Fréttablaðið - 22.12.2021, Page 11

FJÁRFESTING Í SJÓÐUM
ER GÓÐUR VALKOSTUR
TIL AÐ ÁVAXTA PENINGA TIL
SKEMMRI OG LENGRI TÍMA
Kynntu þér árangur og úrval
ÍV sjóða á WWW.IV.IS
n Svipmynd
María Björk Einarsdóttir
Fyrri störf: Sérfræðingur hjá
Íslandsbanka 2012-2013.
Sérhæfðar fjárfestingar hjá
GAMMA Capital Management
2013-2014.
Framkvæmdastjóri Ölmu íbúða-
félags 2014-2021.
Nám: B.Sc. í rekstrarverkfræði frá
Háskólanum í Reykjavík 2012.
Próf í verðbréfaviðskiptum.
Fjölskylduhagir: Er trúlofuð Ellerti
Arnarsyni, sérfræðingi í eignastýr-
ingu.
María segir að stórborgir á meginlandi Evrópu séu í miklu uppáhaldi hjá sér.
FRÉTTABLAÐIÐ/VALLI
María Björk Einarsdóttir starfar sem
fjármálastjóri Eimskips. Hún segir
að hún reyni að samtvinna samveru
með fjölskyldunni öðrum áhuga-
málum eins og ferðalögum, útivist
og fluguveiði.
Hver eru þín helstu áhugamál?
Samvera með fjölskyldunni er
mjög fyrirferðarmikil þessa dagana,
enda með tvö ung börn sem maður
vill forgangsraða í frítímanum.
Maður reynir að samtvinna hana
öðrum áhugamálum, eins og ferða-
lögum, útivist og fluguveiði. Ég les
líka mikið af bókum og greinum
og hlusta á hlaðvörp til að afla mér
fróðleiks og þekkingar. Nýjasta
áhugamálið er svo draumahúsið
sem við fjölskyldan keyptum á
árinu, en markmiðið er að gera það
upp á næstu árum sem verður risa-
vaxið verkefni.
Hvaða bók hefur haft mest áhrif
á þig?
Það er ekki spurning að það er
sjálfsævisaga Malcolm X, sem er
stórkostlegt ritverk um ótrúlegan og
umdeildan leiðtoga. Ég fyllist alltaf
innblæstri þegar ég les frásagnir
fólks sem hefur mætt miklu mót-
læti en staðið uppi sem sigurvegarar,
og ég las þrjár slíkar bækur á árinu.
Born a crime eftir grínistann Trevor
Noah sem segir frá uppvexti sínum
undir Apartheid í Suður-Afríku.
Can’t hurt me eftir David Goggins
sem ólst upp við heimilisof beldi,
kynþáttahatur og fátækt en braust
til ótrúlegra metorða í sérsveitum
bandaríska hersins og er einn öfl-
ugasti utanvegahlaupari heims, og
Educated eftir Tara Westover en hún
segir frá uppvexti sínum sem strang-
trúaður mormóni í Idahofylki. Án
þess að hafa fengið nokkra formlega
grunnmenntun barðist hún fyrir því
að komast í háskólanám og er hún í
dag virtur fræðimaður með doktors-
gráðu frá Cambridge.
Hver er helstu verkefnin fram
undan?
Ég kom til Eimskips fyrir þremur
mánuðum síðan og hef fókusað á að
kynnast rekstrinum og því frábæra
fólki sem hér starfar. Þar er ennþá
af nægu að taka því starfsemin er
gríðarlega fjölbreytt og teygir sig
víða um heim, en við erum með
starfsfólk í tuttugu löndum.
Fyrstu vikurnar hafa að miklu
leyti farið í að vinna að fjárhags- og
viðskiptaáætlun fyrir næsta ár sem
hefur verið ótrúlega lærdómsríkt
ferli. Fjöldi manns kemur að áætl-
unargerðinni, sem hefur líklega
aldrei verið jafn krefjandi og nú, en
eins og f lestir vita eru aðstæður á
alþjóðlegum flutningamörkuðum
fordæmalausar. Á nýju ári verður
helsta verkefnið að framfylgja því
plani sem hefur verið lagt upp með,
en á sama tíma að vera tilbúinn til
þess að sveigja af leið og bregðast
við nýjum og óvæntum áskorunum.
Flutningamarkaðurinn er ótrúlega
dýnamískur og það er nauðsynlegt
að búa yfir snerpu og sveigjanleika
til þess að mæta kröfum viðskipta-
vina. Það er ótrúlega ríkur þjón-
ustukúltúr innan fyrirtækisins og
gríðarmikil þekking og reynsla
sem hefur skipt sköpum í þessum
óvenjulegu aðstæðum.
