Strandapósturinn - 01.06.1977, Side 15

Báturinn Rauður
selalagnir. Selalagnir eru miklu víðar frá Kolbeinsá en hér er
talið. Þar hefur lengi verið mikil selveiði sem farið hefur vaxandi
á seinni árum. Töluvert suður af Fúluvík er Seltangi og er þá
komið á suðausturhorn Kolbeinsárness. Seltangi er steinóttur
tangi sem gengur nokkuð út í sjóinn. Sunnanvert er nesið ekki
vogskorið og er leiðin upp í Selvík greiðfær, aðallega grundir.
Svo sem áður er getið mynda hólmarnir Kolbeinsárey og skerin
þar norður af varnargarð fram undan Búðarvogi. Þar af leiöandi
getur aldrei brimað í Búðarvogi og er alveg sama úr hvaða átt
vindur blæs. Sund er á milli hólmanna og lands. Það er fremur
mjótt en nokkurt dýpi er þar og aldrei kemur þar bára svo heitið
geti. Þvert inn úr því liggur Búðarvogur. Vogurinn sjálfur er lítill
og rúmast þar ekki margir bátar í einu, en þar er alltaf sjólaust.
Ef fiskibátarnir fengu norðan storm sigldu þeir suður fyrir eyj-
una og hólmana og þar inn í sundið. Væri hinsvegar sunnan-
hvassviðri fóru bátarnir að norðanverðu og inn i sundið þeim
megin frá. I voginum eru þrjú naust, þar var aldrei bryggja. Lent
13