Morgunblaðið - 27.05.2021, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 27. MAÍ 2021
Fokið í flest skjól eftir Stephen Hough
Hér segir frá Josep Flynn, kaþólskum presti á miðjum
aldri sem ánetjast hefur kynlífimeð hórdrengjum,
ungummönnum sem selja blíðu sína. Bókin er hvort
tveggja í senn hugleiðing um boð og bönn trúarbragða
og berorð hommasaga.
Konurnar báru nöfn eftir JeetThayil
Þegar lærisveinarnir létu sig hverfa á örlagastundu
Krists voru það konurnar sem stóðumeð honum allt til
enda. Mögnuð skáldsaga um fimmtán áhugaverðar og
sterkar konur sem vert er að vita hvað hétu.
Nýjar bækur frá
Fást í verslunum Pennans-Eymundsonar
og Forlagsins, penninn.is og forlagid.is
DAGMÁL
Stefán E. Stefánsson
ses@mbl.is
Stefán Hjörleifsson, landsstjóri
Storytel á Íslandi, segir að fyrirtækið
ætli að gefa út bók á prenti hér á landi
í ár. Markar það mikil tímamót enda
hefur fyrirtækið einblínt á rafræna
streymis- og bókaútgáfu frá því að
fyrirtækið tók til starfa hér á landi í
ársbyrjun 2018. Stefán bendir á að
Storytel hafi nú þegar gert tilraunir
með það erlendis að gefa út bækur
samtímis á rafrænu og prentformi og
þar sé reynslan gjarnan sú að raf-
ræna útgáfan gangi betur. Hann seg-
ir einnig tækifæri í því að byrja á raf-
rænni útgáfu og færa sig svo í
prentið.
„Þá hefur maður svo góð verkfæri
til að prófa vöruna. Þar höfum við
marga gagnrýnendur ólíkt því sem er
á blaði þar sem einn hefur það í hendi
sér hvernig prentútgáfa fer heldur
mörg þúsund athugasemdir og
stjörnugjafir og þá er búið að kanna á
markaðnum hvernig varan kemur
út.“
Hann segir ekki útilokað að Story-
tel muni gefa út fleiri en eina bók á
þessu ári á prenti.
Raunar hefur fyrirtækið fikrað sig
í átt til hefðbundinnar bókaútgáfu á
síðustu árum, m.a. með kaupum á
stórum útgáfufélögum á borð við
Norstedts í Svíþjóð og People’s Press
í Danmörku.
Segir Stefán að þessi skref hafi
verið tekin til þess að færa Storytel
nær framleiðslunni, þ.e. uppsprettu
efnisins sem streymisveitan byggist
á. Það flýti fyrir því að fá gott efni inn
á kerfi fyrirtækisins.
Ekkert varð af kaupunum
Hinn 1. júlí í fyrra var tilkynnt að
Storytel hefði keypt 70% hlut í For-
laginu, langstærsta bókaforlagi
landsins til langs tíma. Þóttu mikil
tíðindi felast í því og urðu ýmsir til
þess að gagnrýna kaupin, töldu að
sænskir fjárfestar væru með ein-
hverju móti að sölsa undir sig mik-
ilvæga þætti í bókmenningu þjóðar-
innar. Stefán segir að ekkert slíkt hafi
staðið til og sú staðreynd að bók-
menntafélagið Mál og menning var
áfram í hluthafahópnum hafi falið í
sér aðra nálgun en annars staðar, þar
sem forlögin hefðu verið keypt að
fullu.
Tilkynntu fyrirtækin kaupin til
Samkeppniseftirlitsins, jafnvel þótt
sérfræðingar á þeirra vegum hefðu
metið það svo að kaupin væru undir
viðmiðunarfjárhæðum sem settar eru
varðandi tilkynningarskyldu kaupa af
þessu tagi.
Það kom hins vegar mörgum á
óvart þegar tilkynnt var rétt fyrir jól í
fyrra að ekkert yrði af kaupunum. Til
dagsins í dag hefur ekki verið upplýst
um ástæður þess hvað olli ákvörðun
viðsemjendanna. Stefán segir hins
vegar tímabært að gera það nú.
„Skilyrðin hefðu orðið hamlandi á
okkur í alþjóðlegu samhengi. Að vera
komin með einhvers konar skilgrein-
ingu, Forlagið er með slíka skilgrein-
ingu sem markaðsráðandi fyrirtæki
og við óttuðumst að þau myndu fylgja
okkur því það er litið á þetta sem
samruna.“ Vill hann því meina að eft-
irlitsstofnanir annars staðar á Norð-
urlöndum, sem Samkeppniseftirlitið
hér á landi á í nánu samstarfi við,
myndu taka upp sömu skilgreiningu
og yfirfæra á Storytel á öðrum mörk-
uðum en þeim íslenska.
Með því „væri verið að taka helstu
vopn okkar við helstu risana úr hönd-
unum á okkur“, segir Stefán og vísar
þar til frumframleiðslu fyrirtækisins.
Með skilyrðum Samkeppniseftirlits-
ins hefði félaginu verið gert ómögu-
legt að framleiða sitt eigið efni inn á
streymisveitur sínar, sem sé þó það
vopn sem fyrirtækið telji sig helst búa
yfir til þess að eiga í höggi við stórar
streymisveitur á borð við Audible.
