Fréttablaðið - 25.11.2021, Blaðsíða 18

Hlutabréf hafa verið að
hækka í verði og þá eru
margir sem vilja
kaupa. Það er eðlilegt
að þú hoppir á vagn-
inn þegar eitthvað er
búið að hækka mikið.
Aníta Rut Hilmarsdóttir, fjárfest-
ingaráðgjafi
Hið opinbera er betra í
að setja reglur en að
reka innviði.
Orri Hauksson,
forstjóri Símans.
Þrjár ungar konur hafa vakið
athygli fyrir frumlega og
skemmtilega nálgun sína
að umfjöllun um fjármál og
fjárfestingar og halda þær
úti Insta gram-reikningi sem
nýtur mikilla vinsælda.
elinhirst@frettabladid.is
Áhugi almennings á verðbréfa-
kaupum hefur aukist mjög á undan-
förnum misserum, sérstaklega í ljósi
þess að bankavextir hafa lækkað.
Þrjár athafnakonur, þær Rósa
Kristinsdóttir, Aníta Rut Hilmars-
dóttir og Kristín Hildur Ragnars-
dóttir, hafa gefið út bókina Fjár-
festingar, til þess að gera þessi mál
aðgengileg almenningi „án þess að
svæfa þig úr leiðindum“, eins og segir
í bókinni. Einnig er hægt að fara inn
á Insta gram-reikninginn Fortuna
Invest, sem þær reka, til þess að fá
daglega fræðslu um fjárfestingar.
„Fólk talar yfirleitt lítið um fjár-
mál sín við aðra. Því finnst þetta
vera svo mikið einkamál. Samt erum
við öll að taka þessar stóru ákvarð-
anir í tengslum við peningamál
okkar og þurfum oft á ráðleggingum
að halda. Þetta er eitthvað sem við
viljum breyta, opna þessa umræðu
og einfalda hana,“ segir Rósa Krist-
insdóttir fjárfestingaráðgjafi. Rósa
og Aníta Rut Hilmarsdóttir voru
gestir í þættinum Markaðnum á
Hringbraut í gærkvöldi.
„Hlutabréf hafa verið að hækka
í verði og þá eru margir sem vilja
kaupa. Það er eðlilegt að þú hoppir
á vagninn þegar eitthvað er búið
að hækka mikið,“ segir Aníta Rut
Hilmarsdóttir. „Okkur er heldur
ekki eðlislægt að kaupa eitthvað
sem hefur lækkað, þannig að þetta
er mjög mikil sálfræði,“ segir hún
enn fremur.
„Við höfum lagt grunn að því að
fólk hugsi þetta alltaf til lengri tíma,
þó að það sé mjög auðvelt að láta
stjórnast af einhverjum skamm-
tímasveiflum. Svo þegar tölurnar
verða rauðar tekur fólk oft óskyn-
samlegar ákvarðanir og vill selja í
stað þess að hugsa til lengri tíma.
Eðli hlutabréfa er að sveiflast í verði
og fólk verður að vera meðvitað um
það,“ segir Aníta.
Þær segja að hið nýja lágvaxta-
umhverfi, sem við Íslendingar
höfum kynnst á síðustu misserum
þegar stýrivextir lækkuðu mjög
hratt, sé alveg nýr veruleiki. Það er
ekki lengur nóg að setja peninga
inn í banka og fá fína ávöxtun með
lítilli áhættu, en ávöxtun og áhætta
haldist í heldur.
„Eitt af því sem við viljum leggja
áherslu á er að við erum alla ævina
að spara í gegnum lífeyrissjóða-
kerfið,“ segir Rósa. „Það eru ótrú-
lega margir sem vita ekki einu sinni
í hvaða lífeyrissjóð þeir eru að greiða
eða hvernig lífeyrissjóðirnir virka og
hvernig þeir eru að ávaxta fé okkar.“
Aníta bætir við að það séu einnig
örfáir sem mæti á ársfundi lífeyris-
sjóðanna: „Maður myndi ætla að
margir hefðu eitthvað um hlutina að
segja, til dæmis ef þeir eru óánægðir
með hvernig lífeyrissjóðurinn þeirra
er að fjárfesta.“
Íslenska lífeyrissjóðakerfið er
orðið gríðarlega stórt og það sé
stærsti leikmaðurinn á íslenskum
verðbréfamarkaði. Aníta Rut segir
að lífeyrissjóðirnir séu með mjög
virka eignastýringu. „Við gleymum
mjög oft að þetta eru peningar sem
fara af launum okkar mánaðarlega
til lífeyrissjóðanna og viljum við
ekki vita hvað verður um þá pen-
inga?“ Rósa segir að þær séu einmitt
með sérstakan kafla um lífeyris-
sjóðina í nýútkominni bók sinni,
Fjárfestingar, Fortuna Invest, til þess
að fræða fólk um þetta.
