Morgunblaðið - 24.04.2021, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 24. APRÍL 2021
FORNUBÚÐIR 12, HAFNARFIRÐI | S: 555 0800 | SIGN@SIGN.IS | SIGN.IS
Kristján H. Johannessen
khj@mbl.is
Eftir að fyrstu íbúar fluttu inn í nýju
smáhýsin í Gufunesi í Reykjavík hafa
ofbeldisverk, skemmdarverk og fíkni-
efna- og áfengisneysla verið áberandi á
svæðinu. Um tíma var gestagangur
mjög mikill. Er lögreglan sögð vera þar
í nær stöðugum verkefnum og hafa
komið tímabil þar sem útköll þangað
voru dagleg.
Valgarður Valgarðsson, aðalvarð-
stjóri hjá lögreglunni á höfuðborgar-
svæðinu, segir reynslu lögreglu ekki
góða af smáhýsunum.
„Þau hafa verið ansi mörg verkefnin
þarna niður frá og þetta hefur ekki far-
ið eins vel af stað og menn vonuðu í
fyrstu,“ segir Valgarður í samtali við
Morgunblaðið. „Helst eru þetta útköll
vegna ágreinings, þjófnaðar og
skemmdarverka. Dæmigerð verkefni
sem tengjast fólki í óreglu,“ segir hann.
Smáhýsin fimm eru fyrir utan það
sem kalla má alfaraleið og er því langt í
næstu þjónustu og almennings-
samgöngur. Hefur Morgunblaðið til að
mynda heimildir fyrir því að nokkuð
hafi verið um ölvunar- og fíkniefnaakst-
ur til og frá smáhýsunum. Þegar svæð-
ið var sótt heim í vikunni mátti sjá aug-
ljós ummerki um skemmdarverk.
Þannig voru meðal annars gluggar
skemmdir og veggjakrot sýnilegt. Á
einum stað var ljóst að eldur hafði verið
lagður að innanstokksmunum. Þá var
rusl og drasl víða áberandi í kringum
húsin.
Fólkinu plantað úti í móa
Elísabet Gísladóttir, formaður íbúa-
samtaka Grafarvogs, segir staðsetn-
ingu smáhýsanna afleita og að á það
hafi verið bent á sínum tíma.
„Það að skella niður svona mörgum
húsum á einn stað kallar bara á eitt;
stanslaust partí,“ segir hún og bendir á
að íbúar í Grafarvogi hafi margir hverj-
ir á sínum tíma lýst yfir áhyggjum
vegna uppbyggingar húsanna. Skortur
á þjónustu, samgöngum og augljós ein-
angrun er á meðal þess sem bent var á.
„Á íbúafundi voru þessi áform máluð
afar fallegum litum af borginni. Þetta
átti að vera stuðningur við þetta fólk
og skaðaminnkandi úrræði. En það er
bara ekki rétt. Þessum einstaklingum
var bara komið fyrir einhvers staðar
úti í móa á einskismannslandi. Það
þarf ekki annað en að skoða staðsetn-
ingu þessara húsa til að sjá hversu gal-
ið þetta er,“ segir Elísabet og heldur
áfram: „Þetta fólk þarf ekki á því að
halda að vera plantað úti í móa fjarri
öllu. Fólkið þarf aukinn stuðning. […]
Það var búið að spyrja spurninga og
gera athugasemdir við þetta, en allir
þessir fræðingar og fagfólk innan
borgarinnar hlustaði ekki. Og það er
ekki að vinna þessu fólki gagn.“
Þá bendir Elísabet á að smáhýsin
séu staðsett neðan við Hallsteinsgarð,
eitt aðalútivistarsvæði íbúa í Grafar-
vogi. Segist hún vita dæmi þess að fólk
finni fyrir óöryggi á göngu sinni um
svæðið og sveigi því fram hjá smáhýs-
unum. „Það fer enginn þarna núna.“
Efuðust um staðsetninguna
Hrafnhildur Ólöf Ólafsdóttir, deild-
arstjóri hjá málefnum heimilislausra
hjá Reykjavíkurborg, segist hafa haft
áhyggjur af því að fyrstu húsin yrðu
sett upp svo fjarri þéttri byggð.