Vont fyrir Íslendinga
Niðurstaðan varð því sú að fallið
var frá samrunanum og þess í stað
efnt til samstarfs við Forlagið undir
öðrum formerkjum. Stefán segir að
Storytel hafi náð sama markmiði með
því en að þessi niðurstaða hafi hvorki
verið íslenskum neytendum né ís-
lenskum rithöfundum til góða. Nú sé
að verða til stór útgáfusamsteypa á
Norðurlöndum sem íslenski bóka-
útgáfumarkaðurinn sé ekki hluti af og
þar kunni að glatast tækifæri fyrir
höfunda, m.a. til að koma sér á fram-
færi utan landsteinanna.
Stærsta útgáfufélagið
Stefán segist hafa mikla trú á
áframhaldandi vexti Storytel, jafnvel
þótt félagið sé nú þegar orðið fjórfalt
umsvifameira hér á landi en hann
hefði trúað að það gæti orðið þegar
vegferðin hófst. Tölur Hagstofunnar
bendi til þess að fyrirtækið sé með um
35% markaðshlutdeild sem sé ótrú-
legt í ljósi þess að hlutdeildin hafi ver-
ið 1% fyrir fimm árum.
Nú sé Storytel sennilega stærsta
útgáfufélag landsins.
Storytel hyggst gefa út
bók á prenti á þessu ári
- Útgáfan er orðin fjórfalt stærri en Stefán Hjörleifsson taldi að hún gæti mest orðið
Útgefandi Stefán Hjörleifsson stofnaði tonlist.is og Skynjun og seldi það fyrir-
tæki til Storytel á sínum tíma. Hann fer nú fyrir stærsta útgáfufélagi landsins
sem þó á enn eftir að gefa út sína fyrstu bók á prenti. Það breytist í ár.
Opna matar-
vagn á Spáni
Íslenska parið Kristján Bender og
Inga Sörensdóttir opnaði mat-
arvagninn Domo Bistro & Grill 1.
maí síðastliðinn í Alicante-héraði á
Spáni og bjóða gestum meðal annars
upp á hamborgara, íslenskan fisk og
bakkelsi. „Þetta hefur verið stór-
kostlegt, við höfum haft opið í tvær
vikur og við höldum varla í við að
anna eftirspurn. Við erum búin að
þurfa að loka þrisvar vegna þess að
allt seldist upp,“ segja þau um við-
brögðin.
Að sögn eru bæði heimamenn og
Norðurlandabúar mjög ánægðir
með vagninn. Einnig hafa Íslend-
ingar búsettir á Spáni fjölmennt á
staðinn.
Inga hefur starfað við veitingar á
einn eða annan hátt síðan hún var 15
ára og Kristján hefur unnið víða
samhliða kokkanámi, þar á meðal á
Michelin-veitingastaðnum Dill.
Árið 2017 flutti Inga til Spánar
með móður sinni. Kristján varð hins
vegar eftir á Íslandi og opnaði pop-
up-staðinn Möns í Mathöll Granda.
Tveimur árum seinna fór hann til
mæðginanna í jólafrí og ílengdist.
„Þá sáum við vagninn til sölu á Fa-
cebook. Það var bara eitthvað sem
small og við fjárfestum í honum.
Viku síðar skall á viðvörunarástand
hér á Spáni og öllu var harðlokað.
Vagninn var þá staðsettur í öðrum
bæ og gátum við ekki snert, heim-
sótt né hreyft hann í fjóra mánuði.“
Kristján og Inga dóu ekki ráða-
laus og ákváðu að byrja að baka ís-
lenskt bakkelsi fyrir aðra Íslendinga
sem voru búsettir á Spáni. „Úr varð
að við bjuggum til Domo-bakkelsi
þar sem við og aðrir Íslendingar sem
sumir gátu ekki ferðast heim fengu
heimþrá.“ hans@mbl.is
Veisla Kristján Bender í Domo
ásamt Michael og Inga Þór.
- Bjóða upp á grillmat
og íslenskt bakkelsi
Hanna Katrín Friðriksson, þing-
flokksformaður Viðreisnar, leiðir
lista flokksins í Reykjavík-
urkjördæmi suður og Þorbjörg Sig-
ríður Gunnlaugsdóttir, þingmaður
Viðreisnar, leiðir listann í Reykja-
víkurkjördæmi norður.
Daði Már Kristófersson, prófess-
or í hagfræði og varaformaður Við-
reisnar, skipar 2. sætið á lista
flokksins í Reykjavík suður. Jón
Steindór Valdimarsson, þingmaður
Viðreisnar, er í 2. sæti á lista
flokksins í Reykjavík norður. María
Rut Kristinsdóttir, aðstoðarmaður
formanns Viðreisnar, er í 3. sæti
listans í Reykjavík suður og Katrín
Sigríður J. Steingrímsdóttir, sál-
fræðinemi og frístundaleiðbein-
andi, skipar 3. sæti listans í Reykja-
vík norður.
Listarnir voru kynntir í gær án
þess þó að fram kæmi hvernig þeir
voru valdir. Ekki náðist í Þorgerði
Katrínu Gunnarsdóttur formann
flokksins í gærkvöldi.
Ljósmynd/Aðsend
Valin Frambjóðendur Viðreisnar í Reykjavíkurkjördæmum stilla sér upp.
Þingmenn leiða
lista Viðreisnar
- Varaformaður fær 2. sæti á lista