Morgunblaðið - 15.07.2021, Side 26

MORGUNBLAÐIÐ FIMMTUDAGUR 15. JÚLÍ 2021
Afurðaverð á markaði
13. júlí 2021, meðalverð, kr./kg
Þorskur, óslægður 383,75
Þorskur, slægður 393,44
Ýsa, óslægð 466,14
Ýsa, slægð 309,24
Ufsi, óslægður 119,48
Ufsi, slægður 147,34
Gullkarfi 282,32
Blálanga, slægð 191,00
Langa, óslægð 155,46
Langa, slægð 155,35
Keila, óslægð 26,60
Keila, slægð 56,21
Steinbítur, óslægður 135,58
Steinbítur, slægður 187,98
Skötuselur, slægður 632,51
Grálúða, slægð 325,93
Skarkoli, slægður 394,80
Þykkvalúra, slægð 400,81
Langlúra, slægð 251,67
Sandkoli, óslægður 146,40
Sandkoli, slægður 13,00
Blágóma, slægð 14,00
Bleikja, flök 1.550,00
Regnbogasilungur, flök 3.176,00
Hlýri, óslægður 144,00
Hlýri, slægður 186,13
Lúða, slægð 571,11
Náskata, slægð 10,00
Undirmálsýsa, óslægð 140,46
Undirmálsýsa, slægð 145,37
Undirmálsþorskur, óslægður 167,06
Undirmálsþorskur, slægður 140,99
Karítas Ríkharðsdóttir
karitas@mbl.is
„Það er bara eitt stórt núll,“ segir
Sigurgeir Brynjar Kristgeirsson,
framkvæmdastjóri Vinnslustöðvar-
innar í Vestmannaeyjum, í samtali
við 200 mílur, aðspurður hvort eitt-
hvað sé að frétta af makrílleit hjá Ís-
leifi VE í Smugunni.
„Skipin eru öll á sjó að leita og lítil
sem engin veiði. Kap VE er suður af
Vestmannaeyjum, Huginn VE er
suðaustur af landinu og Ísleifur norð-
austur af landinu. Við dekkum allt
svæðið vel en ekkert finnst enn,“
sagði Sigurgeir Brynjar í gær.
Spurður hvort votti fyrir stressi
með makrílleitina segir hann að að-
stæðurnar séu nú töluvert öðruvísi
en við höfum búið við síðastliðinn
áratug eða svo.
„Það er greinilega þannig að göng-
ur makríls hafa eitthvað breyst. Við
urðum fyrst vör við það í fyrra og
hittifyrra að þær væru eitthvað að
breytast miðað við það sem við
þekktum áður. Það verður víða vart
við makríl en það er hvergi mikil
veiði.“
Vond þróun
Á síðustu makrílvertíð var meiri-
hluti makríls, sem veiddur var af ís-
lenska flotanum, veiddur í Smug-
unni. Var það í fyrsta skipti frá því að
makríllinn fór að veiðast hér við land
sem íslenski flotinn þurfti að sækja
sinn afla svo langt.
Sigurgeir Brynjar segir þróunina
ekki góða hvort sem litið er til samn-
ingsstöðu Íslendinga í makríldeilunni
um nýtingu deilistofna, né fyrir gæði
hráefnisins sem landað er hér á landi.
Hann segir að það hafi sett
Vinnslustöðina í erfiða stöðu í sölu og
til dæmis hafi ekki tekist að uppfylla
samninga um sölu makríls til Japan,
sem er hátt borgandi markaður fyrir
gæðahráefni.
„Fiskurinn var bara ekki nógu
góður. Við ætluðum að selja 2.600
tonn til Japan í fyrra en við náðum
því ekki.“
Þrátt fyrir stöðuna segist Sigur-
geir Brynjar vera bjartsýnn.
„Ég held mig þó við mína fyrri
skoðun um að makríllinn muni finn-
ast og þetta gangi allt upp á endan-
um,“ segir hann. Vinnslustöðin í
Vestmannaeyjum hefur þegar tekið á
móti um þrjú þúsund tonnum af mak-
ríl og frystihúsin og mannskapurinn
eru klár.
Bráðliggur ekki á
Sigurður VE og Álsey VE voru í
Rósagarðinum, suðaustur af landinu,
þegar blaðamaður náði tali af Eyþóri
Harðarsyni, útgerðarstjóra hjá Ís-
félagi Vestmannaeyja og Álsey, á
leiðinni í land með um 800 tonn af
blönduðum afla af síld og makríl.
Heimaey VE hefur síðan verið
suður af Eyjum og reynt fyrir sér
þar. Eyþór tekur undir að hægt
gangi að finna hreinan makríl en seg-
ir það ekki svo óvanalegt um miðjan
júlí.
„Tíminn er þannig að það hefur al-
veg verið svona um miðjan júlí áður.
Það bráðliggur ekkert á að finna
þetta.“
Eyþór segir skip Ísfélagsins hafa
reynt við makrílveiðar í Smugunni en
makríllinn verið lélegur þar.
„Við erum að reyna að leita annars
staðar,“ bætir hann við.
Eyþór segir þó að enn séu allir ró-
legir hjá þeim þó að dagarnir snúist
núna um væntingar til þess að mak-
rílveiðin fari að glæðast.
Makríllinn ekki enn fundinn
Morgunblaðið/Árni Sæberg
Makríll Íslenski uppsjávarveiðiflotinn leitar nú um allar trissur að makríl. Meirihluti afla íslenska flotans veiddist í Smugunni í fyrsta skipti í fyrra.
- Borið hefur á makríl víða en ekki í stórum torfum - Skipin leita bæði innan fiskveiðilögsögunnar og í
Smugunni - Vont fyrir samningsstöðu Íslands ef veiðist eingöngu í Smugunni - Bjartsýni þrátt fyrir allt
Einfölduð og uppfærð skipalög sem
samþykkt voru á Alþingi í vor tóku
gildi við upphaf mánaðar. Lögin eru
heildstæður lagabálkur sem inni-
heldur allar helstu reglur er eiga við
um skip og ferðir þeirra.
Með nýjum lögum var lagaum-
hverfi siglinga einfaldað nokkuð þar
sem fern önnur lög féllu á brott og
tiltekin lagaákvæði voru færð í
reglugerðir.
Skráningar, skírteini, aðgengi að
gögnum Samgöngustofu og aðrir
snertifletir við stofnunina geta sam-
kvæmt lögunum almennt verið raf-
rænir þegar tækni leyfir.
Samgöngustofa gefur ekki lengur
út leyfi fyrir innflutningi skipa held-
ur á einungis að upplýsa Samgöngu-
stofu um innflutning.
Eftir sem áður verður að skoða
skip áður en það fer á skrá.
karitas@mbl.is.
Einfaldari
skipalöggjöf
Morgunblaðið/Kristinn Magnússon
Bátar Ný og einfölduð skipalög
hafa þegar tekið gildi hér á landi.
- Nóg að upplýsa
um innflutning skipa