Morgunblaðið - 19.06.2021, Side 4

4 FRÉTTIRInnlent
MORGUNBLAÐIÐ LAUGARDAGUR 19. JÚNÍ 2021
Haustlitir í Svartaskógi
sp
ör
eh
f.
Haust 8
Djúpgrænir skógar og snotur þorp einkenna hóla og hæðir
Svartaskógar. Við gistum í vínræktarbænum Oberkirch í
hjarta Svartaskógar, en vínakrar, gauksklukkur og kastalar
eru aðalsmerki þessa fallega svæðis. Við förum í spennandi
skoðunarferðir, t.d. til Strassborgar og Heidelberg, ökum
klukkuveginn svokallaða og komum við á verkstæði þar
sem gauksklukkurnar frægu eru smíðaðar.
2. - 9. október
Fararstjóri: Þórhallur Vilhjálmsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 199.900 kr. á mann í tvíbýli.
Mjög mikið innifalið!
Urður Egilsdóttir
urdur@mbl.is
Flestir landshlutar áætla að klára
seinni bólusetningu í júlí en rúmlega
80% íbúa landsins 16 ára og eldri
hafa annaðhvort smitast eða fengið
bóluefni gegn Covid-19. Alls hafa
355.178 skammtar verið gefnir. Þar
af hafa 238.814 einstaklingar fengið
fyrri skammt en 153.725 eru fullbólu-
settir. Þann 25. júní er gert ráð fyrir
að öllum landsmönnum 16 ára og
eldri hafi verið boðinn fyrri skammt-
ur.
Rúmlega 80.000 skammtar koma
af Pfizer-bóluefninu í júní og rúm-
lega 20.000 skammtar af Moderna í
júní og júlí að sögn Júlíu Rósar Atla-
dóttur, framkvæmdastjóra Distica
sem sér um dreifingu á bóluefnun-
um. Ekki liggur fyrir afhendingar-
áætlun frá AstraZeneca og Janssen.
Langflestir skammtar hafa verið
gefnir af bóluefni frá Pfizer, Astra-
Zeneca er í öðru sæti, þá kemur
Janssen og Moderna rekur lestina.
Enn á eftir að bólusetja um 30% í
aldurshópunum 16-29 ára og 30-39
ára.
Bólusetning skotgengur
Blaðamaður heyrði í nokkrum
heilbrigðisstofnunum landsins um
stöðu bólusetninga. Baldvina Ýr
Hafsteinsdóttir, framkvæmdastjóri
hjúkrunar hjá Heilbrigðisstofnun
Suðurlands, segir að bólusetningar
hjá þeim gangi gríðarlega vel. „Það
er búið að boða næstu tvær vikurnar
og þá eru allir sem komnir eru inn í
kerfið okkar búnir að fá boð um fyrri
bólusetningu,“ segir Baldvina. Í
framhaldinu verði haldið áfram með
að gefa fólki seinni skammt, þá verð-
ur boðið upp á opna daga þeim sem
hafa ekki getað þegið bóluefni eða
viljað fá eitthvað sérstakt efni o.s.frv.
„Við ætlum okkur að hafa bólusetn-
ingar á meðan það er fólk til þess að
bólusetja.“
Jónína Óskarsdóttir, fagstjóri
hjúkrunar á heilsugæslusviði Heil-
brigðisstofnunar Austurlands, tekur
í sama streng og Baldvina með vel-
gengni bólusetninga en Austurland
leiðir bólusetningu á landsvísu hlut-
fallslega. Að sögn Jónínu er reiknað
með að búið verði að boða alla Aust-
firðinga í seinni bólusetningu um
miðjan júlí. „Á miðvikudaginn vorum
við búin að boða alla í fyrri bólusetn-
ingu. Núna einbeitum við okkur að
bólusetningu tvö og að þeim sem
urðu afgangs af einhverjum ástæð-
um. Það verður ekkert sumarfrí fyrr
en allir eru búnir að fá bólusetn-
ingu,“ segir Jónína.
Heilbrigðisstofnun Vestfjarða
reiknar með að klára seinni bólu-
setningu í kringum byrjun júlí að
sögn Hildar Elísabetar Pétursdótt-
ur, framkvæmdastjóra hjúkrunar.
„Við erum í seinni bólusetningu og að
bólusetja þessar eftirlegukindur,“
segir Hildur og bætir við að næsta
vika verði stór bólusetningarvika á
Vestfjörðum. Hildur segir að stefnt
sé að því að vera ekki með neinar
bólusetningar í lok júlí svo fólk kom-
ist í sumarfrí en allir munu þó kom-
ast í bólusetningu.
Í lok næstu viku ættu allir árgang-
ar á höfuðborgarsvæðinu að hafa
fengið boð í fyrstu bólusetningu að
sögn Ragnheiðar Óskar Erlends-
dóttur, framkvæmdastjóra hjúkrun-
ar hjá Heilsugæslu höfuðborgar-
svæðisins. Í framhaldinu verður
haldið áfram með aðra bólusetningu.
„Næstu þrjár vikurnar eftir að
fyrsta boð hefur verið sent á alla
verðum við í að endurbólusetja,“ seg-
ir Ragnheiður og nefnir að síðustu
vikuna í júní og þá fyrstu í júlí verði
stórir AstraZeneca-dagar þar sem
þeir 20 þúsund sem eiga eftir að fá
seinni skammt fá hann. „Eftir þá
viku verða minni dagar,“ segir Ragn-
heiður. Aðspurð hvort hún geti sagt
til um hvenær búið verði að fullbólu-
setja alla segist Ragnheiður ekki
geta svarað því að fullu en að búið
verði að bólusetja þá sem verið er að
bólusetja núna um miðjan júlí.
