður, og
fékkst því ekki breytt þrátt fyrir ítrekaðar tilraunir.
Samþykkti því bandalagsstjórn að hefja mál fyrir
bæjarþingi Reykjavíkur vegna starfsmanna þeirra, sem
þessa nutu áður. Var Guðmundi Ingva Sigurðssyni falið
að annast málflutning.
Laugardagsleyfi.
í 2. grein dóms kjaradóms frá 3. júlí 1963 segir, að á
tímabilinu frá 1. júní til 30. september ár hvert sé
heimilt með samkomulagi forstöðumanna hlutaðeigandi
stofnana og starfsmanna að fella niður vinnu á laugar-
dögum. enda lengist dagvinnutími aðra daga vikunnar,
svo að full vinnuvika náist á þeim dögum.
Samkomulag hefur orðið um að heimild þessari sé
beitt á þann hátt að eigi verði unnið á laugardögum
þar sem fært þykir að dómi forstöðumanns og viðkom-
andi ráðuneytis og að vinnutími þeirra starfsmanna,
sem ekki vinna á laugardögum lengist í staðinn um
eina klst. á mánudögum allt árið, með þeim hætti að
þá verði unnið til kl. 18.
Krafa um 5% launahækkun fyrir tímabilið 1. febrúar
til 30. júní 1963.
I janúarmánuði 1963 sömdu mörg verkalýðsfélög um
5% hækkun launa og gilti sú hækkun yfirleitt frá 1.
febrúar sama ár.
29. apríl 1963 samþykkti stjórn B.S.R.B. að gera
kröfu til ríkisstj órnarinnar um 5% hækkun launa fyrir
tímabilið frá 1. febrúar 1963 til 30. júní sama ár eða
þangað til Kjaradómur tæki gildi.
ÁSGARÐUR 9'