„Svo erum við einnig á Insta-
gram. Við völdum þann miðil fyrir
fólk sem gefur sér ekki tíma til að
eyða löngum stundum í að stúd-
era fjárfestingar. Við höfum þetta
einfalt og það kemur eitthvað nýtt
inn á hverjum degi. Þá hættir þetta
að vera íþyngjandi og þú sækir þér
þessa fræðslu í smáum skömmtum,“
segir Rósa Kristinsdóttir. n
Peningamál fólks eru svo mikið einkamál
Rósa Kristinsdóttir og Aníta Rut Hilmarsdóttir voru gestir Markaðarins á Hringbraut í gærkvöldi. FRÉTTABLAÐIÐ/VALLI
helgivifill@frettabladid.is
Of mikið af innviðum á fjarskipta-
markaði er í opinberri eigu, að sögn
Orra Haukssonar, forstjóra Símans.
„Hið opinbera er betra í að setja
reglur en að reka innviði.“ Hann
nefnir í því samhengi til að mynda
Farice sem rekur netsæstrengi og
Ljósleiðarann (áður Gagnaveitan)
sem rekur ljósleiðarakerfi.
Þetta kemur fram í viðtali við
sjónvarpsþátt Markaðarins sem
frumsýndur var klukkan sjö í gær-
kvöldi á Hringbraut, þar sem Orri
ræddi sölu Símans á Mílu til franska
innviðasjóðsins Ardians. Eftirlits-
aðilar eiga eftir að samþykkja
kaupin.
Ljósleiðarinn er keppinautur
Mílu en fyrirtækið er í eigu Orku-
veitu Reykjavíkur, sem er nánast
að öllu leyti í eigu borgarinnar.
Það þykir Orra vera óeðlileg sam-
keppni og nefnir að í ljós hafi komið
að fyrirtækin hafi blandað saman
fjármunum úr samkeppnisrekstri
og rekstri sem sé háður einkaleyfi.
Orri segir að víða erlendis sé
horft til þess að mikil samkeppni
ríki á fjarskiptamarkaði þegar litið
sé til þjónustu, en að fyrirtæki vinni
saman þegar kemur að rekstri inn-
viða. „Hér höfum við farið þá leið
að vera með samkeppni í innviðum
líka,“ segir hann.
Að sögn Orra hafi verið unnið
hratt við að samnýta fjarskiptainn-
viði þegar gosið í Geldingadölum
hófst. „Neyðarlínan leiddi það
verkefni,“ segir hann og nefnir að
hægt væri að fara í samstarf víðar
um land, svo sem með 5G-farsíma-
kerfi og í ljósleiðaravæðingu, því
það séu svæði á Íslandi sem séu svo
fámenn að erfitt sé að keppa á sviði
fjarskiptainnviða í hagnaðarskyni.
Orri segir meðal annars um til-
drög að sölu á Mílu, að stjórnendur
Símans hafi legið undir ámæli frá
fjárfestum því stór hluti af sjóðs-
streymi félagsins hafi farið í fjár-
festingar og því minna orðið eftir
handa hluthöfum. Af þeim sökum
hafi Síminn heldur dregið úr fjár-
festingum, þótt farið hafi verið í
miklar fjárfestingar við uppbygg-
ingu á 4G farsímakerfum, ljósleið-
arauppbyggingu og f leiru. Síminn
hafi marga haghafa og því þurfi að
líta til margra sjónarmiða.
Hann bendir á að Ardian horfi til
langs tíma og geti því tímasett sínar
fjárfestingar með öðrum hætti en
Síminn, sem sé skráður í Kauphöll.
Íslendingum þyki kaupin á Mílu
stór, en í huga stjórnenda Ardian
sé um tiltölulega lítil viðskipti að
ræða. Ardian hafi hug á að fjárfesta
í uppbyggingu Mílu til að auka
umsvif fyrirtækisins og koma fjár-
magni í umferð. Orri segir aðspurð-
ur að Síminn sé ekki besti eigand-
inn að Mílu. Eftirlitsstofnanir
leggi til dæmis meiri kvaðir á bæði
félögin vegna eignarhaldsins.n
Of mikið af innviðum á fjarskiptamarkaði í opinberri eigu
18 Fréttir 25. nóvember 2021 FIMMTUDAGURFRÉTTABLAÐIÐMARKAÐURINN FRÉTTABLAÐIÐ 25. nóvember 2021 FIMMTUDAGUR