Morgunblaðið - 15.07.2021, Blaðsíða 28

BAKSVIÐ
Logi Sigurðarson
logis@mbl.is
Gríðarlegar hækkanir hafa verið á
íslenska hlutabréfamarkaðinum síð-
an í byrjun kórónuveirufaraldursins,
þar sem meðalhækkun fyrirtækja á
aðalmarkaði hefur reynst 72,6%.
Snorri Jakobsson, hjá Jakobsson
Capital, segir að áhugi almennings
og vaxtastig í landinu hafi stuðlað að
hækkun markaðarins.
„Það er neikvæð raunávöxtun á
bankabókum og á skuldabréfamark-
aði og þess vegna er fleira fólk að
sýna markaðinum áhuga og horfa á
hlutabréf sem hagkvæmt sparnaðar-
form. Fólk er byrjað að taka hluta-
bréfamarkaðinn í sátt og það var
kominn tími til,“ segir Snorri.
Magnús Harðarson, forstjóri
Kauphallarinnar, er bjartsýnn á vöxt
og viðgang markaðarins og segir ný-
leg útboð hafa heppnast gríðarlega
vel. Hann segir aukna þátttöku al-
mennings ánægjulega.
Almenningur tekur virkan þátt
„Við erum að sjá aukna þátttöku
frá almenningi og rosalega fjölgun
einstaklinga sem eiga hlutabréf. Við
erum að fara úr 8.000 hluthöfum fyr-
ir einu og hálfu ári í 32.000 í dag eða
jafnvel fleiri. Svo er verið að auð-
velda aðgengi almennings að mark-
aðinum; þetta er komið í netbankann
og í appið hjá Arion,“ segir Magnús.
Hann telur markaðinn vera mót-
tækilegan fyrir fleiri skráningum og
segir Play og Solid Clouds braut-
ryðjendur fyrir nýsköpunar- og
vaxtarfyrirtæki. Þessi fyrirtæki hafi
sýnt hvernig hægt sé að sækja sér
afl í Kauphöllina.
„Ég er bjartsýnn á að markaður-
inn verði móttækilegur fyrir fleiri út-
boðum og skráningum. Síðan eru er-
lendu fjárfestarnir að koma inn
aftur, þeir tóku þátt í Íslandsbanka-
útboðinu. Við sáum líka stóra fjár-
festingu í Icelandair,“ segir Magnús.
Snorri segir að umfjöllun hérlend-
is um hlutabréf og verðbréfamarkaði
hafi einkennst af neikvæðri umfjöll-
un og að hlutabréfaeign sé oft litin
hornauga. Snorri bætir við að skrýt-
ið sé að fasteignabrask þyki eðlilegt
en þar hafi ekki allir aðgang að sömu
upplýsingum eins og tilfellið sé með
skráð félög.
„Það er eðlilegt að fólk geymi
sparnað í hlutabréfum og á verð-
bréfamarkaði. Það hafa allir aðgang
að sömu upplýsingum hjá skráðum
félögum og það eru gríðarlega marg-
ir eigendur og mikið eftirlit á mark-
aði. Það er sterkur og skýr rammi og
reglugerðir. Með fasteignamarkað-
inn þá hafa kaupendur og seljendur
misjafnar upplýsingar og það er talið
eðlilegt að menn séu að braska með
lóðir,“ segir Snorri.
Hann segir að erfitt sé að spá um
áframhaldandi vöxt á markaði og
segir það ráðast af áframhaldandi
áhuga almennings og að vaxtastig
haldist lágt.
Mikið hefur verið um hlutafjárút-
boð síðustu mánuði og Snorri segir
varhugavert að fjárfesta í hlutafjár-
útboðum og hlutabréfum á markaði
án þess að skoða fyrirtækin sem í
hlut eiga vel.
„Það er aldrei gefið að hlutabréf
hækki. Sérstaklega er gríðarleg
áhætta að fjárfesta í nýstofnuðum
fyrirtækum sem eru með mikla
rekstraráhættu eins og Play og Solid
Clouds. Þegar fjárfest er í fyrirtækj-
um með mikla rekstraráhættu verða
menn að vera tilbúnir að tapa öllu.
Ávinningurinn getur jafnframt verið
gríðarlegur.“
Gullna reglan
Snorri segir skynsamlegt að
dreifa eignasafni sínu á milli hluta-
bréfa, skuldabréfa og innstæðna.
„Það er alltaf skynsamlegt að
dreifa eignasafninu sínu svo maður
setji ekki öll eggin í sömu körfuna.
Gera eins og lífeyrirssjóðirnir sem
eru með 50% í hlutabréfum og svo
50% í skuldabréfum og peningum.“
Magnús segir fólk þurfa að nálg-
ast fjárfestingar af mikilli yfirvegun
og ekki sé gefið að hlutabréf hækki á
markaði eftir skráningu. Hann bætir
við að fyrirtæki reyni að stilla út-
boðsverðinu þannig að það hækki
eitthvað en það er alls ekki gefið.
„Þetta snýst um það að nálgast
hverja og eina fjárfestingu fyrir sig,
vega og meta hana yfirvegað. Hluta-
bréf geta bæði farið upp og niður eft-
ir skráningu og þetta snýst um að
fara yfirvegað í þetta og að fræðast
um málin,“ segir Magnús.
Íslenskir bankar standa betur
Snorri segir að markaðurinn hafi
verið gríðarlega undirverðlagður
síðustu tvö ár og langt undir öðrum
mörkuðum, en undanfarnar hækk-
anir setji íslenska markaðinn á par
við marga erlenda markaði. Hann
segir að staða íslenskra banka sé
mun betri en annars staðar í Evrópu.
