Strandapósturinn - 01.06.1977, Síða 64

Valdasteinsstöðum. Hann mun hafa verið greindur og glað-
lyndur maður.
Þegar ég var 8 ára var ég sendur til Borðeyrar að sækja
brennivín. En svo stóð á því að maður vestan úr Saurbæ kom að
Pálsseli og var á leið til Borðeyrar að sækja vín í brúðkaupsveislu.
Hann þekkti Gísla og fór þess á leit við hann að senda mig eftir
víninu, en sjálfur ætlaði hann að slá í túninu með fóstra mínum á
meðan ég færi ferðina, því þetta var um túnasláttinn. Ég var víst
ekki lengi í ferðinni, því mér var hælt fyrir hvað ég hefði verið
fljótur. Ef það kom fyrir að ég væri sendur til Búðardals, þá kveið
ég fyrir þeirri ferð, en hlakkaði alltaf til þess að fara til Borðeyrar.
Mér fannst Hrútfirðingar vera viðkunnanlegir menn, glað-
lyndir og greiðviknir.
Þó ég sæi marga Hrútfirðinga á þessum árum, þá kynntist ég
ekki nema fáum.
Lýður Sæmundsson í Bakkaseli reisti baðstofuna í Pálsseli
fyrir fóstra minn, þegar hann byggði bæinn árið 1910. Eg kunni
vel við Lýð. Hann var skrafhreifinn og var alltaf að segja frá
einhverju, þó hann væri að vinna. Lýður var fyrst og fremst
bóndi, en hann vann mikið að smíðum bæði heima hjá sér og
annars staðar. Hann var sérstaklega kunnur fyrir rokkasmíði, en
þá seldi hann í mörg ár víða um landið.
Þegar ég kom í pakkhúsið á Borðeyri varð mér alltaf starsýnt á
Eið Jónsson sem afgreiddi kornvöruna. Hann bar tunnusekkina
eins og þeir væru fis. Eiður var maður sver og samanrekinn.
Hann var greindur maður og töluvert lesinn á þeirra tíma
mælikvarða. Hann var sérstaklega kunnur fyrir sín hnittnu til-
svör sem mörg lifa enn i dag.
Guðmundur Ögmundsson í Fjarðarhorni var greindur maður,
en mjög sérkennilegur í útliti og tilsvörum. Guðmundur bjó
samfellt í Fjarðarhorni í 56 ár. Hann rak þar stórbú með miklum
dugnaði meðan heilsa og kraftar leyfðu. Hann var mikill fram-
kvæmdamaður, og var að því leyti brautryðjandi á mörgum
sviðum. Hann reisti íbúðarhús úr steinsteypu árið 1914 og var
það annað íbúðarhúsið, sem reist var úr því byggingarefni í
Bæjarhreppi. Símstöðvarhúsið á Borðeyri var komið áður, en
62