Hvar sérðu þig eftir tíu ár?
Það er erfitt að spá svona langt
fram í tímann, en faglega vil ég
ennþá vera að læra, þróast og skora
sjálfa mig á hólm. Ég vona líka að
ég verði búin að halda brúðkaupið
okkar sem hefur verið frestað í þrí-
gang vegna Covid, en er sem stend-
ur á dagskrá 2022
Hver er uppáhaldsborgin þín?
Stórborgir á meginlandi Evrópu
eru almennt í uppáhaldi hjá mér og
það er erfitt að gera upp á milli. En
ætli ég segi ekki París þar sem það
er fyrsta borgin sem ég heimsótti
með unnustanum. Ég er líka mjög
hrifin af gömlum borgum Austur-
Evrópu, bæði Búdapest og Prag eru
í uppáhaldi, þær eru svo róman-
tískar. n
Fyllist innblæstri af lestri ævisagna
Seðlabankar margra landa áttu
fundi í síðustu viku m.a. í Englandi,
Evrópu og Bandaríkjunum, og biðu
fjármálamarkaðir með eftirvænt-
ingu eftir því hvað þeir segðu um
stefnu sína í stýrivöxtum og skulda-
bréfakaupum þ.e. magnbundna
íhlutun. Sumir bjuggust við hörðum
tóni og ákveðnum yfirlýsingum í
baráttunni gegn verðbólgunni.
Góður en viðkvæmur
efnahagsbati
Efnahagsbatinn hefur verið nokkuð
góður víðs vegar með auknum hag-
vexti og minnkandi atvinnuleysi
en mögulega hefur það verið keyrt
áfram af of mikilli peningaprentun
og of lausu taumhaldi peningastefn-
unnar. Það er spurning hvort fjár-
málaleg tilraunastarfsemi erlendra
seðlabanka muni að lokum bíta þá í
rassinn, enda er taumhald peninga-
stefnunnar í mörgum ríkjum mun
lausara en stýrivextir gefa til kynna
vegna skuldabréfakaupa þeirra og
peningaprentunar. Seðlabanki
Bandaríkjanna lýsti því yfir að verð-
bólgan væri stór ógn við bandarískt
hagkerfi, en ekki er hægt að segja að
hann grípi til mikilla aðgerða. Hann
er þó að draga úr magnbundinni
íhlutun og boðar þrjár vaxtahækk-
anir á næsta ári sem var nokkuð í
samræmi við væntingar markaðar-
ins. Hins vegar kom óvænt vaxta-
hækkun hjá Englandsbanka, heil
0,15%, sem hljómar nú meira eins og
einhvers konar skilaboð um stefnu-
breytingu heldur en raunveruleg
barátta við verðbólgu enda dropi í
hafið þegar verðbólgan er um 5%.
Evrópski seðlabankinn ætlar síðan
að draga úr sínum skuldabréfa-
kaupum, en samt ekki, og telur að
verðbólgan komi niður án vaxta-
hækkana, sem er einhver ný hag-
fræði.
Enn eru raunvextir
mjög neikvæðir
Þrátt fyrir vaxtahækkanir hér á
landi og nokkrum öðrum löndum
eru raunvextir enn verulega nei-
kvæðir og ættu að vera mun hærri
ef miðað er við t.d. Taylor-jöfnuna.
En hættan sem seðlabankar standa
frammi fyrir er að harðara taum-
hald peningastefnunnar muni
hægja um of á efnahagsbatanum
og jafnvel leiða hagkerfin í stöðn-
unarverðbólgu (e. stagflation), þ.e.
lágan hagvöxt samhliða hárri verð-
bólgu. Því virðist vera einhugur um
að leyfa verðbólgunni að krauma
aðeins lengur gegn því að hagkerfið
og fjármálamarkaðir standi sig vel.
