Fréttablaðið - 13.11.2021, Side 88

Víkurhvarfi 6 - 203 Kópavogur - Sími 412 1700 - idex@idex. is
www.idex.is
Byggðu til framtíðar með lausnum frá IDEX
Betri gluggar - betri heimili
Opel merkið hefur átt sínar
hæðir og lægðir í sölu á Íslandi
en það var vinsælt merki um
aldamótin. Opel Astra hlaut
titilinn Bíll ársins í Evrópu
árið 2016, en næstu kynslóðar
hans er að vænta á næsta ári.
njall@frettabladid.is
Opel umboðið mun vera að færast
yfir til Brimborgar, en Bílabúð
Benna hefur haft Opel umboðið
síðan 2014 þegar það fór frá BL. Á
þeim tíma  missti Bílabúð Benna
Chevrolet umboðið vegna ákvörð­
unar GM um að hætta sölu á merk­
inu í Evrópu. Opel merkið er nú
undir Stellantis samsteypunni eftir
samruna Fiat Chrysler Automo­
biles og PSA í Frakklandi, og byggir
hönnun nýrra Opel bíla að miklu
leyti á undirvögnum og vélbúnaði
PSA. Það þarf því ekki að koma á
óvart að Brimborg sé að taka við
merkinu, enda eru bæði Peugeot og
Citroen merkin þar innandyra.
Að sögn Egils Jóhannssonar,
forstjóra Brimborgar, er þetta til­
komið vegna þess að Stellantis vill
f lytja ábyrgð á innf lutningi, sölu
og þjónustu á Opel bílamerkinu
til Brimborgar sem er með önnur
merki þeirra fyrir. Egill vildi á þessu
stigi ekki fara út í nánari útfærslu á
hvernig og hvenær tilfærslan fer
fram. Mun Opel merkinu vera ætl­
aður staður í aðalbyggingu Brim­
borgar til að byrja með, en víst verð­
ur þröngt þar í húsi þar sem stutt er
í að annað merki verði kynnt þar,
sem er Polestar rafbílamerkið sem
er systurmerki Volvo.
Næsti bíll Opel merkisins á
markað er hinn mikilvægi Opel
Astra sem kemur nú í sinni áttundu
kynslóð og verður meðal annars
boðinn sem tengiltvinnbíll. Hann
var frumsýndur í fimm dyra útgáfu
fyrir stuttu en einnig hefur verið
uppi orðrómur að blendingsútgáfu
sé að vænta undir nafninu Opel
Astra Cross. Bílarnir verða með
þriggja strokka 1,2 lítra bensín­
vélum og 1,5 lítra dísilvélum ásamt
tveimur tengil tvinnútgáfum sem
eru 180­225 hestöfl. Loks er von á
rafdrifnum Astra­e árið 2023. ■
Opel umboðið mun færast
til Brimborgar á næstunni
Opel merkið hefur verið hjá Bílabúð Benna í sjö ár en nú er stutt í að það flytji á Bíldshöfðann.
njall@frettabladid.is
Kia kynnti í gær fyrstu myndirnar af
nýjum hugmyndabíl sem ber heitið
Kia EV9. Um er að ræða hreinan
rafbíl sem kemur í kjölfarið á frum­
sýningu á Kia EV6 en Kia EV9 er
væntanlegur á markað 2023. Um
sjö sæta bíl er að ræða sem er mikill
um sig svo að ekki verður hægt að
selja hann á sumum mörkuðum í
Evrópu en telja má líklegt að hann
fari í sölu á Íslandi samt sem áður.
Innandyra verður mjög breiður
upplýsingaskjár sem nær yfir miðju­
stokk bílsins.
Að sögn Kia verður hægt að breyta
uppsetningu innandyra sem gefur
til kynna að hægt sé að færa til sæti
meira en áður. Bíllinn mun að öllum
líkindum koma á E­GMP undirvagn­
inum og hafa meira drægi en EV6
þar sem meira pláss er fyrir stærri
raf hlöðu. Kia EV9 verður frum­
sýndur formlega á bílasýningunni
í LA sem hefst í næstu viku og munu
koma nánari upplýsingar um bílinn
í næsta bílablaði Fréttablaðsins. ■
Sjö sæta Kia EV9
rafbíllinn væntanlegur
Kia EV9 verður stór sjö sæta rafbíll
með miklu plássi innandyra.
njall@frettabladid.is
Aðeins nokkrum dögum eftir að
Toyota kynnti bZ4x rafbílinn sinn
kynnti Subaru til sögunnar Solterra
raf bílinn í lok vikunnar. Bíllinn
var frumsýndur í Japan en honum
er ætlað að seljast á alþjóðlegum
markaði. Subaru Solterra verður
aðeins seldur sem fjórhjóladrifs­
bíll og er hann með tveimur 107
hestafla rafmótorum. Samtals skilar
hann því 215 hestöflum gegnum X­
Mode fjórhjóldrifskerfið.
Bíllinn verður með sömu 71,4
kWst rafhlöðu og systurbíllinn frá
Toyota sem gefur honum allt að 460
km drægi. Bíllinn er nokkuð líkur
bZ4x fyrir utan framsvipinn sem
er ákveðnari. Það sama á við innan­
dyra þar sem sams konar skjábún­
aður er fyrir hendi, með sáralitlum
breytingum á innréttingu. Búast má
við bílnum í sölu í Evrópu snemma
næsta sumar, en fyrstu eintökin á
Íslandi koma í júní. ■
Subaru kynnir rafbílinn Solterra
Subaru Solterra verður aðeins seldur sem rafdrifinn fjórhjóladrifsbíll.
njall@frettabladid.is
Volkswagen AG áætlar að byggja
nýja verksmiðju fyrir tilvonandi
f laggskip sitt í nágrenni Wolfs­
burg. Trinity rafbíllinn fer að öllum
líkindum á markað árið 2026 og
mun hann keppa við Tesla, og þá
einnig í framleiðsluferlinu. Hefur
markið verið sett á að aðeins taki 10
klukkustundir að framleiða bílinn
sem framleiddur verður í 250.000
eintökum á ári. Trinity verður fyrsti
bíll Volkswagen sem byggður verður
á nýjum SSP sem er skalanlegur og
mun fjölhæfari en MEB undirvagn­
inn sem nú er í notkun.
Til að gera þetta mögulegt telur
Volkswagen að byggja þurfi nýja
risaverksmiðju sem einblínir á
framleiðslu Trinity­bílsins. Mun
það vera ódýrara en að breyta
núverandi verksmiðju sem fram­
leitt getur 500.000 bíla á ári. Er þetta
því hreint viðbót við framleiðslugetu
Volkswagen. Stjórn Volkswagen á þó
eftir að taka endanlega ákvörðun en
fjármögnun hennar er tilbúin. Búast
má við endanlegri ákvörðun í næsta
mánuði frá Volkswagen en telja
má afar líklegt að af þessum fram­
kvæmdum verði. Risaverksmiðja
Tesla fyrir utan Berlín mun geta
framleitt allt að 500.000 bíla á ári. ■
Volkswagen byggir nýja
verksmiðju fyrir Trinity
Með Trinity vonast Volkswagen til
að geta keppt við Tesla hvað varðar
framleiðslugetu.
Næsti bíll Opel merkis-
ins á markað er hinn
mikilvægi Opel Astra
sem kemur nú í sinni
áttundu kynslóð og
meðal annars sem
tengiltvinnbíll.
BÍLAR FRÉTTABLAÐIÐ 13. nóvember 2021 LAUGARDAGUR