Morgunblaðið - 19.06.2021, Blaðsíða 51

Rokksveitin Blóðmör
sigraði í Músíktil-
raunum með glæsibrag
fyrir réttum tveimur
árum. Fyrsta breið-
skífa sveitarinnar, Í
skjóli syndanna, kom út
fyrir stuttu.
TÓNLIST
Arnar Eggert Thoroddsen
arnareggert@arnareggert.is
Ég man það eins og það hafigerst í gær er ég sá myndinaaf Blóðmör sem fylgdi með
kynningargrein um Músíktilraunir
2019. Kornungir rokkþyrstir piltar,
allir eins í útliti, standandi ábúð-
arfullir fyrir framan skip í slippnum.
Til í þetta. Tveir
þeirra í lopapeys-
um, í takt við
nafnið, og þetta
var svo afskap-
lega íslenskt og
skemmtilegt eitt-
hvað. Sjarminn
sem maður greindi þarna skilaði sér
enda upp á svið og inn í tónlistina og
þeir unnu Tilraunirnar örugglega.
Mikið vatn hefur runnið til
sjávar síðan, tvívegis hafa orðið
mannabreytingar á bandinu en
sveitin hefur haldið sér virkri þrátt
fyrir heimsfaraldur. Og nú er komin
út bústin breiðskífa sem verður að
teljast laglegur árangur. En áður en
ég legg í úttekt á tónlistinni sem
slíkri langar mig til að lýsa aðkom-
unni að gerð plötunnar, mann-
skapnum þar og ekki síst pakkning-
unni en auk streymisveitna og slíks
kemur platan út á forláta vínyl.
Haukur Þór Valdimarsson,
söngvari og gítarleikari, semur lög
og texta Blóðmörs en hann er auk
þess vínyláhugamaður og þar erum
við félagarnir andans bræður. Vín-
yllinn ber þessa merki þar sem hug-
að er að hverju smáatriði. Hann
Heitt, sveitt og feitt
Ljósmynd/Óttar „Spaði Proppé
Haf trú Blóðmör er í dag skipuð Árna Jökli Guðbjartssyni, Hauki Þór Valdimarssyni og Viktori Árna Veigarssyni.
kemur út í tveimur litum, gylltum og
bláum og báðir með hvirfiláferð
(„swirl“) hvar svartir taumar liggja á
aðallitnum. Plöturnar eru 180
grömm og plötumiðarnir sjálfir af
ólíku tagi sem sýnir metnað.
Umslagið er opnanlegt („gatefold“),
veggspjald fylgir, „nærbuxurnar“
eru plastfóðraðar (mjög mikilvægt
sagði Haukur mér og þar er ég hon-
um sammála) og innri liturinn í um-
slaginu er svartur sem sýnir kannski
best nákvæmnina sem Haukur lagð-
ist í. Plötunni fylgir þá lúmsk hylling
á eldri tímum í vínylútgáfum, t.d. er
límmiði framan á þar sem segir:
„Fyrsta breiðskífa hljómsveitar-
innar loksins komin út. Hress, hug-
ljúf og frábær skemmtun fyrir alla
fjölskylduna, unga sem aldna.“
Það er Reykjavík Record Shop
sem gefur út og um upptökustjórn
sáu Birgir Jón Birgisson og nafni
minn Guðjónsson sem auk þess
hljóðblandaði. Friðfinnur Oculus
hljómjafnaði. Umslagsmyndin
glæsta er eftir Skaðvald og þess ber
að geta að Matthías Stefánsson
bassaleikari var þarna enn meðlimur
og lék inn á plötuna (og söng).
Tónlistin? spyrðu. Þetta er
skemmtilegt, ungæðislegt og sprikl-
andi rokk og ról. Og alveg afskap-
lega íslenskt, eitthvað sem gefur
henni heillandi brag. Það er hægt að
draga línu frá þessu bandi í gegnum
Botnleðju, Ham, Helga og hljóð-
færaleikarana, Spilverkið og alla leið
til Hauks Morthens. Ólík dæmi, ég
veit, og hægt að tiltaka fleiri, en ekk-
ert af þessu hefði getað gert út frá
öðru svæði en Íslandi og eins er með
Blóðmör.
