Morgunblaðið - 21.04.2021, Blaðsíða 51

ÍÞRÓTTIR 51
MORGUNBLAÐIÐ MIÐVIKUDAGUR 21. APRÍL 2021
Jóna Guðlaug Vigfúsdóttir er skrefi
nær sænska meistaratitlinum í blaki
með liði sínu Hylte Halmstad eftir sig-
ur á ríkjandi meisturum Engelholm,
3:1, á útivelli í fyrsta úrslitaleik lið-
anna. Jóna og samherjar hennar töp-
uðu fyrstu hrinunni 20:25 en unnu síð-
an 27:25, 25:21 og 25.15. Jóna var að
vanda í stóru hlutverki í sínu liði og var
þriðja stigahæst með 18 stig.
Þrjá sigra þarf til að hreppa meist-
aratitilinn og Hylte Halmstad fær nú
tækifæri til að tryggja sér meistaratit-
ilinn á sínum heimavelli því tveir
næstu leikir fara fram í Halmstad, í
kvöld og á sunnudaginn.
_ Ryan Mason verður í dag yngstur til
að stjórna liði í ensku úrvalsdeildinni í
knattspyrnu. Hann hefur verið ráðinn
knattspyrnustjóri Tottenham til bráða-
birgða, eftir að José Mourinho var
sagt upp störfum í fyrradag og stýrir
liðinu til vorsins. Mason er 29 ára
gamall og lék með Tottenham í átta ár
en þurfti að leggja skóna á hilluna
vegna meiðsla fyrir þremur árum.
Tottenham tekur á móti Southampton
í kvöld.
_ Kvennalið Grindavíkur í knatt-
spyrnu sem vann 2. deild Íslandsmóts-
ins á síðasta ári hefur fengið góðan
liðsauka fyrir keppnistímabilið.
Christabel Oduro, sem hefur leikið
fimm leiki með A-landsliði Kanada, en
það er í hóp sterkustu landsliða
heims, er gengin til liðs við Grindavík.
Oduro er 28 ára framherji sem lék í
vetur með Birkirkara á Möltu og skor-
aði þar sjö mörk í tíu leikjum, ásamt
því að spila með liðinu í Meistaradeild
Evrópu síðasta haust.
_ Knattspyrnumaðurinn Nikulás Val
Gunnarsson hefur framlengt samning
sinn við Fylki. Nikulás, sem er 21 árs
gamall, er uppalinn í Árbænum en
hann var í stóru hlutverki hjá Árbæing-
um á síðustu leiktíð þar sem hann lék
fjórtán af átján leikjum liðsins í efstu
deild. Fylkismenn höfnuðu í sjötta
sæti deildarinnar með 28 stig og voru í
baráttu um Evrópusæti þegar tímabil-
ið var blásið af vegna kórónuveiru-
faraldursins.
Eitt
ogannað
ÁLABORG
Kristján Jónsson
kris@mbl.is
Danska félagið Álaborg virðist ætla
að hrista hressilega upp í „valda-
jafnvæginu“ í handboltaheiminum í
Evrópu. Álaborg fær til sín Mikkel
Hansen frá París St. Germain og Ar-
on Pálmarsson frá Barcelona á næsta
tímabili. Morgunblaðið hafði sam-
band við Arnór Atlason sem er að-
stoðarþjálfari Álaborgar og hann er
skiljanlega
ánægður með að
fá Aron Pálm-
arsson til liðsins.
„Aron verður
að sjálfsögðu í
áhrifamiklu hlut-
verki. Þegar mað-
ur með svona feril
kemur til liðsins
þá verður hann í
lykilhlutverki. Ar-
on getur spilað
hvort heldur sem skytta eða leik-
stjórnandi. Hann kemur sjálfsagt til
með að leysa báðar stöður enda er
það einn af hans kostum. Hann verð-
ur viðbót við gott lið. Liðið er mjög
fínt eins og það er í dag. Við áttum
marga leikmenn á HM í janúar og lið-
ið mun klárlega styrkjast enn frekar
með komu Arons. Við vorum komnir í
16-liða úrslit Meistaradeildarinnar í
fyrra og áttum að mæta Portó þegar
því var aflýst og nú erum við komnir í
8-liða úrslit. Okkur langar rosalega
að stíga það skref að komast til Köln-
ar í úrslitahelgina. Þótt við séum
glettilega nálægt því í dag þá gerum
við okkur grein fyrir því að við þurf-
um að styrkja okkur til að eiga mögu-
leika á því á hverju ári. Þá getum við
ekki alltaf misst okkar bestu menn
frá okkur,“ sagði Arnór og neitar því
ekki að hann hafi átt hlut að máli þeg-
ar Álaborg nældi í íslenska landsliðs-
fyrirliðann.
