Fréttablaðið - 25.11.2021, Blaðsíða 30

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
„Það er fátt betra en að sofa í
góðum rúmfötum og rúmfötin
sem við flytum inn eru svo sannar­
lega mjúk og dásamleg viðkomu,“
segir Björn Þór Heiðdal, eigandi
einu sérverslunarinnar með rúm­
föt á Íslandi.
Rúmfötin sem fást í Rúmföt.is
koma langflest frá Ítalíu, Þýska­
landi og Kína.
„Áður en ég opnaði Rúmföt.is
vann ég í þvottahúsi A. Smith, sem
afi minn stofnaði. Þar þvoði ég
rúmföt allan daginn í yfir tuttugu
ár, og þaðan er áhugi minn á rúm­
fötum líklega kominn,“ segir Björn.
„Það var svo dag einn árið 2003
að ég vildi gera eitthvað meira og
byrjaði að flytja inn rúmföt fyrir
hótel. Ég man ekki nákvæmlega
hvað ég hafði samband við margar
verksmiðjur en þær skiptu tugum,
ef ekki meira. Ég fékk prufur frá
merkjum eins og Frette á Ítalíu og
Dibella í Þýskalandi, en bæði eru
mjög stór í hótelbransanum og
með breiða vörulínu. Ég verslaði
líka við frönsk fyrirtæki, eitt í
Belgíu og annað frá Danmörku,
og einhverjar prufur fékk ég frá
Portúgal og gott ef ekki frá Make­
dóníu. Eftir smá tíma var ástandið
orðið svo alvarlegt að ég þurfti að
nota skóhorn til að komast inn á
skrifstofuna. Prufur út um allt og
kassar upp í loft!“ segir Björn og
skellir upp úr.
Ekki lengur framleitt í Evrópu
Flestar prufurnar komu frá Kína.
„Ég áttaði mig nefnilega fljótlega
á að evrópsku fyrirtækin voru ekki
endilega að framleiða sín rúmföt
sjálf, í eigin verksmiðjum. Stærsta
fyrirtækið lét til dæmis framleiða
flest handklæðin sín á Indlandi
og margt var framleitt í Tyrklandi.
Þaðan fékk ég líka prufur, og frá
sömu verksmiðjunum og evrópsku
merkin keyptu frá,“ greinir Björn
frá.
Ekkert af því heillaði hann upp
úr skónum.
„Það var ekki fyrr en ég datt
niður á rétta verksmiðju í Kína,
að hjólin fóru að snúast. Tveimur
árum síðar byrjaði ég að selja rúm­
föt frá ítalska fyrirtækinu Quagli­
otti, en það fyrirtæki framleiðir
enn allt sitt í eigin verksmiðju. Mér
finnst það skipta svo miklu máli.
Að versla beint við fyrirtæki sem
framleiða sín rúmföt sjálf.“
Stórbruni breytir framtíðinni
Líða nú árin í þvottahúsinu eitt af
öðru.
„Þegar mest var störfuðu hjá mér
fimmtán manns, sem var mikill
lærdómur. Árið 2014 verða svo
ákveðin tímamót, þegar þvotta­
húsið Fönn brann í júlí. Ég var þá
staddur í sumarbústað og sá svart­
an reyk stíga til himna. Við móðir
mín, sem á þvottahúsið, ákváðum
strax að rétta Ara Guðmundssyni í
Fönn hjálparhönd, sem hann þáði.
Þarna, á einni nóttu, tvöfaldaðist
því þvottamagnið og við bættist
brjáluð helgarvinna,“ upplýsir
Björn.
Á svipuðum tíma fann hann
saumastofu í Kína sem gat fram­
leitt fyrir hann vönduð rúmföt
fyrir heimili í litlu magni, en fram
að því hafði slíkt verið vandamál.
„Um haustið var ég orðinn svo
uppgefinn að ég sagði við sjálfan
mig að þetta væri komið gott.
Ég þyrfti að breyta til og finna
skemmtilegri vinnu sem gæti líka
verið áhugamál,“ segir Björn. Þó
liðu fjögur ár enn þar til hann
hætti og opnaði Rúmföt.is.
„Áður en ég opnaði búðina heim­
sótti ég Heimtextil­sýninguna
í Franfurt. Fyrsta daginn ráfaði
ég stefnulaust um gangana og
spjallaði meðal annars við nokkra
Pakistana sem allir spurðu hvað ég
vildi marga. „Marga hvað?“, hváði
ég. „Jú, hvað viltu marga gáma af
vörum?“ Svo kom næsta spurning:
„Hversu oft á ári?“ Einn Pak­
istananna sá strax að ég væri ekki
margra gáma maður og sagði allt
í lagi að byrja smátt og panta bara
einn gám. Svo rakti karlinn sögu af
Pólverja sem hafði byrjaði smátt en
væri nú með heila keðju af búðum
um allt Pólland og orðinn virkilega
stór viðskiptavinur.“
Gæði frekar en magn
Björn langaði hins vegar ekkert að
verða umsvifamikill og stór.