Tónlistin er melódískt, þunga-
rokksskotið pönkrokk og vísað t.d. í
Ham og Botnleðju. Ég hugsa líka um
Búdrýgindi (sigurvegarar Músíktil-
rauna 2002) því að ungmennaandinn
svífur hér hressilega yfir vötnum.
Haukur er skemmtilegur textasmið-
ur, hefur greinilega yndi af gömlum
og gegnum orðum og finnur þeim
stað í grallaralegum textunum.
En þetta er síst eintóna. Fyrsta
lagið, „Nýtt líf“, er einskonar yfir-
lýsing, lag sem hljómsveit semur eft-
ir tvö ár af volki. Nokk flókin upp-
bygging, hugvitssamleg riff og
vandaður texti sem talar inn í þroska
og reynslu, eitthvað sem er svo und-
irstrikað með sjálfri lagasmíðinni.
„Hátíðarhöld“ er dásamlegt, maður
finnur nánast lykt af réttarstemn-
ingu og/eða unglingafylleríi í Þórs-
mörk. Það er íslenskur kjarni þarna,
ósvikinn. En svo, í „Tíminn“, er hent
í smá þjóðlagastemmu í upphafi.
Blíður söngur og kassagítarstrokur.
Það er í góðu lagi með ung-
mennin, þið þarna úti. Þau hafa
reyndar aldrei verið jafn skemmti-
leg, skapandi og með sitt jafn mikið á
hreinu þó þau neyðist til að skáka í
skjóli vorra synda.
»
Tónlistin? spyrðu.
Þetta er skemmti-
legt, ungæðislegt og
spriklandi rokk og ról.
Og alveg afskaplega
íslenskt, eitthvað sem
gefur henni heillandi
brag.
MENNING 51
MORGUNBLAÐIÐ LAUGARDAGUR 19. JÚNÍ 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
THE WASHINGTON POST
ROGEREBERT.COM
TOTAL FILM
USA TODAY
THE SEATTLE TIMES
THE GUARDIAN
GEGGJAÐ FRAMHALD AF EINUM ÓVÆNTASTA
SPENNUÞRILLER SÍÐUSTU ÁRA
HROLLVEKJANDI
SPENNUMYND
THE WRAP FILM
SÝNDMEÐ ÍSLENSKUTALI97%
SAN FRANCISCO
CHRONICLE
INDIE WIRE
Grín- Spennumynd eins og þær gerast bestar!
ROGEREBERT.COM
Hildur Bjarnadóttir opnar þriðju
einkasýningu sína sem ber yfir-
skriftina Abyss í Hverfisgalleríi í
dag kl. 16.
„Viðfangsefni Hildar í myndlist-
inni eru heimkynni, vistfræði, stað-
ur og samlífi með dýrum og
plöntum á litlum jarðskika í Flóa-
hreppi þar sem hún býr og starfar.
Plönturnar á jarðskikanum gegna
hlutverki upptökutækis sem tekur
inn upplýsingar frá þeim vistfræði-
legu og samfélagslegu kerfum sem
plönturnar tilheyra í gegnum and-
rúmsloftið og jarðveginn. Hildur
gerir þessar upplýsingar sýnilegar
með því að vinna liti úr plöntunum
sem hún notar til að lita ullarþráð
og silkiefni til þess að búa til ofin
málverk og innsetningar úr silki.
Verk hennar draga fram marg-
víslegar upplýsingar, upplifanir,
sjónarhorn og einkenni staðarins,
þau eru sjálfstæð og huglæg kerfi
sem varpa ljósi á margbrotið net
samlífis og heimkynna.
Verk Hildar eru „málverk“ þar
sem léreftið er ekki falin undir-
staða litarins, heldur þéttriðið net
úr hör og ullarþráðum, gegn-
sýrðum af lit sem hefur verið
hreinsaður af allri vísun í annað en
efniskennd sjálfs vefsins í þessu
neti sem kallast á við pixlanet skjá-
mynda samtímans með ögrandi
hætti. Þannig hafa verk Hildar opn-
að fyrir nýjan skilning á málverk-
inu sem miðill hugar og handa,
menningar og náttúru,“ segir í til-
kynningu.
Abyss opnuð í
Hverfisgalleríi
detail Verk eftir Hildi Bjarnadóttur.