Áhættan við peningaprentun
er verðbólga
Eftir eina stærstu lausafjárinn-
spýtingu í sögunni inn á markaði
er verðbólgan farin af stað og veldur
áhyggjum, sérstaklega vegna þess
að ekki sér enn fyrir endann á sam-
komutakmörkunum og vegna ráð-
stafana vegna kórónaveirunnar sem
krefst áframhaldandi stuðnings hins
opinbera við ákveðnar atvinnu-
greinar, og raskar jafnvægi á vinnu-
markaði og aðfangakeðjum. Stjórn-
völd voru tilbúin að taka áhættuna
við gegndarlausan fjáraustur og
skuldaaukningu samhliða peninga-
prentun og súpa þau nú seyðið af því
í formi hárrar verðbólgu. Hins vegar
er þessi mikla verðbólga ein leið
skuldsettra ríkissjóða til að „greiða
af“ lánum sínum og í rauninni ekk-
ert annað en ákveðin skattlagning
og tilfærsla á fé, sem kemur illa við
almennt launafólk. n
Verðbólga er alltaf og ætíð peningalegt fyrirbæri
Valdimar
Ármann
forstöðumaður
Eignastýringar
Arctica Finance
olafur@frettabladid.is
Heimurinn hefur staðið á öndinni
vegna Log4j, einhvers alvarlegasta
veikleika í tölvukerfum sem hefur
fundist, frá því að greint var frá til-
vist hans 9. desember síðastliðinn.
Nanitor er íslenskt nýsköpunar-
fyrirtæki sem sérhæfir sig í net-
öryggismálum fyrirtækja hérlendis
og erlendis. Lausn Nanitor var eitt
fyrsta heildstæða netöryggiskerfið
sem greindi og staðsetti veikleik-
ann í kóðasafninu Log4j niður á
einstakar tölvur svo viðskiptavinir
Nanitor gátu ráðist strax í mark-
vissar björgunaraðgerðir. Sjálfvirk
greining Nanitor kom í veg fyrir
tjón fyrirtækja á mun skemmri
tíma en aðrar hefðbundnar leiðir
hefðu skilað.
Sérstaða félagsins liggur í því
að Nanitor er með greiningartól
uppsett á netþjónum, útstöðvum,
netbúnaði og gagnagrunnum í
rauntíma og birtir stöðuyfirlit á skil-
virkan hátt í miðlægu stjórnborði.
Þetta stjórnborð gerir stjórnendum
fyrirtækja og netöyggis auðvelt að
hafa yfirsýn, bregðast markvisst og
hratt við mögulegri vá.
Nanitor hefur unnið í sjö ár
að því að búa til tæknina bak við
greiningartólið og tæknin felst í
því að geta sótt öryggisupplýsingar
niður í hverja einustu tölvu og tæki
sem staðsett eru hjá viðskiptavin-
um Nanitor í rauntíma.
Nanitor hefur fullt aðgengi að
öllum öryggisatriðum á helstu
s t ý r i k e r f u m , ne t bú n aði o g
gagna grunnum, sem teljast til
grunnöryggis upplýsingakerfa án
þess að treysta á þriðja aðila til að
safna saman grunngögnum eins og
margar eldri lausnir þurfa að gera.
Sérþekking Nanitor er alveg ný á
markaði en lausnin er byltingar-
kennd þegar kemur að netöryggis-
málum tölvukerfa.
Nanitor fékk styrk til tveggja ára
frá Rannís í júní 2021 fyrir verk-
efnið „Sjálfvirknivæðing í tölvu-
öryggi“. Félagið er f jármagnað
af stofnendum, Brunni Venture
Capital og einkafjárfestum. Meðal
viðskiptavina Nanitor eru Birming-
ham City Council, Booking.com,
Oman Arab Bank, Festi, Rarik, Val-
itor og Kópavogsbær.
„Eitt af því sem gefur okkur sér-
stöðu á markaðnum er að okkar
kerfi er sívirkt. Það er alltaf að
vakta,“ segir Jón Fannar Karlsson
Taylor, framkvæmdastjóri þróun-
ar- og rekstrarsviðs Nanitor. „Það
sem gerir Log4j að svona alvar-
legum veikleika er að hann býður
óprúttnum aðilum upp á að búa
til bakdyraaðgang að tölvukerfum
og komast beint í allar upplýsingar
í viðkomandi tölvu og kerfinu sem
hún er tengd. Þetta liggur í java-
kóða sem er svo algengur að varla
er til það fyrirtæki sem er ekki við-
kvæmt fyrir þessu. Við fylgjumst
með þessu í rauntíma. Það er hægt
að hreinsa veikleikann út og ef
hann birtist aftur vitum við það
um leið.“ n
Íslenskt nýsköpunarfyrirtæki með
lausn gegn Log4j-tölvuveikleikanum
Jón Fannar Karlsson Taylor er framkvæmdastjóri þróunar- og rekstrarsviðs
Nanitor. FRÉTTABLAÐIÐ/ERNIR
MARKAÐURINNMIÐVIKUDAGUR 22. desember 2021 FRÉTTABLAÐIÐ