Morgunblaðið - 10.06.2021, Qupperneq 14

14 FRÉTTIRInnlent
MORGUNBLAÐIÐ FIMMTUDAGUR 10. JÚNÍ 2021
Með því að heimsækja heimasíðu okkar
ferdaskrifstofaeldriborgara.is
þarftu aðeins að smella á „Sumarleikur 2021“
og þú tekur sjálfkrafa þátt í happadrætti þar sem
vinningar verða dregnir út vikulega í allt sumar.
Í boði eru 10 ferðavinningar að upphæð 25.000 kr.
hver í einhverja af þeim ferðum sem við stöndum fyrir.
Sumarleikur 2021
10 ferðavinningar í boði
Sundaborg 7-9 | 104 Reykjavík | Sími 511 4747 | www.northwear.is
Starfsmannafatnaður
Einkennisfatnaður
Helgi Bjarnason
helgi@mbl.is
„Þótt þetta sé mikil framkvæmd
erum við viðbúin því að með áfram-
haldandi aukningu verði orðin þörf
fyrir næstu skref eftir fimm til sex
ár og að þau verði enn stærri,“
segir Elliði Vignisson, bæjarstjóri
Sveitarfélagsins
Ölfuss. Notkun
hafnarinnar í
Þorlákshöfn hef-
ur vaxið mikið og
er nú unnið að
undirbúningi
endurnýjunar og
stækkunar hafn-
arinnar sem
unnið verður að
á næstu árum.
Flutningar hafa vaxið mjög um
höfnina í Þorlákshöfn. Nefna má
tvö flutningaskip Smyril line sem
sigla þaðan til hafna á meginlandi
Evrópu. Ýmsir aðrir vöruflutning-
ar eru um höfnina. Elliði bendir
einnig á að Þorlákshöfn sé vaxandi
fiskihöfn. Auknir möguleikar á út-
flutningi auki áhuga útgerða á að
landa þar afla fiskiskipa.
Fyrstu útboð á næstunni
Elliði segir að nú sé verið að
ljúka hönnun framkvæmda við
höfnina og liggi það nokkuð fyrir
hvað verði gert. Það sem út af
standi verði prófað í líkani. „Við
getum hafið ákveðnar framkvæmd-
ir á næstunni. Þannig verða boðin
út kaup á efni í stálþil fyrrihluta
sumars og grjótnám er að hefjast,“
segir Elliði.
Höfuðtilgangur framkvæmdanna
er að geta tekið á móti stærri skip-
um en þangað koma núna. Segir
Elliði að hámarkið nú sé um 130
metra skip en það velti þó á búnaði
skipanna og veðri. Eftir breytingar
verði hægt að taka á móti 180
metra löngum skipum. Auk leng-
ingar á viðleguköntum fyrir flutn-
ingaskip og fiskiskip verður unnið
að dýpkun innsiglingar og snún-
ingsrýmis inni í höfninni.
Elliði á von á því að skipin sem
Smyril line notar til Evrópusigl-
inga frá Þorlákshöfn muni stækka.
Þá sé vitað um áhuga annarra enda
geti skipafélög í Evrópusiglingum
sparað sér meira en hálfs sólar-
hrings siglingu fyrir Reykjanes
með því að nota Þorlákshöfn.
Höfnin á í viðræðum við þrjá
stóra aðila sem flytja út vikur og
önnur jarðefni og hafa hug á að
stækka við sig aðstöðu. Þá hefur
þýska fyrirtækið Steag áhuga á að
fá lóð í Þorlákshöfn vegna útflutn-
ings á vikri úr námum á Mýrdals-
sandi.
Laxeldið er mikil og vaxandi at-
vinnugrein í Þorlákshöfn, bæði
seiðaeldi og fulleldi í kerum á
landi. Fiskinn þarf að flytja í
burtu, seiði til sjókvíastöðva og til-
búnar afurðir á markaði erlendis.
Smyril line hefur fengið lóð fyrir
vöruhús og dreifingarstöð í Þor-
lákshöfn og Fiskmarkaður Íslands
er að koma sér upp nýju húsnæði á
staðnum. Verið er að skipuleggja
nýjar lóðir á hafnarsvæðinu.