„Forráðamenn félagsins vissu
auðvitað að ég þekkti Aron vel eftir
að hafa spilað með honum í landslið-
inu í mörg ár. Við Aron höfum rætt
mikið saman og hann hefur þá getað
spurt mig að ýmsu varðandi Ála-
borg. Hann hefur því fengið frá
fyrstu hendi upplýsingar um hvern-
ig hlutirnir virka hjá félaginu. Ég
tók auðvitað þátt í því að tala hann
til og var því með í að ræða þetta
bæði við stjórnendurna og Aron
sjálfan. Mér finnst þetta sýna metn-
að hjá Aroni að vilja koma til Dan-
merkur og spila í þessari sterku
deild. Hann mun hjálpa liðinu að
halda áfram að safna bikurum.“
Hansen afar vinsæll
Mikkel Hansen hefur verið í aðal-
hlutverki hjá Dönum í sigrum lands-
liðsins á stórmótum. Arnór segir fé-
lagaskipti Hansen frá París St.
Germain til Álaborgar hafa verið
eins og sprenging í dönsku íþrótta-
lífi. „Það var alger sprenging í
danska handboltasamfélaginu en
Hansen er sennilega vinsælasti
íþróttamaður Danmerkur. Það er
frábært fyrir danska handboltann
að fá svona leikmann inn í deildina
og fyrir Álaborg er það viðurkenn-
ing fyrir gott starf á síðustu árum,“
benti Arnór á en sjálfur gerði hann
nýlega tveggja ára samning.
„Ég er ánægður og fjölskyldunni
líður rosa vel í Álaborg. Verkefnið
sem er í gangi hjá liðinu er spenn-
andi og verður enn meira spennandi
með tilkomu Arons,“ sagði Arnór og
minnti á að ekki væri hlaupið að því
að vinna danska meistaratitilinn.
Álaborg þurfi að hafa fyrir því að
komast í undanúrslit áður en þeir
geta hugsað lengra vegna þess að
deildin sé orðin mjög sterk.
Sjálfbær rekstur
Arnór segir skiljanlegt að kaupin á
Hansen og Aroni veki athygli en seg-
ir að algengara sé að Álaborg kaupi
efnilega leikmenn.
„Hansen og Aron eru kannski
öðruvísi innkaup en verið hafa síð-
ustu ár en hjá Álaborg hafa menn
alltaf verið duglegir að fá til sín leik-
menn ef á þarf að halda. En þeir eru
stærri leikmenn en við höfum áður
keypt. Mörg stór nöfn hafa spilað í
Álaborg þótt það hafi ekki endilega
verið þannig síðustu árin. Félagið var
stofnað árið 2011 og hefur stækkað
og stækkað. Er þetta afleiðing af því
og við erum greinilega komnir á þann
stað að geta stefnt hærra. En algeng-
ara hefur verið að Álaborg hafi fengið
hæfileikaríka unga leikmenn sem
vilja ná langt. Svíarnir Felix Claar og
Lukas Sandell voru ekki landsliðs-
menn þegar þeir komu til okkar en
spiluðu báðir úrslitaleikinn á HM í
janúar. Sander Sagosen kom 18 ára
til Álaborgar og fór til Parísar þegar
hann var 21 árs,“ sagði Arnór og
bendir á að Álaborg sé einnig að fá til
sín leikmenn af því aðrir séu á förum.
„Stutt er síðan við misstum Ómar
[Inga Magnússon] og Janus [Daða
Smárason] til Þýskalands. Svíinn
Jesper Nielsen er til dæmis að koma
til okkar vegna þess að Magnus
Saugstrup er að fara til Magde-
burgar en hann er orðinn einn af
bestu línumönnum í heimi. Martin
Larsen er að koma til okkar frá Leip-
zig en hann er frá Álaborg og spilaði
hér áður. Umræða hefur átt sér stað
um að verið sé að búa til nýtt AG-lið.
Mér finnst þetta ekki sambærilegt.
Það er ekki eins og það séu að koma
tíu leikmenn til okkar á einu bretti.
