Strandapósturinn - 01.06.1977, Blaðsíða 63

Jóhannes Ásgeirsson:
Svipmyndir
frá Borðeyri
og Hrút-
firðingum
Ég mun hafa verið 7 ára gamall þegar ég fór til Borðeyrar í
fyrsta sinn með Gísla Jóhannssyni, fóstra mínum, sem þá bjó í
Pálsseli í Laxárdal, Dalasýslu. Sá bær stendur næst Laxárdals-
heiði, sunnan Laxár. Gísli flutti að Pálsseli um síðustu aldamót
og bjó þar til ársins 1943, en þá flutti hann að Lambastöðum í
sömu sveit. Það sem ég man úr þessari ferð er aðeins tvennt. A
þeim tíma náði verslunarsvæði R.P. Riis-verslunar á Borðeyri
norður i Víðidal og Vatnsdal og suður í Miðdali. Það var því oft
mannmargt á Borðeyri í þá daga. Þegar við vorum komnir suður
á melendann, þar sem hallar niður á „plássið“ heyri ég að tveir
menn voru að tala saman. Annar þeirra var eldri maður með
mikið skegg. Fóstri minn sagði mér að hann héti Jónas og væri
bóndi á Húki í Miðfirði. Þá heyri ég að Jónas segir við manninn:
„Þú rekur nú við hjá mér þegar þú ferð norður.“ Ég hafði aldrei
fyrr heyrt svo tekið til orða í þessu sambandi.
Svo var það síðar þennan dag að fóstri minn var að tala við
mann sem hann þekkti. Mér varð starsýnt á hann, því það rann
svo mikið úr augunum á honum. Ég hélt að hann væri að gráta
og ætti ákaflega bágt, en svo var ekki. Þetta var einhver sjúkleiki
í augunum. Maður þessi hét Jón Andrésson og átti þá heima á
61