Múlaþing: byggðasögurit Austurlands - 01.01.2002, Side 81

Brúðkaupsferð á hestum 1944
Jónína og Vilhjálmnr með börn. Guðmundur Víðir, Jónína, Sigurlaug, Vilhjálmur, Einar Hafsteinn, Þórdís.
Ljósm. frá höfundi.
tökur. Ekki man ég nú lengur hvað hjónin
þar hétu en þau reyndust okkur mjög hlý og
veittu okkur ýmsar leiðbeiningar um hvemig
við skyldum haga okkar ferð.
Vargurinn gerir atlögu
Við vorum undir það búin að dagurinn
eftir yrði strangur því við höfðum ákveðið
að ná að Grímsstöðum á Fjöllum þann dag.
Fljótsheiðin er ekki há og því ekki neinn
fjallvegur. Veðrið var ennþá gott en tals-
verður vindur. Við komum niður að Einars-
stöðum og ég held að bílvegurinn sé svo til á
sama stað yfir heiðina í dag og hann var fýrir
50 árum. Eg fór á símstöðina sem var þarna
rétt hjá til þess að hringja í Grímsstaði og
biðja um ferju yfir Jökulsá á Fjöllum, sem þá
var óbrúuð hjá Grímsstöðum.
Ég náði tali af Kristjáni bónda og sagði
honum allt um okkar hagi og ráðgaðist við
hann um á hvaða tíma við mundum vera
þarna um kvöldið. Hann spurði hvort við
værum vel ríðandi og lét ég nokkuð vel yfir
því, að minnsta kosti hefðum við tvo gæðinga
ásamt þremur öðrum hestum sem væri vel
reitt. Hann taldi að við mundum verða komin
austur að á um klukkan ellefu um kvöldið og
sagðist verða þar við ána á þeim tíma.
Nú riðum við inn Reykjadalinn og að
Laugum þar sem við áðum um stund. Síðan
héldum við upp sniðgötur sem ennþá voru
sýnilegar enda þótt umferð um þær væri
löngu lokið. Leiðin upp var auðveld og
ekki svo hátt upp á heiðarbrúnina.
I Laxárdal komum við nær miðjum degi
í sól og besta veðri. Við vorum nálægt bæ
þeim er Þverá heitir og hittum bónda í
túnfætinum. Var hann að fara af bæ.
Við heilsum honum og vildi hann frétta
af okkar ferðum, og sögðum við honum allt
af létta af okkar ferðalagi.
Við vorum nú farin að finna til sultar og
þegar bóndi bauð okkur kaffí báðum við
hann að gefa okkur heldur t.d. hafragraut
79