Strandapósturinn - 01.06.1977, Page 20

Tannstaðabakka. Landmaður var þá Halldór Jónsson Kol-
beinsá, og er hans áður getið. Þegar þetta var treysti Halldór sér
ekki til róðra fyrir aldurs sakir.
Díana er síðasta skipið sem lagt hefur upp afla sinn í Búðar-
vogi. Hún var of stór bátur til þess að hægt væri að setja hana í
naust. Henni var því lagt í vognum, aðeins bundið fram og aftur
af henni. Búðin Hávella stóð uppi eitthvað fram yfir 1930.
Nú hvílir friður og ró yfir þessum fagra stað, Búðarvogi, sem á
vissum árstíma fyrri tíma iðaði af lífi, er forfeður okkar lögðu
nótt við dag til þess að sjá sér og fjölskyldum sínum farborða.
18