Strandapósturinn - 01.06.1977, Side 21

Ragnheiður Jónsdóttir
frá Broddadalsá:
Eyj ahey skapur
fyrri daga í
Broddanes-
eyjum
Broddanes var áður mikil hlunninda jörð. Æðarvarp var þar
mikið og dúntekja, selveiði, kofnatekja og nokkur viðarreki. Var
því mikið starf og margt fólk sem þurfti til að vinna að öllum
þessum hlunnindum.
Fram af Bæjarnesinu er lítill hólmi sem kallaður er Þernu-
hólmi, milli hólmans og nessins er mjótt sund, vestan við hólm-
ann eru svo eyjarnar, þær eru tvær og er hægt að fara á milli
þeirra þurrum fótum um fjöru en alldjúpt sund um flóð. Inn
með nesinu er svo hólmi sem heitir Dyrhólmi. I eyjunum og
hólmunum voru aðal varplöndin, nú er varpið að mestu horfið.
Eitt af hlunnindum Broddaness var mikill heyskapur í eyjun-
um og langar mig til að lýsa helstu vinnubrögðum við hann eins
og hann gerðist þegar ég var ung.
Þá bjuggu á Broddanesi þrír bændur. Brynjólfur Jónsson afi
minn. Sigurður Magnússon og Jón Þórðarson, þeir áttu sína
systurina hver. Ragnheiði, Ingunni og Guðbjörgu. Afi og Sig-
urður áttu 3/5 parta í jörðinni en Jón 2/5. Öllu landi og eyjum
var því skipt í hlutfalli við það, hafði því hver sinn ákveðna part
19