„Íslenskir og skandinavískir bank-
ar eru betur reknir en bankar ann-
ars staðar í Evrópu. Bankarnir eru
með tvöfalt og stundum þrefalt eigið
fé miðað við evrópska banka og þá
ertu að kaupa miklu öruggari banka.
Það var meira tekið til í bankakerf-
inu hér en annars staðar og menn
eru enn að glíma við vandamál í evr-
ópska bankakerfinu,“ segir Snorri.
Bjartar horfur á hlutabréfamarkaði
Gengi bréfa fráupphafikórónuveirufaraldursins
Félag 2.mars 2020 14. júlí 2021 Verðbreyting
Eimskipafélag Íslands hf. 139,50 405,00 190,3%
Kvika banki hf. 8,79 23,80 170,8%
Síminn hf. 5,21 11,45 119,8%
Arion banki hf. 77,30 169,50 119,3%
Origo hf. 22,75 49,60 118,0%
Sjóvá-Almennar tryggingar hf. 17,80 35,45 99,2%
Vátryggingafélag Íslands hf. 10,25 19,10 86,3%
Iceland Seafood International hf. 9,20 17,10 85,9%
Marel hf. 526,00 899,00 70,9%
Brim hf. 35,30 59,10 67,4%
Festi hf. 123,00 201,00 63,4%
Eik fasteignafélag hf. 7,50 11,00 46,7%
Reginn hf. 19,10 27,25 42,7%
Hagar hf. 45,75 63,70 39,2%
Skeljungur hf. 8,70 10,85 24,7%
Sýn hf. 33,00 41,00 24,2%
Reitir fasteignafélag hf. 67,90 74,60 9,9%
Icelandair Group hf. 5,65 1,64 -71,0%
Bréf skráð á árinu 2021*
Félag Skáð Dagslokaverð* 14. júlí 2021 Verðbreyting
Íslandsbanki hf. 22. júní 2021 94,60 107,50 13,6%
Síldarvinnslan hf. 27. maí 2021 65,20 67,20 3,1%
*Verðbreytingin nær frá dagslokaverði á fyrsta viðskiptadegi en ekki frá útboðsgengi
Heimild: Kauphöll Íslands
- Gengi hlutabréfa í Kauphöll Íslands hækkað um 72,6% síðan faraldurinn hófst - Úrvalsvísitalan
hækkað um 74,85% - Aðeins eitt félag með neikvæða ávöxtun - Play og Solid Clouds brautryðjendur
Snorri
Jakobsson
Magnús
Harðarson
Morgunblaðið/Hari
Peningar Þátttaka á hlutabréfa-
markaði hefur stóraukist.
28 FRÉTTIR
Viðskipti | Atvinnulíf
MORGUNBLAÐIÐ FIMMTUDAGUR 15. JÚLÍ 2021
Allt um
sjávarútveg
« Arion banki hefur sent frá sér já-
kvæða afkomuviðvörun. Þannig sýna
drög að uppgjöri annars ársfjórðungs
að hagnaður bankans sé 7,8 milljarðar
króna og reiknuð arðsemi á árs-
grundvelli ríflega 16%. Er afkoman
umtalsvert umfram fyrirliggjandi spár
greiningaraðila. Í kjölfar þess að við-
vörunin var send tóku bréf bankans
nokkurn kipp í Kauphöll Íslands og
endaði dagslokagengi þeirra 2,7% yfir
því sem bréfin stóðu í við upphaf við-
skipta í gær. Er markaðsvirði bankans
nú 281,4 milljarðar króna. Í tilkynning-
unni kemur fram að helstu breytingar
milli ára liggi í virðisbreytingu útlána.
Þær séu nú jákvæðar um 0,9 milljarða
en hafi verið neikvæðar um 0,8 millj-
arða á sama fjórð-
ungi í fyrra. Þá
námu hreinar
þóknanatekjur á
fjórðungnum 3,6
milljörðum króna
en voru 2,7 millj-
arðar á sama tíma
í fyrra. Rekstrar-
tekjur Arion banka
á fjórðungnum
nema 15 millj-
örðum króna og
þar af eru tekjur af kjarnastarfsemi
um 12 milljarðar. Hækka þær um
10,5% frá sama fjórðungi 2020.
Rekstrarkostnaður nemur ríflega 6
milljörðum króna.
Arion hagnast um 7,8 milljarða á fjórðungnum
Uppgjör Benedikt
Gíslason er banka-
stjóri Arion banka.
STUTT
« Gjaldeyrisforði Seðlabankans stóð í
856 milljörðum króna í lok júní og
hækkaði um 16,5 milljarða króna milli
mánaða. Þetta má lesa í nýbirtum hag-
tölum bankans. Þar sést að lang-
stærstur hluti forðans er varðveittur
í erlendum verðbréfum, eða 665 millj-
arðar króna. Minnkar sú eign þó um
tæpa 4 milljarða milli mánaða. Hins
vegar jukust seðlar og innstæður um
tæpan 21 milljarð og stóðu í 144 millj-
örðum í lok mánaðarins. Gullforði bank-
ans hefur lítið sveiflast undanfarna
mánuði og stendur nú í 13,9 milljörðum
en nam 14,7 milljörðum í lok maímán-
aðar.
Gjaldeyrisforði Seðla-
bankans óx í júnímánuði
■ 2 töflur fyrir eða með fyrsta drykk og 2 töflur fyrir svefn
■ Dregur úr þreytu og óþægindum.
■ Inniheldur öfluga B-vítamínblöndu og
magnesíum ásamt rósepli og kaktus extrakt.
Fæst í apótekum og heilsuhillum verslana
Vertu laus við
þynnkuna í sumar!
.