Andrea Klara Hauksdóttir, hjúkr-
unardeildarstjóri heilsugæslu hjá
Heilbrigðisstofnun Suðurnesja, seg-
ir að búið sé að boða alla sem séu á
skrá hjá þeim og búist er við að
seinni bólusetning klárist í byrjun
júlí. Andrea segir að nú sé verið að
bólusetja eftirlegukindur en þó sé
nokkuð stór hópur sem hafi ekki
símanúmer á skrá og því hvetji stofn-
unin fólk til að hafa samband til þess
að boða sig.
Bólusetja sýkta
Í gær tilkynnti Embætti land-
læknis að einstaklingum sem hafa
sögu um Covid-19 eða mótefni gegn
SARS-CoV-2 verði boðin bólusetn-
ing til að efla vörn gegn endursýk-
ingu. Bóluefni Janssen verður notað
fyrir þennan hóp, nema fyrir ein-
staklinga sem ættu að fá Pfizer-bólu-
efni, s.s. vegna ungs aldurs eða þung-
unar. Ef innan við þrír mánuðir eru
frá staðfestri Covid-19-sýkingu er
mælt með að beðið sé með bólusetn-
inguna þar til að þeim tíma liðnum.
Enginn greindist smitaður innan-
lands í fyrradag og miðvikudaginn
16. júní. Fimm greindust þó á landa-
mærunum í fyrradag en þrír bíða
niðurstöðu mótefnamælingar, einn
var með virkt smit og einn með mót-
efni.
Klára seinni bólusetningu í júlí
- 80% landsmanna nú þegar með eitthvert mótefni - Von á 100 þúsund skömmtum í júní og júlí af
Pfizer og Moderna - Bólusetja þá sem eru áður sýktir - Enginn greindist smitaður tvo daga í röð
Morgunblaðið/Kristinn Magnússon
Bólusetning Rúmlega 80% íbúa landsins 16 ára og eldri hafa annaðhvort smitast eða fengið bóluefni.
Hlutfall bólusettra eftir aldri
100%
75%
50%
25%
0%
100.000
75.000
50.000
25.000
0
12-15 ára 16-29 ára 30-39 ára 40-49 ára 50-59 ára 60-69 ára 70-79 ára 80-89 ára 90+ ára
AstraZeneca Janssen Moderna Pfizer
60.052
37.361
20.258
121.143
H
e
im
il
d
:
C
o
v
id
.i
s
98%
33%
32%
35%
32%
24%
44%
17%
26%
57%
10%
34%
56%
46%
48%
12%
87%
97% 98%
Óbólusettir Bólusetning hafin Fullbólusettir
Bólusetning hafin Fullbólusettir
38.761
21.291
37.361
13.833
6.425
39.903
81.240
Bólusettir eftir bóluefni og aldri
Fjöldi bólusettra eftir bóluefni
Oddur Þórðarson
oddurth@mbl.is
Arturas Leimontas var í gær sýkn-
aður af ákæru um manndráp fyrir
Landsrétti. Honum var gefið að sök
að hafa veist með
ofbeldi að Egidi-
jus Buzleis, 9. des-
ember árið 2019,
og hent honum
fram af svölum á
íbúð sinni á þriðju
hæð að Skyggnis-
braut í Reykjavík.
Arturas hafði
verið dæmdur fyr-
ir manndráp í
Héraðsdómi
Reykjavíkur til 16 ára fangelsisvistar.
Í dómi Landsréttar kemur fram að
ekkert vitni bæri um það sem Arturas
væri gefið að sök og sýnileg sönnun-
argögn sönnuðu ekki háttsemina.
Meðal þess sem Arturas bar fyrir sig
var að Egidijus hefði ætlað að stökkva
fram af svölunum með þeim hætti
sem þeir höfðu lært í litháíska hern-
um, en þeir voru báðir Litháar.
Ákæruvaldið hafði ekki rannsakað
þann möguleika nægjanlega gaum-
gæfilega Því væri ekki yfir allan vafa
hafið að Arturas hafi gerst sekur um
manndráp.
Helgi Magnús Gunnarsson vara-
ríkissaksóknari segist hissa á niður-
stöðunni. „Það er alveg ljóst að ef
hann var að reyna að stökkva þarna
fram af, einn og í gamni sínu, eins og
hann hafði lært í sovéska hernum
þrjátíu árum áður, þá skýrir það ekki
þessar deilur milli hans og ákærða.
Eins það að hann hafi verið með
áverka sem höfðu komið til fyrr um
daginn, fyrir stökkið. Er það bara ein-
hver tilviljun?
Svo er það þessi skýring ákærða að
hann hafi verið að gera eitthvert her-
mannastökk sem hann hafði lært
þrjátíu árum áður, þetta var 57 ára
gamall maður, bara einn úti á svölum,
það er enginn að horfa á hann og eng-
inn sem getur þá séð það sem hann
ætlaði að sýna fram á að hann gæti
gert,“ segir Helgi Magnús.
Landsréttur sneri við
16 ára manndrápsdómi
- Sagði hinn látna hafa ætlað að sýna hermannastökk
Morgunblaðið/Kristinn Magnússon
Landsréttur Sýknaði í manndrápsmáli. Saksóknari segir áfrýjun ólíklega.Helgi Magnús
Gunnarsson