„Ég vildi bara finna flottustu
og bestu rúmfötin á sýningunni.
Að flytja inn gáma frá Pakistan
eða Tyrklandi, fulla af sæmilegum
rúmfötum, var hvorki raunhæft
né heillandi. Ég kunni betur við
Kínverjana á sýningunni. Þeir
voru líka með betri efni og minna
agress ívir,“ segir Björn, sem á
Heimtextil í Frankfurt myndaði
góð tengsl við nokkar kínverskar
verksmiðjur sem í dag framleiða
fyrir hann rúmföt úr silki, dún­
sængur og kodda.
„En það var ekki fyrr en ég
álpaðist upp á efstu hæð í höll
númer ellefu að ég sá ljósið. Ég fékk
hreinlega ofbirtu í augun því rúm­
fötin voru svo flott. Þetta var ítölsk
verksmiðja og ég fékk fínar mót­
tökur. Ítalirnir spurðu mig reyndar
hvað ég vildi mikið í metrum talið,
sem hljómaði betur en allt gáma­
talið í Pakistönunum, og í f luginu
heim vissi ég að ég væri kominn
með allt til að opna búðina.“
Jólasalan fer vel af stað
Jólin eru komin í Rúmföt.is.
„Við erum að sjá mörg andlit sem
hafa verslað hjá okkur áður. Einlita
600 og 900 þráða bómullarsatínið
er mjög vinsælt í ár og hentar í alla
jólapakka. Svo erum við líka með
þessi geggjuðu ítölsku rúmföt sem
ég fann á sýningunni,“ upplýsir
Björn.
Í síðustu viku kom í búðina kona
og verslaði rúmföt handa öllum í
fjölskyldunni.
„Í fyrra hafði hún nefnilega gefið
dóttur sinni rúmföt og sú hafði
aldrei sofið undir neinu betra né
jafn góðu. Rúmfötin okkar geta
því verið mjög góðar jólagjafir sem
fólk kann að meta. Sérstaklega ef
viðkomandi á allt, eða maður veit
ekki hvað á að gefa. Síðan er ekkert
mál að skipta eftir jól eða kaupa
gjafakort hjá okkur,“ segir Björn.
Í ár er úrvalið líka meira en
nokkru sinni fyrr í Rúmföt.is.
„Það var dálítið tvísýnt hvort
jólavörurnar kæmust til landsins,
en Arnarfellið lagðist að bryggju
með gáminn okkar á mánudaginn
var. Sú pöntun var gerð í sumar
og reyndi ég að velja rómantísk
munstur í bland við geómetrísk,
og svo pantaði ég nokkur óhefð­
bundin sem mér þótti f lott. Ég
get ekki beðið eftir að taka upp
úr kössunum og fylla allar hillur
af hágæða lúxusrúmfötum,“ segir
Björn kátur og sannarlega kominn
í jólaskap. n
Rúmföt.is eru á Nýbýlavegi 28 í
Kópavogi. Sími 565 1025. Skoðið
úrvalið á rumfot.is. Opið virka
daga frá 12 til 17.30 og á laugar-
dögum frá 11 til 15.
Kóngafólk heimsins sefur undir ítalska rúmfatnaðinum frá Quagliotti.
Æðislega flott og vönduð rúmföt frá þýska framleiðandanum Curt Bauer.
Magga saumakona á veg og vanda af vönduðum sérsaumi rúmfata. Undurfallegt og ljósgrænt Magnolia úr bómullarsatíni.
900 þráða silkimjúkt satín veitir yndislegan nætursvefn.
Nú er hátíð í bæ í Rúmföt.is enda nýkomin glæsileg jólasending í hús. Magga saumakona hér kát að líta á fegurðina.
Tunglið mitt eru falleg rúmföt úr bómullarsatíni.
Glæsilegt og
vandað damask
frá Curt Bauer.
Það var ekki fyrr
en ég álpaðist upp á
efstu hæð í höll númer
ellefu að ég sá ljósið. Ég
fékk hreinlega ofbirtu í
augun því rúmfötin voru
svo flott.
2 kynningarblað A L LT 25. nóvember 2021 FIMMTUDAGUR