„Það var á þessum tíma mikilvægt
að koma fólki í húsnæði fyrir veturinn,
en annars staðar strandaði lóða-
samþykki ítrekað. Það var meðvituð
ákvörðun að hafa nokkur hús fjarri
þéttum hverfum, fyrir þau sem það
vilja. Á sama tíma vitum við að meiri-
hluti húsanna þarf að vera inni í hverf-
um og þá nálægt þjónustu. Þetta var
aftur á móti fyrsta lóðin sem náði sam-
þykki og þess vegna voru fyrstu húsin
sett þarna upp,“ segir hún.
Fram hefur komið að smáhýsin í
Gufunesi eru fimm talsins. Búið er að
úthluta fjórum húsum og er nú í gildi
leigusamningur við þrjá einstaklinga.
Ákveðið hefur verið að úthluta ekki
fimmta húsinu. Verður það nýtt undir
starfsfólk í von um að bæta þjónustuna.
Aðspurð segist Hrafnhildur Ólöf
kannast við lýsingar á innbrotum og
skemmdarverkum á bæði húsum og
húsbúnaði. Í flestum tilfellum séu það
óboðnir einstaklingar eða gestir íbúa
sem valda þessu tjóni.
„Við höfum verið í miklum vandræð-
um með óboðið fólk á svæðinu. Svona
gestagangur er oft það sem verður ein-
staklingum í búsetu að falli. Það að geta
ekki haldið óæskilegum aðilum frá er
mjög erfitt,“ segir hún og bætir við að
margt hafi þó gengið vel. Nefnir hún í
því samhengi gott samstarf lögreglu og
VOR-teymis sem aðstoðar fólk sem er
heimilislaust og með vímuefna- og geð-
vanda. „Það er mikilvægt að skoða
áfram hvað má bæta og hverju má
breyta til að íbúar smáhýsanna upplifi
sig örugga og velkomna.“
Skemmdarverk og mikil óregla
- Lögreglan reglulega kölluð í verkefni vegna vandamála í tengslum við nýju smáhýsin í Gufunesi
- Ekki farið vel af stað, segir aðalvarðstjóri - Staðsetning húsanna áhyggjuefni frá fyrstu stundu
Morgunblaðið/Eggert
Yfirfullt Það er sóðalegt um að litast við nýju smáhýsin í Gufunesi þar sem ruslatunnurnar ráða illa við verkefnið.
Brunarústir Einhver lagði eld að þessum munum sem nú liggja úti.
Ónýtt Þessi gluggi hafði verið brot-
inn upp og lafir því opnanlega fagið.
Sóðaskapur Einhver veggjakrot-
arinn fékk útrás á þessum vegg.
Morgunblaðinu hefur borist eftirfar-
andi yfirlýsing frá Þórarni Ævars-
syni, framkvæmdastjóra Spaðans:
„Í hita leiksins eiga stór orð það til
að falla, orð sem eftir á að hyggja
hefðu betur verið látin ósögð eða
orðuð öðruvísi. Ástríða fyrir málefn-
um á það til að hleypa manni kapp í
kinn, svo ekki sé kveðið fastar að.
Í viðtali í Dagmálum sem birt var
sumardaginn fyrsta og vitnað var í á
mbl.is var fjallað um pizzamarkað-
inn. Þar fór ég hressilega fram úr
mér, þegar ég sagði það blákalt að ég
muni setja Dominos Pizza á hausinn
innan fimm ára.
Það sem ég var í raun að reyna að
koma frá mér var það að ef áætlanir
Spaðans gengju eftir, um að opna 6
til 7 stór útibú á næstu árum, raun-
gerðust, þá væri rekstrargrundvöll-
ur Dominos Pizza eins og fyrirtækið
er sett upp horfinn, en afleiðing þess
yrði þá sú að fyrirtækið færi líklega í
þrot.
Fylgifiskar þess ríka keppnis-
skaps sem ég hef blessunarlega
fengið eru dramb og hroki. Mér hef-
ur gengið illa á tíðum að hemja þessa
fylgifiska og fer versnandi með ár-
unum, og er það verr.
Ég bið því þá afsökunar sem ég
hef gengið fram af með óviðeigandi
orðalagi mínu, en bendi jafnframt á
að í hörðum heimi samkeppni þá eru
menn svona almennt, ekkert sér-
staklega að óska mótaðilum vel-
gengni.“
Morgunblaðið/Eggert
Pizzastríð Miklar hræringar hafa verið á pizzamarkaði að undanförnu. Ný-
verið keypti hópur fjárfesta Domino’s á Íslandi sem var í breskri eigu.
Hljóp kapp í kinn
- Þórarinn Ævarsson biðst afsökunar