Nálgun félagsins er allt öðruvísi og
uppbyggingin hefur átt sér
stað hægt og rólega. Félag-
ið er byggt á sterkum
grunni. Á þessum tíu árum hefur fé-
lagið alltaf skilað hagnaði,“ sagði
Arnór Atlason í samtali við Morg-
unblaðið.
Ákvörðunin sýnir metnað
- Arnór Atlason segir Álaborg vilja stefna hærra - Annar tónn sleginn en áður
með tilkomu Arons og Hansen - Samanburður við AG á þó engan veginn við
Ljósmynd/Einar Ragnar Haraldsson
Þekktur Aron Pálmarsson nýtur mikillar virðingar í handboltaheiminum.
Arnór
Atlason
Keppni á Íslandsmótinu í körfu-
knattleik hefst á ný í kvöld eftir
mánaðar hlé. Heil umferð verður
leikin í úrvalsdeild kvenna, Dom-
inosdeildinni, en þar höfðu verið
leiknar fimmtán umferðir af 21
þegar keppnin var stöðvuð seint í
marsmánuði.
Toppbaráttan er hnífjöfn þar
sem Valur og Keflavík eru með
24 stig á toppnum, Haukar eru
með 22 stig og Fjölnir 20 og allt
bendir til þess að þessi fjögur lið
leiki til úrslita um Íslandsmeist-
aratitilinn í vor.
Þau leika öll við lið úr neðri
hlutanum í kvöld þar sem helst
má búast við að Skallagrímur
gæti staðið í Keflvíkingum. Liðin
mættust líka í síðustu umferðinni
fyrir hlé og þá vann Keflavík
öruggan sigur, 74:51.
Snæfell og KR heyja einvígi
um áframhaldandi sæti í deild-
inni en þau eru langneðst í deild-
inni með fjögur stig hvort.
Skallagrímur með 12 stig og
Breiðablik með 10 sigla hins veg-
ar lygnan sjó til vors miðað við
stöðuna í dag.
Körfuboltinn af stað á ný
Morgunblaðið/Kristinn Magnússon
Toppbarátta Valur og Keflavík eru jöfn á toppi deildarinnar.
KÖRFUKNATTLEIKUR
Úrvalsdeild kvenna, Dominos-deildin:
Smárinn: Breiðablik – Fjölnir ............. 19.15
Stykkishólmur: Snæfell – Haukar ...... 19.15
Borgarnes: Skallagrímur – Keflavík .. 19.15
Origo-höllin: Valur – KR...................... 20.15
Í KVÖLD!
NBA-deildin
Detroit – Cleveland .......................... 109:105
Boston – Chicago................................ 96:102
Philadelphia – Golden State .............. 96:107
Indiana – San Antonio........................ 94:109
Miami – Houston ................................ 113:91
Washington – Oklahoma City ......... 119:107
Milwaukee – Phoenix .............. (frl.) 127:128
Denver – Memphis ................. (2frl) 139:137
LA Lakers – Utah .............................. 97:111
086&(9,/*"
Hin leikreynda Anna Úrsúla Guð-
mundsdóttir kemur inn í lands-
liðshópinn sem mætir Slóveníu í
síðari leik liðanna í umspili fyrir
HM kvenna í handknattleik. Leik-
urinn fer fram á Ásvöllum í
Hafnarfirði í kvöld og hefst
klukkan 19:45. Vegna sótt-
varnareglna eru engir áhorf-
endur leyfðir.
Anna Úrsúla er viðbót við sex-
tán manna hópinn sem fór utan
og mætti Slóveníu í fyrri leiknum
í Ljubljana á laugardaginn. Þar
hafði Slóvenía betur 24:14 og því
þarf íslenska liðið á stórsigri að
halda til að komast á HM sem
fram fer á Spáni í desember. Ís-
landi gekk ekki vel í sókninni í
fyrri leiknum eins og úrslitin
sýna og því þarf markaskorunin
að ganga miklu betur í kvöld til
að íslenska liðið geti hleypt
spennu í umspilssrimmuna.
Anna Úrsúla kemur inn í hópinn
- Síðari umspilsleikurinn gegn Slóveníu í
kvöld - Verk að vinna fyrir íslenska liðið
Morgunblaðið/Kristinn Magnússon
Landsliðið Anna Úrsúla fyrir miðri mynd á æfingu í síðustu viku.