Heilsuvernd - 01.09.1952, Side 9

HEILSUVERND
69
rannsakað mál, um hve mikið gildistap þar er að ræða, og
sama máli gegnir um gildistap matvæla við mismunandi
geymsluaðferðir, sem almenningur telur sér trú um að sé
„fyrsta flokks“, eins og frysting og niðursuða. Efnagrein-
ingar, með venjulegum aðferðum, hafa nær ekkert gildi,
þessu til svars eða úrlausnar. Úr því yrði bezt leyst með
fóðrun tilraunadýra á geymdum matvælum, með saman-
burði við fóðrun á þeim alveg glænýum. Sennilega mundi
það kosta allmikið fé að gera umfangsmiklar og ábyggi-
legar tilraunir með þeim hætti, en það er verkefni, sem
væri samboðið N.L.F.I., að sýna og sanna, með órækum
tilraunum, hve mikið tapast af upprunalegu gildi fæðu-
tegunda, eftir því hvaða aðferðum er beitt við geymslu
þeirra, eða varðveizlu, suðu, og alla tilreiðslu, þangað til
þær eru á borð bornar. Niðurstöðurnar af slíkum rann-
sóknum mundu vafalaust vekja athygli, og víst er um, að
menn láta miklu fremur skipast í skoðunarhætti sínum
af áþreifanlegum dæmum, en almennum fortölum.
Að sjálfsögðu þyrftu slíkar tilraunir að ná til fleiri mat-
vælategunda en innlendrar framleiðslu. T. d. væri ekki
vanþörf á að rannsaka, með slíkum hætti, neyzlugildi (rétt-
ara sagt: lífsþrifagildi) aðfluttra og malaðra kornvöru-
tegunda, sem oft eru geymdar og legnar, og bera þær nið-
urstöður saman við gildi sömu tegunda, nýmalaðra, o. s.
frv. Verkefnin eru óþrjótandi í þessu tilliti, og úrlausn
þeirra hefir svo almenna þýðingu fyrir þjóðina, að það
virðist engin fjarstæða að ætlast til, að lagt yrði allríflegt
fjárframlag af almannafé til svo mikilsverðra rannsókna,
þótt félagsskapur eins t. d. N.L.F.I. hefði þær með höndum
og stæði ábyrgt af framkvæmdum þeirra.
Enginn skilji orð mín og uppástungur í framangreindu
máli svo, að í þeim liggi tillögur um, að N.L.F.Í. hverfi frá
þeim kenningum og stefnu, sem það hefir áður borið fram,
eða slaki á kröfum þeim, sem það hefir haldið uppi um
fyllstu hollustuhætti í mataræði. Hér er einungis lagt til,
að það starfi jafnframt á breiðara grundvelli, nái þannig