„Það er sama hvað við snertum í
hafnarrekstri. Þorlákshöfn er að
vaxa og mun verða enn mikilvæg-
ari höfn, ekki síst í Evrópusigl-
ingum. Því fylgja önnur tækifæri
sem við þurfum að huga sérstak-
lega að.
Kostar 4-5 milljarða
Áætlað er að það taki tvö til þrjú
ár að ljúka framkvæmdum við
höfnina. Kostnaður er áætlaður 4-5
milljarðar. Hlutur ríkisins er fjár-
magnaður á samgönguáætlun og
fjármálaáætlun en hafnarsjóður
Þorlákshafnar greiðir hluta kostn-
aðar.
„Þetta er mikil fjárfesting fyrir
sveitarfélagið en hafnarmannvirkin
eru okkar mikilvægustu innviðir.
Byggðin hefur þróast með höfn-
inni,“ segir Elliði og bætir við:
„Við horfum bjartsýn til tækifæra
sem skapast. Framkvæmdin er
þjóðhagslega mikilvæg vegna þess
að ódýrara er að sigla til Evrópu
frá Þorlákshöfn en jafnframt drög-
um við úr kolefnisspori flutning-
anna.“
Starfsemin sprengir af sér höfnina
- Hönnun á endurbótum og stækkun hafnar í Þorlákshöfn að ljúka og fyrstu útboð auglýst fljótlega
- Stærri skip í Evrópusiglingum geta athafnað sig og unnt að þjóna auknum umsvifum í Þorlákshöfn
Hugmyndir um lagfæringar og stækkun á höfninni í Þorlákshöfn
1. Ný löndunarbryggja
fyrir fiskiskip og báta
2. Færsla viðlegukants
við Suðurvararbryggju
3. Lenging á suðurgarði
um 200-300 m
4. Stytting á austur-
garði um 40-90 m
5. Endurbætur á
Svartaskersbryggju
fyrir allt að 18 m
löng skip
6. Nýr rampur fyrir
RoRo-skip
7. Dýpkun og gerð
snúningsrýmis
8. Dýpkun innsiglingar-
rennu
1
2
3
5
6
7
8
4
Grunnkort/Loftmyndir ehf.
Elliði Vignisson
Smyril Line hefur hug á að nýta bætta hafnaraðstöðu í
Þorlákshöfn til að auka starfsemi sína. Fyrirtækið er að
undirbúa byggingu á nýrri dreifingarmiðstöð þar.
„Við höfum verið að þrýsta á stækkun hafnarinnar til
þess að geta komið þangað með stærri og hagkvæmari
skip,“ segir Linda B. Gunnlaugsdóttir, framkvæmda-
stjóri Smyril Line á Íslandi. Hún segir að markaðurinn
sé fyrir hendi. Þjónustunni sem Smyril Line býður upp á
hafi verið vel tekið og telur hún að tækifæri séu til að
auka hana.
Smyril Line er með tvö vöruflutningaskip í siglingum
frá Þorlákshöfn. Mykines siglir til Rotterdam og Mistral til Hirtshals.
Bæði eru svokölluð roro-skip, það er að segja að vörurnar eru á vögnum
sem ekið er um borð og frá borði. Það fyrirkomulag flýtir fyrir lestun og
losun skipa.
Linda bætir því við að öryggi siglinga aukist við breytingarnar.
Smyril Line hefur fengið stóra lóð í Þorlákshöfn og er að láta teikna
3.000 fermetra vöruhús og dreifingarmiðstöð. Utanumhald innflutnings
verður flutt frá Hafnarfirði og sameinað útflutningnum sem fyrir er í Þor-
lákshöfn. Nú er Smyril Line með tólf starfsmenn í Þorlákshöfn og búast
má við fjölgun.
Vilja taka stærri skip í notkun
SMYRIL LINE MEÐ TVÖ SKIP Í SIGLINGUM FRÁ ÞORLÁKSHÖFN
Linda Björk
Gunnlaugsdóttir